Havaktingit

You are here

Hivunikhaq/Takuyujmayavut/Hivunighaliurutivut

Hivunikhaq: 

Hivunikhaat Pitquhiliqiiyitkut tammaqtailiplutik amigaikyuummigahuaqhugitlu atuyuqtut pitquhiatigut, idjuhiata uqauhiitlu.  

Havagviata tikiutivaktut hivunikhaat atuquinnakhutik Inuit Ikpiriyainnik talvuuna uuktuutaannut Inuit Qauyimayatuqanggitnut; atuqunahuaqhutik Inuinnait uqauhiatnik havagvikmi tamaanilu nunavunmi; atuqunahuaqtik pittaalaqiyaangnirmun naunaitkutikhanut ikayuutikhainnutlu Nunavunmi atuqhutik ilitariyauyut uqauhiitni tamaani nunallaani; ikayukhugit maniliurnahuayuittut nunallaani ittuni inuit katimayiuyutlu pidjutiyut pitquhitigut, uqauhitigut, idjuhiatnilu hulilukaagainggamik; atuqunahuaqhugulu makpiraaliqiivit tamaani Nunavunmi; atuquhimmaaqhutiklu uqaqatiriikgaikpatta inirniitnik inuulrammiit kavamanilu. 

Takuyumayavut:

Talvani Nunavunmiut uqaqpaktut, taiguaqhutik titiraqhutiklu ayuqhangittumik malrukni uqauhini, nakuuyumik inuuvakhutik nutaami nunami atuqhugit pitquhiraluaptingni pitquhiinik ukpiriyainiklu atuqhugit maliktakhanut.

Hivunighaliurutivut:

Atuqhimmaaqtavut hivunighaliurutikhat umkunanga Inuit Hivulliurutit Ukpiriyauyut uqarivlugit aghuuhaidjutigivlugillu hivumuuqhutalu nakuutqiyamut hivunikhaptingnut:

  • Inuuqatigiittiarniq: Ilannariiktiarlutik, Ilaqatigiiglutik munarittiarlugillu Inuit.
  • Quviahuttiaqtittiniq: Inungnut tamainnut iliharhukhimaittumik qanuqrunaaqtailiniq ilauttiaquiniq.
  • Ikayuqatigiingniq: Ihariattailiniq Inuit nuatqatinullu.
  • Ihuaqhaiqatigiingniq: Ihumaliurnikkut ihuaqhainiq uqaqatigiikhutik angiqatigiikhutiklu.
  • Piyangaiqpallianiq: Ayuiqhavallianikkut ilitturivalliaplugu uuktuqhimmaarnikkut pihimmaaqhugulu.
  • Havaqatigiingniq: Atauttikkut pinahuagarmik.
  • Ihumaliuttiarniq: Atugakhaliuttiaqhuni paqittinahuarnikkullu ihuarnikhaanik.
  • Munaqhittiarniq: Nunanik, anngutikhanik hilaptingniglu.