Havaktingit

You are here

Iqalukhiurniqmut Nattiqhiurniqmut pinahuarutit

Hapkuat pinahuarutit hulilukaarutingillu talvani  Iqalukhiurniqmut Nattiqhiurniqmullu Havakvinga ilauyut.

Naunairyuumirumaguvit  Nattiqhiurniqmut Nunavunmi, takulugu www.sealingnunavut.ca

Maniliurahungniqmut Iqalukhiurniqmut Uhittirutikhanganik Manikharvikhamut

Una pinahuarut ikayuqtaa maniliurahungniqmut iqalukhiuqtiuyut angunahuaqtiuyullu uukturiamikni qablunaat nunanginni havakvingit manikhaqvigiplugit akingit agyariami anguyamiknik niuvirviknut hilataani Nunavunmmit. 50pusantnguyuq uhittirutikhanga akinga akiliqtauniaqtuq iqaluknik nunallaanit Nunavunmi, iqalukpikniklu agyaqtuutiminit nunallaanit qablunaat nunagiyanganut. Taimaa una pinahuarut ihumagilluarmagit ikikliyuumiriami maniliriniqmut ihumaalutinganik manikmik strain for maniliurahungniqmut iqalukhiuyuktut niuvrutigiamikni qablunaat nunagiyanganit niuvvaavinganit, ikayuutikhaq tunilimaitait tuyuriami iqaluknik nunamiknit nunallaamut havagiamiknik unalu/unaluuniit agyariamikni, nanminiqaqtulluuniit piyakhanginnik (ukunatitut niuvrutaulimaittut) Nunavunmi hilataanilluuniit.

Iqalukhiurniqmut Pivallianiq Himmautingaluuniit Pinahuarut

Una pinahuarut tuniyuq manikmik ikayuutikhanganik havauhikhanut hakugiktiqtait, piliuqtait, unalu hiamitiqtait Nunavuutim iqalukhiurninnga. Ikayuqtaa ihivriuqniq pivallianiqlu havauhikhat tuniniaqtuq akuniraalukmut, havakviini tamainni ikayuutikhanginnik, tuniniaqtuqlu nanminiqaqtunut, timiqutigiyauyunut, inungnullu havaktumik iqalukhiurniqmut pivallianiq himmautingalu havauhikhaq.

Amiqnik Akikhanganik Pinahuarut

Una pinahuarut kavamatkunnit havaanga ikayuqtut angunahuaqtunut niuvvaavikhangit niuvrutigiamikni amingit uuktuutigiyauyumik akiqarluni. Tamna nattip amingit niuvrutingit angitqiyauyuq ilanganik una pinahuarut piliurhimayuq ikayuriami nutaanguffaariami Nunavuutim nattiqhiurniqmut havakvinga maniqariamiknilu angunahuaqtiuyut talvannga niuvvaavinga piiqtaukmat atulihaaliqtillugu 1980. Tamna pinahuarut tuniyuq hapummigiami angunahuaqtiuyunut akiliqlugit, naunaqtuq akinga amiqnut. Pipkaidjutiyullu tamaat aturninnga amiqnik piinarialik qangaraaluknitamit niqikhaqhiuqniqmut.

Amiit tuyungniatigut akikhait havaaqhaq

Avatiliriiyitkut nutaamik havaaqhaqaliqtut akiliqtuiyaamingnik tuyurnikkut mahauhimayunik qiqumayunikluunniit amaguit amiitnik niuviyuktunut avataani Nunavut. Una pivikhaq pidjutigilluaqtait an’nguniayuqtunut tuyuqpaktunut mahaumayunik qiqumayunikluunniit amaguit amiitnik niuviyuqtunut Hivuraani Kanata.

Uqaqvigilugit havakviata an’nguhiliqiiyitkut naunaittiariami qanuqtun ikayuutikhaq pidjutivaktait nunaffingni.

Nunavunmi Iqalukhiurniqmut Ayuirhaivikhaq Katimayiit

Tamna Nunavunmi Iqalukhiurniqmut Ayuirhaivikhaq Katimayiit angiyuq akuniraalukmik ayuirhaivikhaq havauhikhaq ikayuqtuq Inuknik Nunavunmiutanik pigiamikni kiklinganik havaakhaq maniliurniqmullu ikayuutikhaq pivallianiqmit Nunavunmi ittut iqalukhiurniqmik. Ilihaqtut upalungaiyarhimayut aadlatqiinik pivikhaqautikhanik, unalu Mikkait Umiamik Aquttukhanik, Tariuqmi Ingniqutinik Makaanikhamik, Iqalukhiurniqmut Qun’ngiaqtiuyuq, Kiinauyaliqiyii, Ikaarutimik qun’ngiaqtiuyuq, Kukialuk, Qanurittaakhaanik Munaqtiuyuq, unalu Umiap Qaangani Ikayuqtiuyuq (naunaipkainiq Tariuqmunngaqtinnagu Ilihaidjut). Pinahuarutit pipkaidjutiniaqtait iliharutinginnik iniqtiqtut havagiamikni aadlami tariuqmi ittunut havaakhat unalu piliurluni maniqqami iqalukhiurniqmut nunagiyamikni.

Ihuarhaqhimayut Nattiit Nunavunmiutanut

Una pinahuarut ikayuqtait Nunavut aanuraapkaigiami pigiamiknilu aanuraaqtiuyunik piliurhutik ihuarhaqhimayut (atungaliuqhimayuq) Nunavut nattit amingit piinarialik ukunuuna Amingit Angunahuarniq Uuktuut Igluqpanga North Bay-mi. Una havaaq piyuq Nunavunmiutanut piliuqtiuyut, niuvvaaviungittut, taimaa akingit mikhimagiamikni. Talvanngalu 10 pusantmik akinga (angikliyuumiqtaulimaittuq), piittuq aadlanik piliurniqmut akingit havaamulluuniit akingit amiqnut. Titiqqiqiviitigut akingit akiliqtauniaqtut Nunavut Kavamanganit. Akingit aadlauniaqtuq qakunnguraikpat, piyuq akinganit amiup uuktuutimit akingalu ihuarhaininnganut. Ilangalu una pinahuarut ikayuqtuq pihimagiami ihuaqtumik naunaiyainiq tamayanginnullu ihuarhaqhimayut amiit tuniqhaiyukhat Nunavunmi qanurittaakhaanut-iliuraqhimayuq havaanganut aturninnganullu.

Amiliqivinga

Atauhiqmi ukiumi tuniqhainiq, Nunavut Kavamanga ilauyuq Amiliqivinganit Kaanatami, tikinnahuaqtangit talvunga atuliqtitaugiami nungulaittuq nakuuyumiklu aturninnga Kaanataup aminginnik. Ilauyuq uuminnga nattiqhiurniqmut katimayiingit, havaktingit tuniyuq Nunavunmit unalu Inuit qanuqtut ihumagiyanginnut talvunga.

Nunavunmi Nunallaani Imarni Amirinikkut Pinahuaruti  (N-CAMP)

Taamna N-CAMP ilihaqtitpaktait Nunavunmiut ayurnaittuni iqalungni qauyiharnirnik imarmiklu amirinirnik.  Titiraqaqtut iliharnikkut ilakuuqhimayut tunnganiqaqtut qanuriurutaitigut atuqtauvaktut ahini Kanadami; ihuarhaqtauhimayut Ukiuqtaqtumun atuqhutiklu Inuit Qauyimayatuqanginnik.

Pinahuaruti tatja malruuknik ilaqaqtuq:

Iqalungni qauyiharnirnik.
Imarmi uumayunik-amiriniq (qimirluqangittut uumanilu imarmi qanurinningani qauyiharnirnik).

Iliharnikkut pinahuaruti imaa ittuq:

Naittumik-hivituniqaqtuq, nunallaami-turaanganiqaqtuq, ihuaqtuqlu.
Imaakiaq 8nik upluni hivituniqaqtuq:  pingahut iliharvikmi uplut tallimallu uplut tangmaarvikmi haniqpani. 

Ilauyut ilihaqpaktut nalunaqtunik ukuninngalu Inuit Qauyimayatuqanginni uppiritjutinik N-CAMP-min nunallaaninlu inirnighanin ilihaiyinin, taapkunanngalu aallanin nunallaamin uqaqpaktunin.  Ilitturipkaitjutit katitiqhimayavut manimayut ilauvaktunun, nunallaanun inungnullu uvuuna www.ncamp.ca.