Havaktingit

You are here

Uvaptingnut

Naunaitkutait havaktauyakhamut/havakpagainut/ilanganut:

Nunalingni Kavamatkunillu Pivikhaqautikkut (CGS) havakpaktut paanariikhugit nunallaani kavamatkut ikayuqlugit naahimadjutikhainut ikayuriamingni havaarilugit piyumayainut nunallaamiutanut. CGS-kut havaarivagait havaktauyakhat manikhallu ikayuutauyunut haamlatkuni auladjutikhainut, aulapkaidjutikhanut nunamullu pivalliadjutikhat. Ikayuqpaktut ayuiqhaidjutikhanut Katimayiinnut haamlatkunilu havaktiinnut.

CGS havaariyaat tamainnut havaktauyakhanut kavamatkuni havagviinut allanullu havagviinnut ikayuutikhanut ihuaqtunut nakuuyunullu Auladjutikhanut havaakhanut havaktakhamingnullu. Havaarivaktait CGS-kut ukuat ilangit: niuvvaanikkut, umiakkut agyaktarnikkut kaantraakhanullu; nanminiriyanut piqutinullu munaridjutikhanut ilingaiyainikkullu; hanayauyakhanut havaakhamullu munaridjutikhanut aulapkaidjutikhanut havatakhainut, unalu; iqaritauyakkuurutikhanut naunaitkutikhanullu munarilugit havakpaktamingnut.

CGS-kut havaariyaat havaktauvaktut pihimayut inungnut. Ukuat ilangit: ikuaqlaaqtittinaittumik qayagidjutikhanut kangiqhipkaidjutikhat, ihvriuqtakhanut ayuiqhaidjutikhallu; alruyaktuqtunut ingniqutiqaqtunullu ihivriurutikhanut iglukpanik; qilamiurutinut munaridjutikhanut havakpagainut ukuallu qiniqhiavaktunut ikayuutikhanut ayuiqhaidjutikhanullu; niuvvaavaktunut ikayuutikhat; niuvvaanikkut akyarnikkullu uqhuqyuanik nunallaanut, unalu; pivalliadjutikhat ulapqidjutikhanut hulilukaarutikhanullu Nunavunmi. Ukuat havaktauvaktut uqaqatigilugit piyughauyut nunallaani kavamatkunut, nanminiqaqtunut nunallaami inungnullu.

Takuyumayavut:

Nunalingni Kavamatkunillu Pivikhaqautikkut itquumagiyaat pidjutikhaqaqtugut pivaktaptingni ikayuutigilugit inmikkut kavamaliqidjutikhanut, ihuaqtumik pivaktunut nunallaani ikayuqpaktunut nuatqatigiiktunut pitquhirmullu piumayauyanut nunallaamiutanut, ikayuutauyunullu Nunavunmi maniliurutikhanut nuatqatigiigutikhanullu, pitquhirmi avatingnullu inuuhittiarutikhanut.

CGS-kut ikayuqpaktut takuyauyumayamut ihuaqtumik havaarivlugit nakuuyut havaakhat havaktauvaktullu nunallaanut nunallaamiutanullu turaangittumiklu nunani hanianiittunut kavamatkuni havakpagainut aallanut havagviknut timiuyunullu.

Hivunighaliurutikhat Pihimayumayainullu:

Nunalingni Kavamatkunillu Pivikhaqautikkut itquumagiyaat taimaa:

Ikayuutigilugu Inuit Qaujimajatuqangit (IQ) atuqtauyuq pivalliadjutigiyakkut nakuuyumik kiuvaktunullu havagvikmi, atuqhugit pitquhirmi hulilukaarutikhat pihimayumayaillu havaktauyakhani havaktauvaktunilu;
Paanarriikhugit nunallaami kavamatkut ilauqatigiiktullu atuqpagaat pivalliadjutikhanut pikatigiiklutik, havaqatigiigutikhanullu;
Ayuiqhainiq iliharniklu ikayuutauyuq aanniarnaittumik, inmikkut kavamaqaqtunut, ihuaqtunullu nunallaanut naahimadjutikhaliurutainut. Hakugikhiyuuminiaqtaa Nunavut atuqtakhainut inmikkut pivallianikkut nunallaamilu pivalliadjutikhanut.
Naunaikhivluta kangiqhipkaidjutigiyaptingnut ikayuqtaptingnut utaqqinnaittumik kiuvaknikkut, ayughautigivagainut ihaqhailutik nakuuyumik, ikayuqpaklutiklu idjuhirhamik. Una pilluagakhaq ikayuutigilugu ihuaqtumik nakuuyumiklu havakpakluta nunallaanut ikayuqpaktaptingnullu havagviinnut.

Uqaqvigivikhat:

Nunalingni Kavamatkunillu Pivikhaqautikkut
Titiraqarvinga 1000, Nayugaa 700, 4th Floor, W.G. Brown Iglukpak, Iqaluit, Nunavut
Hivayautaa: (867) 975-5400
Kayumiktukkut: (867) 975-5305