Havaktingit

You are here

Laisataqhimayut Havakvit

Tamaqmik Nunavutmiittut maniliurtiungittut timiuyut nakuuyumik maligaqtigut pihimanit tapkununga Nunavut Maligait Titigaqhimanit tukhigalat kiinauyakhanut pigiaqninut ihuaqhihimaniluniit nutagaqaqvit havakvit.​

 

Tamna Ilihaqviliqiyikkut laisataqtitpaktai nunaliuyuni nutaganulaktitlugit nutaqat havakvik atuqhugit Nutagaqaqviit Munaqhivit Piquyat, piqaqtittugit pigiagutikhat ukiumutlu aulaninut kiinauyaqtakhat maniliuqtiungittunut laisaqaqtut nutagaqaqvit havakvit ilagiitlu uplukkut angilgat.

Nunaliit avikhimanini havaktit aulattiyut tukhigautinik piquyatlu kivgaqtiunit akungani maniliuqtiungittut timiuyut tapkuatlu havakvit tapkununga Nunatagannuit Nutaqat Iliharnit.

Pilagiakhaq, timiuyuq titigaqhimayalik maniliuqtiungitniqmun, nakuuyumiklu pihimaluni tapkunani Nunavut Maligait Titigaqutaini.

 

 

Pilaqnit Laisatarniqlu 

Tukhigautit kiinauyakhanut pigiagutinut aulaninutluniit nutagaqaqvit havagutit piyaulat tapkunanga tamaitnit maniliuqtiungittunit timiuyunit nakuuyumik piyut tapkununga Nunavut Maligait Titigaqutaini,ilautitlugit timiuyut tahapkuatut nunalikni Ilihaqviligiyit Katimayit, nunaliuyut, iligiinutlu uplukkut angilgat (tapkuat ihumagiyauyut maniliuqtiungittut kihimik naunaipkutaqagiaqangittut nakuuyumik pihimanit).

 

Titigagianga maniliuqtiungitumun timiuyumun, tugaqlugu:

Nunavut Maligait Titigaqutaini

Timingat Apiqhuiyit 
Kavamatkut Nunavut
Titigaqaqvia 1000 Station 570
Iqaluit, NU
X0A 0H0
Hivayauta: (867) 975-6190
Fax-kut: (867) 975-6194

 

Laisaliqutit

Tamaita timiuyut tatya piyumayutluniit pigiaqnit aulaninik nutagaqaqvit havakvit piyalgit laisamik piyanginik. Tuhagakhanut piplugit laisamik pigiaqnianiklu nutagaqaqvik havakvik, naqitlugu una.

Tapkununga laisakhamun tukhigautmun titigaqvikmun, naqitlugu una.

Tamaita laisaqaqtut nutagaqaqvit havakvit Nunavutmi malikhagialgit tapkuninga  Nunavut Nutagaqaqvit Uplumaat Piquyat, tapkuatlu​ Maligait.

 

 

Kiinauyaqtakhat 

Maniliuqtiungittut timiuyut pitalat kiinauyakhanik ikayuqninik nutat tatyalu atuqtut nutagaqaqvit havagutit havakvitlu.

Nunaliuyuni nutaganuit nutaqat havagutai laisaqaqtut tapkunanga Ilihaqviliqiyikkut. Nunaliit avikhimaniani aapisit havalgit tunihiniqmun pigiagutinut maniktakhait, piqaqtitni kayuhinaqtut havagutinut tunityutai, qauyihaqni havakvit ukiuq tamaat, piqaqtitnilu laisakhainik aulaninutlu ikayuqnit.

 

Tapkununga Uplukkut Munaqhivit Maniktakhat Tunityutitlu, tapkuat pingahut aturniqhat maniktakhat avikhimanit tapkuat:

Aulani Ihuaqhihimanilu

Havagutit tunityutai maniktakhat ikayuqtut ihuaqhihimani pinguqtaunit, laisataqhimayut nutagaqaqvit havagutit. Pinahuaqtitmiyailu tapkuat pivaliatitni pilaqnilgit havaktit havagutitlu, piqaqtitnilu nutagahat pimmaqlugutilgitlu inikhaitnik. AUlattauni Ihuaqhihimanilu tunityutit maniit tapkuat ukiumun kiinauyakhat atuqtaulat kitunutliqak aulaninut akiliqtutit.

 

Aaniaqtailini Hivuganaitnilu

Aaniaqtailini hivuganaitnilu kiinauyartakhat (kiklilgit talvunga $5,000.00) piqaqtitauyut ihuaqhinit nakuuhivaliqniluniit tapkuat havagutit hanayauninut, nutanguqtigaunit ilagiaqninutluniit hanalgutit piyanginik tamaita ikualayunut aaniaqtailiniqmutlu maligait. Havagutit tatya aulatai GN-kut igluqpai pilaittut uuminga kiinauyakhat ilagiyanik tapkuat Nutagannuit Nutaqat Havagutit.

 

Pigiaqninut tunityutit

Kiinauyakhat maniliuqtiungittunut timiuyut pipkagauyut atugahuaqtitninut tapkuat pivaliatitni laisaqaqtut maniliuqtiungittut nutagaqaqvit havagutit.
Una kiinauyakhaq atauhikaphukhugu pitaqnia manik ikayuqninut nutagaqaqvit havagutit tapkuninga piyaliknik niuviqnit tapkuat piyalgit ulapqiuyat, hanalgutit havagutitlu hunat piyalgit angmaqnianut.   Una kiinauyaq atuqtaulaittuq niuviqninut, hananinut angiyunikluniit nutanguqtigaunit igluqpait.

 

Tuhaqpaligumakpat piplugit tapkuat qanugittuni maniktakhat piyaulat, tapkualuttauq tukhigautit piyaqaqnit, naqitlugu una.

 

Tukhigautit titigaqvit

Kiinauyakhat Laisaqaqtunut Nutagaqaqvit Havagutit