Havaktingit

You are here

QEC atauttimuuqtut angirutaanit angiqtauhimayut

Niqiliqivik 18, 2017

Tuhaayaghat

QEC atauttimuuqtut angirutaanit angiqtauhimayut

IQALUIT, Nunavut (Niqiliqivik 18, 2017) – Una Nunavut Kavamanga (GN) unalu Nunavut Havaktuliqiyit Katimayiita (NEU) angiqhimayaat haffumani nutaanguyuq hitamanit-ukiukhamut atauttimuuqtut angirutaanit amiriyangit avatquttunaqhivauk uumani Qulliq Alruyaktuqtunik Ikumadjutiit (QEC).

"Hamnauyuq hivituyumik qaangiqtaulluaqtangit haffumani QEC havaktiingilu", uqaqtuq Johnny Mike, Ministauyuq amiriyangit haffumani QEC. "Una angirutauyuq ilitarihimayangit ihumagiyangit amiriyangit hamna QEC havaktiita iniliuqhimavaktut hivuuranaittumik piyumayaulluaqtangit qulliliqinikhanut ikayuqtut nunallaanut, taimaa ikayuinnaqhugit hamna kuapuriisan hivunigivlugu hivituyuraalungmik-hivitunikhaat angikliktiqhimayut akhuuqhutik aulavikhangit ihuaqtumik."

Una nutaanguyuq angirutaa, taimaa atiliuriiqhimayauyuq uvani Ubluqtuhinia 1, 2017 mi, inirlunilu Ubluirvia 31, 2020 mi, ilaliutiqaqtumik: havaanut akiliakhat angikliktiqhimayuq uumani malruk pussatigut haffumani 2017, uumani atauhiq pusaatigut haffumani 2018 mi 2019 milu, unalu malruk pusaatigut 2020 nut.

"Una hitamat-ukiukhamut angirutaa nakuuvluni tamarmik haniraagut havakhimmaarluaqpaktut tukiqarnaqtumik qilamiuqtumik. Quyagitaktara uumani kingullianut," uqaqtuq Keith Peterson, Ministauyuq amiriyangit haffumani Kavamaliqinirnut Ikayuutikhanut Maligaq.

Aahiit hivunigiyait haffumani angirutaanit ilaliutauvlunilu nutaamik havaariyakhaat parnautikhait uuminngat angikliktiqhimayangit ahiittuq havaguillarningit akikhait hamanngat hitamauyut tallimmanilluuniit ublunganit ukiumi atuqtangit, ilaliutigivlugulu nutaamik ilaliutikhait ahiittuq havaguillaktumik, ikayuutikhait havaktunut turaaqtauhimayut hivayautikkut qaritauyakkut turaarutaanit havaguirnaqhiraangat, qilamiuqhugillu hivunngani-ihumaalungnigut aivaqatigiikhimayut uqariirnikhanut.

Tugliriyangit katimaqattautigiyangit aivaqattautiyangit piliriangit ukunanngat GN unalu NEU uvani Imaruqtirvia 2017 mi, QEC’p atauttimuuqtut katimayiit niruaqhimayangit naammagivluniuk angirutaanut.

Tukiliutingit haffumani nutaanguyuq atauttimuurnikhangit angirutaat naunaiqhiinahuaqtut uvani www.qec.nu.ca/about uvanilu www.gov.nu.ca/finance/information/collective-agreements piyariiqhimakpat.

###

Tuhagakhaq Turaarutaat:

Sheila Papa
Atannguyaq, Kuapuriissat Tuhaqtittiyiit
Qulliq Alruyaktuqtunik Ikumadjutiit
867-979-7534
spapa@qec.nu.ca

Denise Grandmaison
Atannguyaq, Tuhaumatittiyini
Kiinauyaliqiyit Pilirivvik
867-975-6818
FinanceComs@gov.nu.ca