Havaktingit

You are here

Uviluqhiurnirmun qayagidjutikhat

Julai 20, 2017

Inungnut Tuhaqtidjutikhaq

Uviluqhiurnirmun qayagidjutikhat

Munarhiliqiyikkut ihumagitquyait uviliuqhiuqtinut ilihimanahugillugit nakuutqiyanut uviluqhiurvikhanut, maliklugillu qayangnaittut niqiliqidjutikhanut.

Tariumiutat uvillut itpakmata imakni ihuariyamingnut, Kanatami Uvillunut Halummakhidjutikhainut (Canadian Shellfish Sanitation Program) unalu Health Canada-kut iliffingnut pitquivluhi:

 Uviluqhiurluhi pitquhirmi uviluqhiurviinni ahiniittut anaktarviit kuviviinnit havagvikyuanillu maqitviinnit imakmi. Naunaikhivigilugit nunangni annguhiqiyit havagviit naunaiklugit nakuutqiyat uviluqhiurvikhat.

  •  Uviluqhiuruiqlutit haniani 400 feet-nit qayaqarvikmit.
  •  Uviluqhiuruiqlutit haniani 1,000 feet-nit halumailruqarungnaqhiyumit anaktarviup kuvivianit, anatarviit kuviviinnit sewage treatment plant outfall, aallanilluunniit havagvikyuanit maqitviinit tahapkunatut ataanungaqhimyunut hauhiviit.
  •  Nirivaklugit uvillut iluani hivituniinni malrukni ikaaqnini uviluqhiuruiruvit ilivaklugillu hikumut, purrikhirlugit, qiqumavikmungaklugillu.
  •  Ilihimalugit uvillut qiqumaqarvikmi qaanngiutihuiqlugit pingahuni ubluni igillugittauk.
  •  Ilihimangitkuvit, UVILUQHIURUIQLUTIT.

Ikayuutikhat uvillut qayagivagianginnut:

  •  Halumailrutikhat qilamik pivaktut akunngani 4°C unalu 60°C. Tutqukpaklugit uviluqhiurhimayut taimaa 4°C qiqumatqiyaanulluunniit.
  •  Tutqungnahuaruvigit, ililugit uvillut niqinut puukhainni puukhaniluuniit (ukunatut, Ziplock) atpatqiyaanungaklugit qiqumavikmi.
  •  Uaklugit niqinut avgukviit, niridjutit akkiutatut, niridjutit aluutitut, ilikpiillu uunaqtumut irmiutiqaqtumut imakmi niqiliqihuiruvit.
  •  Iganahuaruvit uvillunik, igalugit iluani uunaqutaani 74°C. Igillugit uvillut angmangittut igagaangata.

 

###

Tuhaqtidjutikhanut Uqaqvigivikhaq:
Ron Wassink
Tuhagakhanut Ayuittiaqhimayuq
Munarhiliqiyikkut
867-975-5710
rwassink@gov.nu.ca