Havaktingit

You are here

Ayuikhayiqarluni Ilihautikhat

Ayuikhayiqarluni Ilihautikhat

Ayuittiarniq

Hunava Ayuittunit Iliharvigiyauyit Nunavunmi?

Kavamatkut Nunavunmi (GN) piqaqtut Ayuittunit Iliharvigiyauyit Pinahuarut angmaumayuq tamainun GN-kuni havaktunun ikayuutauyut ayuittiaqnikkut uvalu inmi angiklivalianikkut.  Uvani ayuqhaqtuinikkut akiitumik uvalu ilihaiyiqaqtuq haffumanga havaktumin. Ilauqaitigiikniq

Havaktut ilaunginagilagit ayuiqiqtuilutik uvaluuniin ayuiqhaqlutik ayuqiqtuqnikkut ilaqatigiiknikkut tugaahimayut haffumunga: 

  • Inuit hivulliurutit ukpiriyauyut ayuqiqtuiyut: Ilvit ayuqiqtuqtit ikayuqniaqtaatit nakuuyumik kangiqhiyaangni  Inuit hivulliurutit ukpiriyauyut  ayungnaitqiyauniaqtuq angut/angnaq piyaangani aallatqiinik-pitquhiqaqtunut  havaanik avatingni.
  • Inungni ayuqiqtuiniq: Ayuqiqtuqtit ikayuqniaqtaatit aadjikiigutighaanik havaap, ilat uvalu nunalaat inuuhikkut
  • Hivuliqhuqnikkut ayuqiqtuqniq: Ayuqiqtuqtit hivuliqhuqniaqtaatit havaklutit hivuliqhuqnikkut ayuiqhaqtaghanik ihagiagiyangnik havaangni uvaluuniin ataniudjutikkut ilvit havaagiyumayat hivuniqni.
  • Aalanaik ayuqiqtuqniq: Ayuqiqtuqtit ikayuqniaqtaatit ayuiqpaliayaangni havaangni imatun ilaqatigiiklugit atugahat kitut pihimaluaqtut havaktaghangni
  • Hivuliqtikhanut ayuqiqtuqniq: Ayuqiqtuqtit kingungani iniqtiqhimayuq haffumani Hivuliqtikhanut ayuqiqtuqniq uvalu ikayungniaqtaatit kangiqhilugit ihumaliugutit atuqtauyut uvani ayuqiqtuiyuni uvalu atuqlugit havaangni.

Ayuqiqtuqniq Nunavunmi ayuqiqtuidjut havaktauhimayuq pihimayunik [iquhiitigut Inuit ukpigiyanik imaatun:          

  • Inuuqatigiittiarniq: Pittiaqatiriiklutik, inuuqatigiit munarittiarnirmunlu inungnut.
  • Tunnganarniq: atuqhimaaqnahuaqlutik ihuaqtunik inuuhiatjutikhat taima ihumangit angmaumalunik, tun’ngahukhimaaqhimalutik ilauhimaaqtitinirlu
  • Kivgaqtuiniq: Ikayurlugit ihariattitqunagillu ilariik uvalu/uvaluunniit nunallaap.
  • Ihumakhaqhiuqatigiingniq: Uqaqatiriiplutik ihumaliuqpaktut tamarmiklu anggiqatiriiplutik.
  • Pimmarikharniq: Qun’ngiaginnaqhuni ayuikhaiyuq ikayuutikhamini, ayuitqiangnguyuq ilihaiyaa ayuitqianggnungittuq, uuktuqhimmaangniq, uuktugumainnaqniqlu.
  • Piliriqatigiinniq/Ikajuqtigiinniq: havaqatigiiklutik hivutunirharnut atuqtakhainik
  • Qanuqtuurniq: aulahimaaqlutik hivunirmun ihumagittiaqlutiklu
  • Avatimik Munaqhittiarniq: Pittiaqlutik munarittiaqlugulu nuna, uumayut avatiliqinikkutlu.

Inuuhighaptingni atuqtaghavut.

Kinauva ayuqiqtuqtauyuq?

Ayuqiqtuqtauyuq, kina qiniqhiayuq ikayuqtughamik ayuqiqtimik, atuugakhanik nalliak atuktaulimaitun, inmigut uvaluuniin ayuittiaqnikkut pivalianikkut.     Inmi-pivalianikkut havauhiq, pinahuaqtauyuq uvalu atuqtitaubluni havaktitiyumin, kina naunaiyaiyuq kinamik angitqiamik atuqhimayainik piyaaqtumik (ayuqiqtuiyuq) Angmaumayumik-pihimayuq uqaqnikkut haffumunga iliugaqhugit uvalu ihuaqhaqhugit tikinahuagutit, imaatun uqaqhugit atuqpaghimayani, ilihimayani, ihumagiyani, uvalu ikayuutinik

Kinauva ayuqiqtuiyuq?

Ayuqiqtuiyuq kina angiyumik atuqpaghimayuq kina ikayuqhugu ayuiqhaqtuq tikitaangani tikinahuaqtani pinahuagutait. Apighuiqataaqhuni apighuutinik taaffuma ayuqiqtuqtup ihumagingitungnaghiyanik. Ayuqiqtuiyut uvalu ayuqiqtuqtauyuq pihimayut-nangaguhuknikkut-pihimayunik pihimalugit ayuqiqtuqnikkut uvalu tamaita mighaagun tuhaadjutinikkut hiamitiqtughaungitut.

Hunauva havauhia piyaangani ayuqiqtuiyughamik? 

  • Naunaiyaqlugit pinahuagutit ihivgiuqlugit ayuiqhaqnikkut upalungaiyautit,
  • Tunihiluni uuktuutinik titirqamik haffumingalu havakpakhimayaminik.
  • Ihivgiuqlugit uvalu ihuaqhaqlugit imaatun ayuqiqtuiyuq ayuittiaqhimayuq uvalu havaaghatigut upalungaiyautinik
  • Hivuani katimaqatigiikniq
  • Tatqikhiut hitamangugaikpat nutanguqtihugit
  • Umiktigut

Qanuginiit ihumagiyauyut ayuqiqtuiyughanik ayuqiqtuqtughanut:

  • Ukiut havaknigit
  • Kangikhitjutaa ilihaiyiqaghuni ilihaqtuq
  • qagitauyakkut ayuittiaqhimayut uvalu ayuittiaqhimayut

Ayuiqhaqniq uvalu Ikayuutighat Hailiyut:

Atugahanik tatqiqhiutinik ayuiqhaqniq ayuqiqtuiyunun uvalu ayuqiqtuqtauyughat uvani Iqalungni uvalu ukiuni aviktughimayuni paqitauniaqtut uvani GN-kut Ayuiqhainikut Tatqiqhiutini: http://www.gov.nu.ca/training-calendar

Qanuq ikauutiginaqiga haffumanga ayuqiqtuinikkut ilihaidjutmin?

Ayuittiaqnikkut uvalu inmikkut– ayuqiqtuqtaunikkut, ilvit havadjagikniaqtutit, tugaaqhimalutit, upalungaiyagiiqhimalutin hivunighangnik ayuittiaqnikkut uvlau upalungaiqhutit tunilugu ilvit ayuiqhimayangnik Ayuqiqtuinikkut, ilvit hakugihiyuumiqtatit kinap ayuiqhimayait uvalu havattiaqnikkut uvalu angikliyuumihuni ayuqiqtuinikkut atuqtatit.        

Ayuqiqtuiniq ikayuutauyut pivalialugit ayuitatik uvalu ayuitut havaktut kitut nakuutqiamik kivgaqtuqnikkut Nunavunmi inungnun. 

Aallanik ilitturipkaidjutikhanik uqaqatigilugu:

Ayuqiqtuinikkut Ayuittiaqhimayuq
Hivayautikkut: (867) 975-6043
Qaritauyakkut: training@gov.nu.ca