Havaktingit

You are here

Upalungaiyarniq Havaakhanun Ayuirharnirnunlu - G.R.E.A.T. Pinahuaruti

Upalungaiyarniq Havaakhanun Ayuirharnirnunlu - G.R.E.A.T. Pinahuaruti

 

Hunauyuq una G.R.E.A.T. pinahuaruti?

• Una 14nik-havainirnik hivituniqaqtuq pinahuaruti tuniyauyuq paannariikhutik Qatan’ngutiliqiyitkut Havakvia unalu Nunavunmi Ilihariaqpaalivikkut.

• Inuit Ikayuuhiaqpaktut uuktuqtaaqtut ilaulutiklu imaatut Nakuuyumik Qanuriliurutikhakkut qanuriliurutimi.

• Iniqtiqhimayut upalungaitqiyauniaqtut havaakhanun ukunungalu/ukunungaluunniit ayuirharnikkut uuktuqvikhanun. 

• Iliharutikhautit: Inuup inmi naunaitkutikkut pivallialiurniit, qauyiharniq qaritauyanun, pimmarigharnikkut pihimayauyukhani ayuirhimayauyukhani, havakvikni pimmarighaarutikhat, uqaqatiginikkut ayuirhimayakhat aallallu! 

• Ilaqaqtuq malruuknik-havainirnik havakhimmaaqhuni-ayuirharnirmik piyauqatigiikhimayut ilihaqtunin, tunnganiqarhuni piyumayainni ayuirhimayainnilu.

 

Qanuriliurutaa:

Ikayurlugit Ikahuuhiaqtaqpaktunun inungnun piyaanginni nakuuyunik havakvikhanun havaliriangatalu imaalu/imaaluunniit piyaanginni hivumuutikhanik ayuirharnirnik iliharnirnikluunniit.

 

Ilauyut uumani pinahuarutimi piniaqtut:

• Pivallialiuqlutik imaalu/imaaluunniit pimmarigharlugit pihimayauyukhat ayuirhimaniit tairurnimik titiraqhimayunik, titiqqanik aturnikhainik, havarnirmik atuqhutik kihittitinik, qaritauyakkut aturniinik titirautigiplugitlu, tapkuat piyariaqaqtut amihunut havaakhanun.

• Ihumagilugit inminun havaakhakkullu turaanganiit, naunaiyaglugillu iliharnikkut iliharumayamingnik, havaakhanik uukturvikhanik.

• Piliuqluni uplumiutanik nutautqiyanik havaakharhiurutikhamik ilitturipkainikkullu titiraqmik, ayuirhaqlunilu uqaqatigiiknikkut ayuirhimayakhanik.

• Piliuqluni hivuagut iliharnikkut naunaitkutimik naunaiyaqtait tuniyuqlu titiraqhimayunik inuuhirni hakugigutinik, ayuirhimayanik, qauyihimayanik inuuniutjutiniklu.

• Ilitturittiarluni havaakhatigut uuktuqvikhanik talvuuna ilaunikkut tapkunani ihumaginikkullu uumani ayuirhaqtipkaiyuqaqnikkut havakhimmaaqluni-ayuirharnikkut.

• Piluni nakuuyunik havaakhaqhiurutinik.

 

Ayuirharnikkut piyumalarhuutit

Tamaita ilauyut piyaaqtut naayaaqtumik $1,400 ayuirharnikkut piyumalarhuutini.

Tamaita ilihaqtut maniliuqpaktut $10 upluq tamaat naallugu iliharnirmik.    Una piyauvaktuq malruukni-havainirni.

Tamaita ilihaqatut piyaaqtullu $700 inirhimalirumik iliharutimik, ilihariaqtungitjutait avatquhimaitpat 10%-nik iliharutini. Uvani 14-ni havainirni pinahuarutimi, unauyuq 7-nik uplunik.

Igahakhaittut tupauttarutikhat manimayut talvannga 8:30-min-  9-mun uplaami  (ilihaliqtinnagit).

Ilauniaqtut piyumalarhuutit tuniyauyut ilauyunun ihumagiyaungittut maniliurutaunikkut; taimaatut, maniliurutit ihumagiyaungittut ikayuuhiarnikkut naunaiyarutini. 

 

Una hulaqitiuniaqqa ikayuuhiarutimnun?

Piyumalarhuutit tuniyauyut ilauyunun ihumagiyaungittut maniliurutaunikkut; taimaatut, maniliurutit ihumagiyaungittut ikayuuhiarnikkut naunaiyarutini.

 

Humiitpa G.R.E.A.T. pinahuaruti?

G.R.E.A.T. tuniyauhimavaktuq Kugluktumi, Iqalungni, Kangiqlinirmi, Ipiaryukmi, Qamanittuami, Urhuqtuumi, Iglulikmi, Pangniqtuuqmi Mittimatalikmi, Kinngait, Salliq, Taluryuaq, Sanikiluaq, Naujaatmilu.  

Tatja tuniyauyuq Arviatmi, Kangiqtugaapikmi, Sanirayakmi, Kimmirut, Kugaarukmi, Qikiqtarjuaqmi Sanikiluaqmilu.

Aallat nappaanik ilihaqtakhanik G.R.E.A.T. pilihaaqniaqtuq Apitilirvik 2017 hamani Igluligaaryukmi, Iqaluktuuttiaqmi(Ikaluktutiak), Kinngaitmi, Iglulikmi, Uqhuqtuuqmilu. Ilauyumayut Inuit hivayagiaqaqtun nunallaami ikayuuhiaqtiliqiyit ilitturittiarumaguvit. 

 

Aallanun ilitturipkaitjutikhanik

Ikayuuhiaqtaqpakkuvit uukturumayutillu uumunga pinahurutimun, uqaqatigittaaqtat nunallaami ikayuuhiaqtiliqiyit ilitturittiarumaguvit.

 

Tapkununa Pivagainik kangiqhiyumadjutitit 

G.R.E.A.T. Piyakhaiyaqti

Karyn Vanden Boomen

Havaariraaqpaktakhainni Pivallialiuqti

Qatan’ngutiliqiyitkut Havakvia

KVBoomen@GOV.NU.CA

Hivayaut: 867-975-5244