Havaktingit

You are here

Minista Uqauhilirinirmut

Maligaliuqti:  Pangnirtung

Minista Avatiliriyuni

Minista Nunallaani Kavamaliriyitkunnilu

 

Una Ihumagiyauttiaqtuq Johnny Mike niruaqtauhimayuq niruaryuarmata October 28, 2013-mi, kivgaqturahuaqhugit Pangniqtuuq uvani 4th Maligaliurviani Nunavut. Mr. Mike niruaqtauhimayuq havaaqaqtitaunirmut ukununnga Ministaqarviunirmut November 15, 2013-mi, qiniqhiablutik Nunavunmi Hivuliqtikhaannik. Mr. Mike angiqtitauhimayuq havaakhamikkut November 19, 2013-mi.

Mr. Mike qangaraaluk angunahuaqtiyuq, iqalukhiuqtiuyuq nanminiqaqhimakhaaqhunilu havaaqaqpakhimabluni ataniunikkut havaarihimayainni. Mr. Mike Angayuqqaanguhimayuq ukunani Niqitak Fisheries Iqalukhiuqtini, Angayuqqaangubluni ukunani NCC Investment Group, Angayuqqaangubluni ukunani Qikiqtaaluk Kuaparisat, Titiraqti-Maniliqiyi uvani Qikiqtani Inuit Katudjiqatinginni, Ikhivautaubluni uvani Ulu Manikhiurnikkut Pivalliayuni uvvalu ilauqataubluni Qikiqtaaluk Iqalukhiuqtini Katimayianni. Mr. Mike nanminiqaqtuq havaariyaminik haffuminnga, Nilasutuq Arctic, Ltd.

Mr. Mike kivgaqtuihimavaktuq qaffiuyuni katimayini kavamatkullu timigiyainni, ukunanilu Katimayiuqataubluni Qulliq Energy Kuaparisani, Cumberland Sound Fisheries Iqalukhiuqtini, Pangniqtuuq Fisheries Iqalukhiuqtit uvanilu Pangniqtuuq Angunahuaqtit Naniriaqtuqtullu Timingani.

Mr. Mike havanngaliqhimayuq atannguyaubluni uvvalu quliliqiyiubluni ukunani Nunattiarmi Qulliliriyit Kuaparisani. Mr. Mike ayuiqhaqhimayuq ingniqinikkut makaniatigut uvvalu naunaipkutalik hananikkut.

Mr. Mike ikayuqpaktuq ilauqataubluni ukunani Pangniqtuuq Inirnirit katimayianni.

Johnny unalu Reverend Looee Mike hitamanik nutaraqaqtuk uvvalu saivanik in’ngutaqaqtuk. Mr. Mike-up quviagiyait angunahuarnikkut, iqalukhiurnikkut uvvalu taiguarnikkut.