Havaktingit

You are here

Nunalaani Ikayuutikhangit

Nunalingni Kavamatkunnilu Pivikhaqautikkut tunihimaaqtun ikayuutikharnik ikayukhimaanginaqtunlu nunalaaningnik nunalaanilu kavamaliqiyunik tamaini Nunavunmi havaangangitlu ikayuutikharnik Nunavut Kavamanmun havagviinun.

Nunalaani Pivalliadjutikhangit

Nunalaani Pivalliadjutikhangit tunihimaaqtun ayuiqhautikharnik pivalliadjutikharniklu hanaqidjutikharnik nunalaani katimayiinun havaktinunlu, munagihimaaqhugitlu ihivriunginaqhutiklu nunalaani auladjutikhangit. Una ikayuutikhaq ikayuutigivaktuq nunalaani pivalliadjutikharnik taima nanminikkut havakhimaagiangat talvuuna hanaqidjutikharnik pivalliadjutikharnik katitirutikharnik nunalaanun aulatitihimaagiangat ikayuutikharnik.

Nunalaani Igluqpautigiyaingit Havaagiyaingitlu

Malikhautikhaq mapiraaq Nunalaani Igluqpautigiyaingit Havaagiyaingitlu havagviit munagiyakhait nuutiqtigiyukhat tamangnik Nunavut Kavamangit Kanatam maniktaqviingit nunalaani igluqpautigiyaingit Havaagiyaingitlu havaaqhangit.  Tamna havagvium taimailiuqtukhauyut aadjikiiklugit, ihuaqtumiklu tautuminaqtumiklu havakhimaaqtukhat, qumiktaaqatigilugit tamangnik nunalaani pidjutikhangit malikhautikhatigunlu atuqtakhainik. 

Atuqhimaanginaqtunut Havagviingit

Atuqhimaanginaqtunut Havagiviingit ikayuktukhat Nunavut nunalaangit havaktingitlu nunalaani nunaqaqtuniklu ihumagiyauyunik havakhimaanginaqtun talvani atuqtukhimaanginaqtunut havagviingitni.

Nunalaani Ayuiqhaqhimaanginaqtunik Havagviat

Tamna Nunavut Nunalaani Ayuiqhaqhimaanginaqtunik Havagviat (MTO-mik taivagaat naitumik) maniliukhimaangitun havagviit katitiqhimayut ilaqatigiikhutik tamangnik Nunavut Havagviingit Nunalaani Titiqiqiyiingit  (NAMA-mik taivagaat naitumik) Nunavut Kavamangit Nunalingni Kavamatkunnilu Pivikhaqautikkutlu (CGS-mik taivagaat naitumik).

MTO-ngit malikhautikhat mapiraangutaini ilitagiyaangat, pivalliayaangat, aulatitiyaangatlu havaaqhangit tuniyaangat nunalaani kavamaliqiyut havaktinun ayuittiarutikharnik ilihimayakhainiklu taima atugiangat ihuaqtumik ikayuutikharnik nunalaani havaaqharnik ikayuutikharniklu tamaini nunaqyuaptingnik Nunavunmi.

Naunaiqyumirumaguvit ayuikhautihimaaqtukharnik ilihairutingnik, pulaaqlugu Nunavut Nunalaani Ayuiqhaqhimaanginaqtunik Havagviat qaritauyaliqidjutingit: http://www.nmto.ca/

Upalungaiyaiyut Nunaliqiyutlu

Upalungaiyaiyut Nunaliqiyutlu tuhimaaqtukhat qaritauyaliqidjutikharnik maniliqidjutikharnik hanaqidjutingnik nunalaanun nunanun atuqtauyukharnik upalungaiyaiyakharnun.  

Munagidjutikharnik Ikayuutikhat

Munagidjutikharnik Ikayuutikhat munagihimaaqtakhait Havagviangit Qaptiliqiyikkut Atanguyangnun, Amigaqhuutigiyauyukharnik Atuqhimaanginaqtun Havagviit (EMO-mik taivagaat naitumik), qiniqhiayiit anaktuiyuliqiyutlu tutqikhailiqiyut, havakhimaaqlutiklu qaritauyaliqidjutingun atuqtakhainik/qayangnairutikharniklu ihiviriudjutikharnik.  Ukuat ikayuutikhat ilauyut ihivriurutiit igluqpangnik upalungairutikharnik ihivriudjutikharnik igluqpangnik taima aulahimaaqtukhat allatqiinik qaptigiliqiyut qayangnairutikharnik ingniqutiliqiqaqtunik/alruyaqtuqtuniklu malikhautikhat naunaitkutit.  Ihivriudjutikhat Ikayuutigiyauyut tunihimaaqtun nunalaanun nanminiqaqtununlu havagviit.   Havagvium munagihimaaqtun auladjutikharnik talvuuna Qaptiliqiyikkut Ikualaaqtailiqinikkut Hanaqidjutikharnik.  Ayuiqhautikharnik aulahimaaqtukharnik tunihimaaqtun ikayuinaqtunut akiliktaugiaqangitunut, taima aituihimaanginaqtun amigaqhuutikharnik qaptigiyaangat ikayuutikharnik tamaini Nunavunmi.

Aviktuqvingniitun Havagviit

Aviktuqvingniitun havagviit tunihimaaqtun nunalaani ikayuutikharnik havaaqharnik ikayuutiniklu.  Aviktuqvingniitun havagviit ilauyut Nunalingni Kavamatkunnilu Pivikhaqautikkutni tunihimaaqtun Nunavut Kavamanmun havakhimaaqniaqtunut nuutiqtauhimayunik havaanganik.   

Iqaiyaliqiyikkut Ulapqipkaiyuliqiyikkutlu

Iqaiyaliqiyikkut Ulapqipkaiyuliqiyikkutlu munagihimaaqtun atuqhimaaqtukharnik, pivalliadjutikharnik aulatitiyukharniklu ayuiqtukharnik iqaiyaliqidjutingnik ulapqidjutingnik iqaiyaqhimayukharniklu hulilukaarutikharnik tamaini tamaat Nunavunmiunun.  Iqaiyaliqiyikkut Ulapqipkaiyuliqiyikkungitlu aulahimaaqtunik ilauyut titiqiqidjutingnik nunaqyuaptingnun iqaiyaliqiyut/ulapqipkaiyuliqiyikkutlu havagviingit, nunalaani iqaiyaliqiyut katimaviit, ikayuinaqtunutlu havagviit nunalaanilu havagviingitlu.
 

Nunalingni Kavamatkunnilu Pivikhaqautikkut
Quiqata 1000, Nayuga 700
4th Floor, W.G. Brown Building
Iqaluit, Nunavut
Hivayauta:  (867) 975-5400
Kayumiktukkut:  (867) 975-5305