Havaktingit

You are here

Ilihainiqmut Ikayuutikhat

Avatiliriniqmut Ilihainiq unalu Inuknut Ilauqatigiikniq

Havaqatigiikluni havaktunut tamainni Avatiliriyiitkut havakvinginni, Avatiliriniqmut Ilihainiq Ikayuutiuyullu havakvingit ikayuqtut naunairimi pilluaqtakhangit ilihainiq ikayuutikhaqlu havaakhauhingit atayut tamainnut havakviptiknut havakvikmi tamainni. Nuna nunamiingaqtullu akhuuqpiaqtumik akhuuqtavut tamainnut Nunavummiunut uumunngalu Avatiliriyiitkut akhuuqtut ilihapkaigiami ilaupkaigiamilu amihunik naalaktunik ukuatlu inuulramiit, inuit, inirniriit sikuuqtitiitlu avatiliriniqmut havaangit munariyangitlu.

Qaffiuyut Ilihainiqmut Ayuirhaqtakhat uuktuinnarialik inuknut Nunavunmi. Naqitlugu qaritauyakkut takuyakhat hamna ataani naunairyuumirumaguvit!

Avatiliriyiitkut akhuuqtut ikayuriamikni sikuuqtittiinik avatiliriniqmut huradjaniklu ilihaqtipkaiyukhat sikuurvikmini, pipkaigiamilu ilihaqtut nunamut takugiamikni nunapta iliharviuyuq.

Naunairyuumirumaguvit ilihainiqmut ilihaidjutinik ikayuutikhanikluuniit, uqaqatigilugu Avatiliriyiitkut Havakvinga uumani environment@gov.nu.ca.

Avatiliriyiitkut ilauyuq qaffiuyunik ilihainiqmut havaakhauhiq ilihaidjutiniklu tamainni nunavunmi. Hamma naittuq ilanginnik ilihaidjutilluaqtikhaqnik.

Ilinniaqtuqvikni Ilihaidjutikhat

Maniqqami

DOE-kut havaqatigiiliqtut Ilinniaqtuliriyiitkunnut qaffiuyullu nunamikni avikturhimayumilu ittut Inuit timiqutigiyauyut piliuriamikni nutaanguqtigiamilu maniqqami ilihaidjutikhat. Maniqqamiittut ihumagilluaqtaat pipkaidjutigiami “Malruuknik Iiqaqtut Tautuktut”, talvani naunaiyainiq unalu Inuit Qaujimajatuqangit atauttimiuyut talvani ayuirhariami avatimi. Pittaarumi, DOE-kut havaktingit ukuatlu An’nguhiqiitkut, ihivriuqtiuyut, hilaup aatlangurninnganut ayuittiaqhimayut, iqalukhiuqtiuyut nattiqhiuqtiuyullu havakvinga havaktingit, pulaarviup havaktingillu ilauyut piliurninnganik tunidjutinganiklu maniqqami ilihaidjutikhanik.

Malruuknik Iiqaqtut Tautuktut Maniqqami: Ilihaidjutikhaq Sikuuqtittiinut umunnga Munariyuq Maniqqami Ittunik Ilaliutigiami Naunaiyainiqmik Ilihaidjutikhat (qakugunnuaq piniaqtuq!)

Sikuuqtittiyii / Ayuirhaiyuq Avatiliriniqmut Ilihainiqmut Ayuirhainiq

Havaakhauhiq Huradjanik unalu Below Zero-mik

DOE-kut naunaitkutalgit tunigiami Nunavunmi ilihapkaigiami Kaanatamiutat Huradjat Katimayiingit Ilihainiqmut Ilihaidjut. Havaakhauhiq Huradjat unalu Below Zero malruunguyut ikaarnimik uuktuutauyut akhuraaluklu nangariyauyut avatiliriniqmut ilihaidjutiuyut atuqtauyut Kaanatami sikuuqtittiinit taimaa avatqumayumik 15nik ukiunik. Below Zero piliurhimayuq avatiliriniqmut ilihapkaidjutikhaq “ukiunguraangat”, pipkaidjutiyuq nakuuqpiaqtumik ilihaidjutikhaq Nunavunmiutanut sikuuqtittiinut. DOE-kut Huradjanik Ilihainiq ayuirhaivikhat ilaunginnarialgit Nunavut sikuuqtittiinginnut pilunilu naunaitkutamik iniqtiqtaminik, iluittuq Havaakhauhiq Huradjat unalu Below Zero-miklu ilhaidjutikhamut ihumaliurut maliktakhangit aatlatlu nakuuqpiaqtut ilihaidjutikhat. DOE-kut tunivaktut Huradjanik Ilihainiq ayuirhaivikhaq piumagumik avikturhimayumilu sikuuqtittiit katimaliraangata, unalu qakugunnuaq Qikiqtaani Avikturhimayumi Sikuuqtittiit katimaniaqtut. Naunairyuumirumaguvit uumuuna Huradjanik Ilihainiq, takulugu Kaanatami Huradjat Katimayiingit.

Sikuuqtunut Pulaarniq

An’nguhiqiitkut, ihivriuqtiuyut, aadlatlu DOE-kunni havaktut tamainni nunavunmi piqaqtut ayuirhainiqmut ayuittiaqtumik ikayuutikhanik ikayuriami sikuurvikmi uqaqtakhanginnik pulaariamilu sikuuqtunut. Ilihaidjutikhat piliurhimayut pigiami ihuaqtumik ilihaidjutiuyuni ilihaidjutikhanik piyakhanginnik. DOE-kut havaktingit avatiliriniqmullu ilihaidjutikhat ayuittiaqtut tunigiamikni ilihaqvikmi ilihaidjutikhanik aadlatqiinik ayuirhautikhanik, hapkuninnga:

  • Hilaup Aadlanguqtininnga Nunavunmi
  • Huradjat Nunavunmi (ukuatlu huradjat hungiutininngit, Ukiuqtaqtumi Uumayut nayugangit hilatingitalu qanurittuuningit, hunavaluitlu.)
  • Avatiliriniqmut Ihivriuqniqmut Qanuqtut Piyakhangit
  • Nattiqhiurniq Nunavunmi
  • Nunayanik Ayuirhainiq Humi Ittaakhaanik Naunaiyainiq atuqluni GPS-mik

Naunairyuumirumaguvit, uqaqatigilugu an’nguhiqiitkut, unaluuniit Avatiliriniqmut Ilihainiq havakvinga.

Havaqatigiiktut ukununnga Sikuuqtut Hikumi

Sikuuqtut Hikumi takhiyut timiqutigiyauyut tuniyuq aadlatqiiktumik ilihaidjutimut audlaarniq Hikumut Ukiuqtaqtumullu. Havaangit tunigiami ilihaqtunut, sikuuqtittiinut ihivriuqtiuyunullu Nunavunmit tamainnilu nunaryuaptiknut alianaqtunik ilihaidjutikhanik nunguvinganut Nunaryuaptikni unalu, taimailiuqqat, ikayurniaqtaat munarigiami nutaamik kangirhidjutikhamik nakuuyumiklu pitqutigiquplugit nunaptiknik.

DOE-kut tuniyuq manikhamik ilihaqtunut tamainni Nunavunmi ilaugiamikni SOI Ukiuqtaqtumi audlaariamikni 2008mit.

Naunairyuumirumaguvit ukunanik Sikkuuqtut Hikumi, takulugu uumani http://www.studentsonice.com/

Maliklugu 2014 ilihaqtut audlaaqtillugit, taiguaryuumiqlugu ilihaqtut ilihaqtamiknik, ayuirlutitlu ilihainikkut tikiutinahuarutingit qanuritaakhaaniklu atuqtangit hapkunannga ilihaqtunit. Hivuniqmi audlaaqtiugiaqni! Taiguaqlugu taiguagakhangit – Ilihaqtut Hikumi, Ukiuqtaqtumi Inuulramiit Audlaarutinga 2014

Havaqatigiiktuq Actua-mut

Actua kaanatami maniknik ikayuutauyut timiqutigiyauyut akhuuqtut tunigiami inuulramiit Kaanatamiutat nakuuyumik, ilihaidjutinganik atuqtangit naunaiyainiqmut, nutaangurninnganik unalu hanauyukhanik titirauyaqtiuyuq. DOE-kut havaqatigiiktut Actua-mut tunigiamikni ihuarhaqhimayuq avatiliriniqmut hilaup aadlangurninnganiklu ittunik sikuurvikmi ilihaidjutikhangit auyamilu maniqqami ilihaidjutingit Nunavunmi ittunut nunallaangit. Naunairyuumirumaguvit Actua-mik, pulaarlugu qaritauyakkut uumani: www.actua.ca.

Nunallaani Halummaqhainiq

DOE-kut havaktingit ilauyut nunallaani ittunut halummaqhiniq havaakhauhiqmik, pivaktut avatiliriyiitkut quviahuutingani June-nguraangat ukiumi.

DOE-kut pivaktut qaffinik aadlatqiiniklu ilihaidjutikhanik atan’nguyaqarvingani Iqalungni an’nguhiqiinganilu havakvingani. Ilangit ikayuutikhat qaritauyakkut piinarialik hamna ataani. DOE-kut tadja havaktut amigaittunik nutaanik aadlatqiittuqmiklu ilihaidjutikhanik. Qakunnguraikpat takuvaklugu naunairutinik!

Nunami Uumayut Maamaktittut Nunavunmi (Taiguagakhaq titiraqhimayuq Qablunaatitut/Inuktitut).

Titiraqlugu environment@gov.nu.ca aquiqturumaguvit taiguagakhanik pulaarluguluuniit an’nguhiqiitit.

Utaqqiyuq Hikup Avataani (DVD qungiarianginnarialik Qablunaatitut/Uiviititut)

DVD qungiaqtakhaq akhuurutininnganik nattiit pitquhinginnik Inuknut. Ilaliutihimayuq sikuuqtittiip ikayuutikhanga piinarialik Qablunaatitut.

Kaakuluk Makpiraaq (Makpiraaq piinarialik titiraqhimayumik Qablunaatitut/Inuktitut)

Havaqatigiikhutik Qikiqtaani Inuit Katimayiinginnut unalu Nunavunmi Malruuknik Uqauhilgit Ilihainiqmut Katimayiingit, DOE-kut tuniyut tuktunik makpiraanganik Kaakulukmit, makpiraaq sikuulihaaqtunut qitqanilu sikuuqtunut inuulramiinut. Titiraqlugu environment@gov.nu.ca aquiqturumaguvit makpiraanik, pulaarlugulu an’nguhiqiitit havakvinganut, qaritauyakkutluuniit aquiqtuqlutit ukunuuna chapter.ca uumaniluuniit amazon.ca.

Tajarniit (DVD uqaqtunik Inuktitut titiraqhimayumiklu Qablunaatitut)

Tajarniit Nunavunmit piliurhimayuq piksassuuq akhuurutininnganut nattiit inuknut. Tamna 5nik piksassuukhat naittunik piksaliuqhimayut pipkaidjutiyuq inuit nattirhiurniqmut pitquhingit unipkaangillu piksaliklu qangaraaluknitamik aturninnga nattiqnik Ittaqmut (qangaraaluknitat tupqit) unalu Qajaq (qangaraaluknitat qayat).

Malruuknik Iiqaqtut Tautuktut Maniqqami: Ilihaidjutikhaq Sikuuqtittiinut umunnga Munariyuq Maniqqami Ittunik Ilaliutigiami Naunaiyainiqmik Ilihaidjutikhat

(Qakugunnuaq piniaqtuq!)

Nunami Uumayut Maamaktittut Nunavunmi Naunaidjutit Titiqqat

Qaritauyakkut pilugit tamaita 17nguyut Uumayut Maamaktittut Naunaidjutit Titiraq, taiguanginnarialgit Qablunaatitut Inuktitutlu. Tiriganniaq | Napaaqtuqangittumi Tuktuit | Kiiliniqmiut tuktungit | Tiriat | Tuktuvat | Nanuit | Hikhiit | Qakuqtat Akhat | Akhat | Umingmait | Kayuqtut | Ukaliit | Marlungayut Avingat | Tiriaq | Kiiliniqmi Qunguhiqmiutalit Avingat | Amarut

Uumajut: Ayuirhainiq Ukiuqtaqtumik Huradjat (Nutaqqat makpiraanga titiraqhimayuq Qablunaatitut/Inuktitut)

Havaqatigiikhutik Qikiqtaani Inuit Katimayiinginnut unalu Nunavunmi Malruuknik Uqauhilgit Ilihainiqmut Katimayiingit, DOE-kut piliuqtut makpiraamik ukunanik Ukiuqtaqtumi huradjat pilluaqhimayut ilihalihaaqtunut. Uqaqatigilugu environment@gov.nu.ca aquiqturiami makpiraanik, pulaarlugu an’nguhiqiitit, aquiqtuqlutit ukunuuna chapter.ca uumaniluuniit amazon.ca.

Aadlanik huradjanik titiraqhimayunik ikayuutikhaniklu pulaarlugu tamna Huradjanik Munariniqmut Ilihaidjutikhat makpiraanga.

Qaritauyakkut Pulaarvingit

Havaakhauhiq Tuktut (Tuktunik Ilihaidjutit)
Huradjanik Ilihainiq (Kaanatamiutat Huradjat Katimayiingit) (Qablunaanginnaqtut Uiviivituinnaqtullu)