Havaktingit

You are here

Inmgut-Havaktuq Piumagumi (SEO)

Havaaqargitkuvit havaaqagumaguvitlu ilikkut piinnariaqaqtutin nanminiharnik havaakhaliuqlutin, Inmigut-Havaaqarumayut pivinga ikayuqtaaqtut.  Una pivikhaq pivikhaqaqtuq maningnik ikayuutikhainnut nanminiqagumayutlu ikayuutikhainnik piumayunut.  Ikayuutit ilaliutiniaqtait Havaguiyakhimayut Ikayuutikhainnik ilvit havaktillutin aullaqtigutikhangnik nanminikhangnik taapkunaniklu munaqtiiyikhanik nutaqqanut.

 

Kayumiktut Qaritauyakkuviit:

Pittaarninga Naunaiktakhat

Uuktutikhanik Havaaqarumaguvitlu Ilikkut (SEO)

Qanuqtut Uuktuutikhatit

 

Pittaarninga Naunaiktakhat

Pittaalaqiyaami, ilvit havaaqanggillutin ihumayutinlu aullaqtigutikharnik nanminikhaqnik havaaqaliriami.

Kanatami nunaqaqtuqhauyutin nunaqaqqaarhimayutinluunniit havagiami Kanatami.

 

Imaalu, atauhiqmik hapkuninga pivikhaqaqtuqhauyutin:

  • Pilihaaqhimayumik Havaguiyakhimayut Ikayuutikhainnik (EI mik naittumik taivagaat) piyaami;
  • EI mik taimaaqtitauyuq pingahuni uqiuni atulihaaqtuni;
  • EI mik pivaktutin hingaiyaqhimatillutin ang’ngayuqqaanirmut ikayuutainnikluunniit talvani talimani uqiuni, havangittunilu talvangga munagiyaami inuulihaaq tigualihaaqtamingnikluunniit, hadjallu havaffaagumaliqhuni;
  • akiliqtuiyutikhaqanggittuqhaq Nunavut Kavamanut.

 

Uuktutikhanik Havaaqarumaguvitlu Ilikkut (SEO)

Uuktuinnariaqaqtutin uqaqvigilraaqlugu Havaaghanun Pivallialiuqinikkut Havaktianut (CDO mik taivagaat naittumik).  Ihumaliuqtaugumi taamna pivikhaq nakuutqiyauniaqtut ilingnut titiqqigumilu parnaiyautikharnik, CDO kut pitkuniaqtaaqtin paatnaitnut katimayiimut mikiyunik nanminiqagumayunut ikayuutikhaqmik.

 

Nunavut Kavamanga paatnariiqatigiyait malruuk nunallaat hivunikhatigut katimayiita Qikiqtaaluqmi Kitikmeotlu avikturviitni pilutik ayungitamingnik ikayuutikhainnut uqaudjaulutik nanminiqagumayunut.  Qikiqtaaluqmi Nanminiqarnitigut Pivalliavinikkut Kuapuraisinggat Kitikmeot Nunallaanut Hivunikhaitaluunnit ikayugumainnaqtut nanminiqagumayunut uqaudjaulutik ikayuqlugitlu pivalliavikhamut nanminiqagumayunut.  Paanariik pitkutpatta nanminiqharnut upalugaiyaqhimayumik ikayungniaqtut uuktuutikharnut SEO pivinggatnut tuyuqlugulu uuktuutit Inuuhiliriyikkut kingulliqmik ihivriuvikhaannut.

 

 Talvungauginnariaqaqtutin qaritauyakkut uumani:

 

 http://www.baffinbdc.ca/

 http://www.kcfi.ca/

 

Tamapta paatnariiklu ihumaliungniaqtut havattiaguminaqqat nakuugiyaulunilu. Ihivriungniaqtatitlu nanminiqhat parnaiyautitit hivulliutigiyakhaitnik, nakuuniaqqatlu pihimmaaqluni niuvvaaviliqinirmi, qanuqtutlu pitjutiqarniaqtuq nanminiqaqtunut talvani.

 

Uuktuqtinnatin Inmigut- Havaktuq Piviavikhaani, ilvit kivraqtuiyilu allamin paanariiqaqtumik katimayiiyimi angiqatigiiktuqhauyuhi taamna inmigut-havaktuq piviakvikhaa nakuutqiyauniaqtuq ilingnut.

 

Angiqatiriiligumik, tuniyauniaqtutin titiraqmik ikayuutikharnik.  Titiraqmi ilitturipkarniaqtuq uuktuutigiyat nanminiqhat naunaiqhunilu ikayuqtauyumayutin hivuatigut piyaami imaalu/imaaluunniit parnaiyautit pitjutiligiami.  Talvani ilvit iniqtigutiqharnik uuktungniaqtutin Inmigut-Havaktuq Pivivikhaanut iniqtiqlugu Havaktinut Ikayuutainnut taamnalu Inmigut Havaktuq Pivikhaa uuktuutait tunihiligutlu Havaaghanun Pivallialiuqinikkut Havaktianut (CDO).

 

CDO-kut qun’ngiaffaangniaqtaat uuktuutitin taamnalu ihivriungniq pitkuyaitlu tuniyauyut paanariiknit. Uuktuutit ihivriungniaqtauyuqlu talvuuna ihumaliuriami pittaalaqiyaariaqharnik pivikhaanut maniktaqtuutiqharniklu.

 

Ilitturihimaluhiuq:

Upluata titirarhimayumi uuktuutingni pigumiuq CDO-kut taamna uplua atuqtauniaqtuq ikayuqtauyumayarni.  Taamna uplua ihumaliugutiginiarmat pittaalaqiyaaffingni kigliqarmatta upluit Piinnariaqaqvianut naunaitkutainni qaangani.  Uuktuutihi utiffaaqtitauqpat naunaikutinik piumaqpatta naunaittiriami illiriuraqtuqhamikluunniit, piyaulimainmat talvani kihiani iniqtiqpiaqqatta naunaikutinik piumayainnik piyaukpatta kihiani.

 

Nanminiriyat, ataani Inmigut-Havaktuq Piviavikhaanut, nutaangguyuqhauyuq nanminigiyauhimayuqluunniit ilvit nanminiginggiplugu.

 

Hivituniani maningnik ikayuqtauqtaaqtut akiliuhiaqattaqlutin 52-ni havainirni.

 

Maniit ikayuutit atuqtauyuqhat inuuhitjutikharnut aullalihaaliqtilluni nanminiqhat. Maniliugutaunggittuq nanminiqharnut.

 

Ilvit havaktuqhauyutit 35 ni iqaangniritni tamainni havainggitni pivalliayaami pitjutiyaami nanminiqhat parnaiyautaa. Takupkaqtitauyuqhauyutitlu ilvit maniliugutiqharnik nanminiginahuaqtarni.

Return to top

 

Maningnik ikayuutikharnik piinnariaqaqtut taapkuninga:

  • Inuuhimaagiangat maniktaqvikhaqnik;
  • Nutaqqiqivikhanut akikhait;
  • Inggilrayutikhamut;
  • Allanggayunut Tamayat;
  • Ilihainirmun nanminikhamutlu ilihaidjut;
  • Nanminiqhamut parnaiyautait pivalliavikhait.

 

Uuktuqtut uqagiinnaqtaqhait ihumaliuqtaannik nanminiqhaannik uqaqvigilugu ayuittiakhimayumut nanminiqarnikkut.

Ayuittiakhimayuq angirumiuk ihumaliuqtarnik nakugiplugu nanminiqhat, uuktuqtuq takuyaqtuikuniaqtaat Havaaghanun Pivallialiuqinikkut Havaktianut (CDO) piniaqtuqlu imaa pittaaliqiyaigutikhauyunut ihumaliuqlunilu namagiyaukpat.

 

Qanuqtut Uuktuutikhatit:

Uuktuqlutit uminga SEO-mut iniqtiqlugu EAS- ngat uuktuutit Uuktuutikhanik Titiraqtakhat hivayaqluguluunniitHavaakhanun Pivallialiuqnikkut Havakti (CDO) naunikhivikhat uvani:

Kitikmeoni- 1-800-661-0845

Kivallirmi - 1-800-953-8516

Qikiqtani - 1-800-567-1514

 

Piinnariaqaqtutinlu pivalliavikhamik talvuuna Nunalingni Hivunikhait katimayiinggitanut paanariik taapkuatlu Inuuhiliriyikkut taffuma mighaatigut Inmigut-Havaktuq Pivalliavikhaanut.


Return to top

 

 

 

I Am: 
an artist
a business
an investor
I Need: 
business info