Havaktingit

You are here

Ilihaiyuq Havaakhamut (TOJ)

Ilihaiyuq Havaakhamut atuqtakhanik tunihiyuq akiliuhiakhanut ikayuutikhamik mikiyunut-akkulirnut- aktilaqaqtunik havaktitiyinik ikayuutaulutik havaktitilutik ilihaudjoilutiklu ayuikhatiakhimaitunut havaktinut. Ilihaudjidjutikhat, hivituniqaqtaaktuq imatut 52-nik havainnik pivikhaqaqtuq, ilihaudjaulayuq havagvingmi, iliharvingmilu iliharviani ilihaudjimik imatutluunniit tamagingni atauttikkut. Taimainiaqtuq, havaktitiyip ilihaqtuq havaaniktiniaqta inikhikpat ilihaqtaminik hivitunianik.

 

Uuktuinnariaqaqtuq  TOJ mut iniqtiqlugu tamaita EAS nga TOJ lu uuktuutait hivayaqluguluunniit Havaaghanun Pivallialiuqinikkut Havaktianut (CDO mik naittumik taivagaat) naunaittiariami uumani:

 

Kitikmeoni- 1-800-661-0845

Kivallirmi - 1-800-953-8516

Qikiqtani - 1-800-567-1514

 

 

Kayumiktut Qaritauyakkuviit:

 

Pittaarninga

Ikayuutikhat Aktilangit

Qanuqtut Havautiqaqtuq

 

 

Pittaarninga

TOJ yip pivingga pinnariaqaqtait taapkunanut nunalingni naminiit, ilikkuuqtunut, kavamaunggittut tunikhaiyuqtunut ikayuinnaqtutluunniit katimayingit.  Ilikkuuqtut havaktiit havaktiqaqturhat amigaitqiyaunggittutik 50 nik havaktiitnik.  Ilihaiyuq ilihaqtuqhaq ilihaqhimmaaqluni, ilihakaffuqluni (ikaangnirit 20 nik atauhikmi havainniqmi) tatqirhiutighaqaqtut havaaniluunniit.  Ilihaiyut havaaqaqtuqhaunggittut, havaagikyuaqargittutluunniit ilihaiyutluuniit havaakhamut.

 

Ilihaiyut nunaqaqhimayuqhat Nunavunmi ukiuqmi atauhirmi.  Inuinnaunggittut ihumaliuqtauniagungnaqhiyut kavamatuqait maniit piqaqpatta.

 

Back to top

 

Ikayuutikhat Aktilangit

 

Kaantraakmut ilihainggittuq havaakhamut, TOJ akiliuhiaqhait imaatut:

 

50% mik akiliuhiaqhainnut talvunamut $15.00 atauhiqmun ikaangniriq talvunamut 40 ikaangniit atauhiqmi havainniqmi.
Havaktip tunihiukhaq mikitqianik 50% mik ilihaiyip havaamut akiliuhiakhaitanik
Akiliuhiaqhaqargittut haalitiinirmun aanniaqpatta havangnaiqpat havakumik.
Akiliuhiaqhat utirutitit akiliqtauniaqtut havainnaqmi ikangnigiit talvainnaqlu.

 

Kaantraakmut ilihaqtumut havaakhamut, TOJ akiliuhiaqhait imaatun:

 

Akiliuhiaqhat ikayuutiit aivaqtitauginnariaqaqtait avatkungillugit imaatun:

 

Level 1 - $15.00          (uvaluunniit 50 % akiliuhiangannut, kitumut akikitqiamut).
Level 2 - $12.50          (uvaluunniit 50 % akiliuhiangannut, kitumut akikitqiamut).
Level 3 - $10.00          (uvaluunniit 50 % akiliuhiangannut, kitumut akikitqiamut).

 

  • Havaktip tunihiuqhaq ilihaiyimut havaakhamut talvani inmat Ilihainikkut Havaakhanut Maliruarutainni (23) talvalu atuqlugu TOJ level nga akiliuhiaqhap malikkutait qaanggani ittut.
  • Akiliuhiaqhat utirutitit akiliqtauniaqtut havainnaqmi ikangnigiit talvainnaqlu.
  • Akiliuhiaqhaqargittut haalitiinirmun aanniaqpatta havangnaiqpat havakumik.

 

Ilitturiuqhaq Havaktinut: Akiliuhiaqhait Pivingga Ilihaiyut Havaakhananut:

 

Ilihaiyut havaakhanut akikitqia akiliuhiaqhaa titirarhimayut maliktauyuqhatlu ataani Ilihainikkut Havaakhanut Maliruarutainni, Ilangga (23), imaatun titirarhimapluni:

 

“23. Havakti akilingniaqtait tamaita ilihaiyut havaakhanut talvani havaakkut akiliuhiaqhainni akikitqianggilluni taapkuanik pusantage nga akiliuhiaqtainni munariyip titiqidjutiqaqtumut havaaqaqtuqlu havaagiktumik havaktitipluni talvani aadjikutaani havaagiyaan:"

 

Qanuqtut Havautiqaqtuq:

  • Havakti ilihaiyilluaqtuqhaqlu iniqtiqtaqhait uuktuutikhat tunighailugit Havaaghanun Pivallialiuqinikkut Havaktianut (CDO) ihivriuqtaqhainnut.
  • Uuktuuti ilihaigutikhaitlu parnaiyautait ihivriugumikkiq CDO tuyuutiniaqtaat aadjiliuqhimayumik taaffumingga Ilihaiyuq Havaktilluni kaantraagutaa sainiqtauyuqhaqlu tamainnit havaktiip ilihaiyuqlu utiffaaqlugitlu CDO mut.
  • CDO pigumiuk ihivriuqhugulu kantraangga aadjiliuqhimayumik kantraagutaa sainiqtauhimayumik tamainni ilauyuni utiqtiffaangniaqtaat havaktimut taaffuminggalu titiraqmik ilitturipkaqhunilu havaktip taamna Ilihainiq Havaktillugu anggiktauhimayuk.
  • Ilitturiluhi taamna  TOJ inggittuq kihiani tamaita ilauyut sainiutitqaaqlutik kaantraangga titiraqlu tuniyaupluni havaktimut.
  • Havaktiplu piqattaqluni tunihiluni akiliqtauyukhanik CDO mut, ilaliutilugit ikaangnigiit havakpagainnik havaktip, akiliuhiaqhaat, hunavaluitlu.
  • Ilitturiluhi una pivikhaq havangniaqtuq nakuuyumik havaktiuyi tuniqhaigumi akiliqtauyuqhanik taimaatut piqattagumi nakuutqiak utaqqiunggilluni naatiqtiipluni 52 ni havainggitni.  Una pivikhaq piniaqtuq maniliuqp uqiunggani akiliqtauyuqhatlu pihimaliqtuqhat tuulliinggillutik Qiqaiyarluarvia 1.
  • CDO ihivriungniaqtaa akiliqtauyuqhaq akiliqtuilunilu ikayuutikhamik havaktimut

Back to top