Havaktingit

You are here

Inuit Uqauhingit Atuquyaiyunik Maligakhaq angirutiqaqtuq

Saptaipa 18, 2017

Tuhaqtitjutikhaq

Inuit Uqauhingit Atuquyaiyunik Maligakhaq angirutiqaqtuq

IQALUIT, Nunavut (Apitilirvi 18, 2017) – Pidjutikharnik ikayugianganik havaktinut atugianganik Inuit Uqauhirnik havagvingmi uqaqhimaaqtukharnik havaktunik, Nunavut Kavamangit (GN) angirutigivakhimayait tamna Inuit Uqauhingit Maligakhaq, taima aulatitiniaqtun atulihaaligumik 2, 2017mi.

"Una atuqtakhangit kavamatiptingni akhurnaqtuq hanaqidjutikhangit talvani GN-kutni Havaktuliqiyikkut Hanaqidjutikharnik 2014-2018," uqallaktuq Ministauyuq Kiinauyaliqiyikkutni Keith Peterson. "Havaktit ilitagiyauniaqtun, aituqtaulutik hanaqidjutikharnik angikliyumiktitiyaangat ayungnairutiqaqtunik talvuuna Inuit Uqauhirni."

GN-kut havaktiit aulatitihimaanginaqtun ihuaqtumik uqagiaqaqtun akiliktauniaqtun ukiuk tamaat manikharnik talvuuna naunairutingnik atuqtainik havakvingmi uqauhirnik qullirutingni: uqagiaqaqtun - $1,500 tallakharniaqtun; uqagiaqaqtun taigukhutik titiragiaqaqtuniklu - $2,400 tallakharniaqtun; unalu uqauhikkut ayuittiagiikhimayunik - $5,000 tallakharniaqtun. Uqauhirni ihivriudjutikhangit ihivriudjutiqarniaqtun talvuuna ihuagiyaunikkut havaktauniaqtunlu tapkuninga Inuit Uqausinginnik Taiguusiliuqtiit (IUT).

"Una ayungnaituq tautuktuyaarutikhaq taima qanuq kavamavut munagigiaqaqtun atuqhimaaqulutiklu uqauhivut," uqallaktuq Ministauyuq Pitquhiliqiyikkut George Kuksuk. "Ikayuutiginiaqtun akhurhaidjutikharnik atugianganik Inuktut uqauhingit kavamatkuni havakviani, taima tuyuqhimaagianganik naunaitumik tuhaadjutikharnik inulramiuyunun inungnin taima ayuittiarutikhangit Inuktut quviahuutauyut akhurnaqhutiklu hivunikhangit havaktunun."

"IUT quviahuktun havaqatigiyaangat GNkut uvani akhurnaqtumik havaaqharni," uqallaktun IUT ihivautauyuq Mary Thompson. "Talvuuna akhurnaqtunik ihivriudjutikharnik Nunavut Kavamangit havaktingit uqauhingit atugiaqaqtaingit, una ikayuutiginiaqtun atuqtukharnik ihuaqtumik inuktun uqauhirnik talvani havakvingmi."

Una maligakhaq atauhiuyuq hanaqidjutikhaq talvani GN-kutni havagiaqaqtaingit hivunikhangir talvani Inuit Uqauhingit Munagidjutikhangit Maligaq (ILPA). Tamna ᐱᕙᓪᓕᐊᔪᑦ ᑐᓴᒐᒃᓴᙳᖅᑎᑕᐅᔪᑦ ᐱᔭᐅᔪᓐᓇᖃᑦᑕᖅᑐᑦ ᐃᓄᒃᑎᑑᖓᓗᑎᒃ, ᖃᓪᓗᓈᑎᑐᑦ, ᐃᓄᐃᓐᓇᖅᑐᓐ ᐅᐃᕖᑎᑐᓪᓗ ᐅᕙᓂ, www.gov.nu.ca. News releases are available in Inuktitut, English, Inuinnaqtun and French on www.gov.nu.ca. Tuhaqtaghat ittut Inuktitut, Qablunaatitut, Inuinnaqtun Uiviititullu talvani www.gov.nu.ca. Les communiqués de presse sont disponibles en inuktitut, en anglais, en inuinnaqtun et en français à : www.gov.nu.ca. Tuhaqtitiliqiyut 2017 NR20

ILPAngit aulaliqtuq talvani naunaiyaiyaangat taima nunaptingnik havakvikyuangit ilitagihimayut unalu aulatitiyaangat ihuaqtunik uuktuutikharnik angikliyumiqtitiyaangat atugianganik Inuit Uqauhingit havakvingmi, taimalu ihuaqyumigianganik auladjutikhanrik ikayuutikharnik tunihimayut talvanga GNkutnin talvuna nunalaanun inungnun talvuuna Inuit Uqauhititigun.

###

Tuhaqtitiliqiyut Hivayaqlugit:

Denise Grandmaison
Atanguyaq, Tuhaqtitiliqivingmi
Kiinauyaliqiyikkut
867-975-6818
FinanceComs@gov.nu.ca

Dan Pimentel
Tuhaqtitauyukhanik Atanguyaq
Pitquhiliqiyitkut
867-975-5526
dpimentel@gov.nu.ca

Solomon Awa
Atanguyauyuq Uqauhirnik Atuqtauyukharnik
Inuit Uqausinginnik Taiguusiliuqtiit
867-975-5545
sawa1@gov.nu.ca