Havaktingit

You are here

Nunavunmi Nanminiqaqtunut Ikayuutikhaq (NEI)

Nunavunmi Nanminiqaqtunut Ikayuutikhaq (Nunavut Entrepreneurship Incentive - NEI) tunihivaktut $5000 ($2500 malruhituqhugit pivagait) manikhanut ikayuutikhanik ikayuqhugit nutaanik nanminiqaliqtunut Nunavunmi. Uumunga havaktauyakhamut, pittaaqtut inuit piniaqtut havaariraakpaktakhanut uqaudjiyaulutik uumanga Havaariraakpaktakhanut Pivalliadjutikhainut Havaktit (CDO) nanminiqaqtunullu aullaqtirutikhainut ikayuutikhat tikkuaqtauhimayunit nanminiqaqtunut pivalliadjutikhanut paanariiktunut qauyihaiyinit.

 

Qilamik takuyakturvikhat

Pittaaqtunut

Qanuq pivagainut

Pittaaqtainut akiliutikhanut

Uuktuutikhamut titiraq

 

Pittaaqtunut

Nunavunmi nanminiqaqtunut pittaaqtut taimaa pigumik:

  • Nutaamik nanminiqalirumik havagvikhamingnik;
  • Ukiuqaqtukhauyut 18-nik qaangiutilugulu, Kanatamiutaulutik nunallaamiutauhimmaaqhutikluunniit;
  • Pihimaillutik Inmikkut Havaaqaqhimaittumik kingunngani;
  • Piliuqhimalutik nakuuyumik nanminiqaqtunut qanuriliurutikhamik havaqatigivlugu ilauttaaqtut Nunavunmi nanminiqaqtunut pivalliadjutikhanut paanakhamingnik;
  • Pihimalutik atuqtauyamik nanminiqaqtunut laisikhamik;
  • Tunihihimalutik angirutikhamik titiqqidjutimik ilauttaaqtunik nanminiqaqtunut pivalliadjutikhanut qauyihaiyimit.

 

Qanuq pivagainut

Inuit ilauyumayut NEI-mut iniqtiriyukhat uuminga Havaknahuaqtunut Ikayuutikhat Havagviinnut Uuktuutikhaq uumunga Havaariraakpaktakhanut Pivalliadjutikhainut Havakti tunihilutiklu tamangmik iniqhimayumik nanminiqaqtunut qanuriliurutikhamik nunallaami Nanminiqaqtunut Pivalliadjutinut paanaauyumit uumingalu Nunavunmi nanminiqaqtunut laisikhamik uuktuinnarialgit uumunga Nunavunmi Nanminiqaqtunut Ikayuutikhaq. CDO-nguyuq naunaikhiniaqtuq inuk ikayuqhirumayuq ikayuqtauniariakhaanut atuqlugit piliuqhimayut havaakhanut maliktakhat.
 

Inuit ikayuqtauyut havakniaqtut pivalliadjutikhanut nanminiqaqtunut qanuriliurutikhatigut inmik nutaanut nanminikhanut atuqlugit ayuittiaqhimayunit ikayuqtunut nanminiqaqtunut pivalliadjutikhanut paanariiktunit.  Hivitunia piyakhanut aallangayuq utaqqinnaqniaqhuni ikittuni havainiqni ikittunut ukiuniluunniit piliurianginni. Iniqtirigumik nanminiqaqtunut qanuriliurutikhanut, ikayuqtauyuq piniaqtuq uuminga Nunavunmi Nanminiqaqtunut Laisikhamik.
 

Ukuak malruk titiqqak iniqtaukpata, una NEI uuktuutikhaq tuniyaunginnarialik uumunga Havaariraakpaktakhanut Pivalliadjutikhainut Havakti (CDO) piyakhauyuklu iluani 12-ni tatqirhiutini pigumikkut nanminiqaqtunut qanuriliurutikhanut angiqtauhimalutik.
 

Uuktuutimut angiqtaugumik, $5,000 tuniyauvaktuq inungnut malrukni pivlugu. Nakuuyumik ihuaqtumik ilauttaaqqata havaakhauyumut maliktauyakhanut, aullaqtirutaanut hivulliqmik akiliutikhaa $2,500 tuyukniaqtaat maniqarvikyuamut ililugu ilauttaaqtumut ikayuqtauyumut. Ikayuqtauyuq naunaikhiyukhauyuq tamainnut ilauttaaqtunut akiliutikhanut (uumatut pihimalugit akiliutikhanut naunaitkutainik) taaffumunga akikhaanut iluani 180-ni ubluni (6-ni tatqirhiutini). CDO-nguyuq naunaikniaqtait akiit ihuaqhaqlugillu naunaitkutait akikhainut/akiligakhanullu, naunaiqhilunittauk tuniyaamini tugliuanik akiliuhiakhamik $2,500-mik. Ikayuqtauyuq piqaqniaqtuq aallamik 180-ni ubluni naunaikhiyaamini manikhanut.
 

Akiligakhat pihimayut manikhanut aadjikkiiktukhauyut hivulliqmut uuktuutikhamut manikhanik naunaikhimayumut piumayainut. Ikayuqtauyuq piqaqniaqtuq atauhiqmik ukiunganik pidjutaanut uuktuutikhaminut angiqtaugami tunihiyaamini tamainnik akiligakhanut.

 

Pittaaqtainut akiliutikhanut

Ataaniittut pittaaqtait akiliutikhat uumunga NEI-mut havaakhamut:

  • Laisiqaqtunik nutaqqiqiviknit akiligakhanut nutaqqanut nukaghiutyunit 6-ni ukiunit;
  • Auladjutikhanut akikhanut ukuallu hivayautinut nanminiriyamingnut;
  • Nanminiriyamut iglukpakmut akikhamut ukiungatigut iglukpamut akikhainulluunniit;
  • Uqhuqyuanut akikhainut akhaluutimut atuqtamut nanmiriyamut;
  • Tingmidjutinut akikhainut ayuiqhariaqturiamingni nanminiriyaminut;
  • Ilihaidjutikhanut akikhainut pihimayunut nanminiriyamut;
  • Niuvrutikhanut aallangayunut tamayanut nanminiriyamut;
  • Aallallu ilauyunut akiliutikhanut pittaarungnaqhiyait.

 

Uuktuutikhanut titiraq

NEI Uuktuutikhaq titiraq