Havaktingit

You are here

Moody-kut naunaiffaaqtangit GN-kut Aa1 naunaitkutariyaa tallimanut ukiunganut

Julai 20, 2017

Tahqtipkaidjutikhat

Qilamik Tuhaqtidjutikhaq

Moody-kut naunaiffaaqtangit GN-kut Aa1 naunaitkutariyaa tallimanut ukiunganut

IQALUIT, Nunavut (Taaqhivalirvia 20, 2017) – Kiinauyaliqiyikkut Ministanga Keith Peterson quviagiyaa taimaa, tallimannguqtumut ukiunganut atayumik, Moody’s Investors Service naunaiffaaqtaat Nunavut Kavamanga (GN) aullahimmaaqtuq atukkiutinut naunaitkutaa Aa1 ihuaqpiaktumik. Una naunaitkutikhaq hivullirmik pihimayuq GN-kunut talvani Niqiliqivi 2012.

"Pihimahimmaaqhugu pikput Aa1 naunaitkutaq tallimani ukiuni atayumik naunaikhidjutaa taimaa Nunavut Kavamanga ihuaqpiaktumik pidjutaat akilikhiutinut ilitariyauyuq atauhiuvluni hakugikniit kavamaptingni," uqaqtuq Minista Peterson. "Kavamapta qayagivlugit maniknut ukiunganut atuqtakhainut, atugakalluangittumik ihuaqtullu ihumaliurutit humut manikhanut ikayuqtikhaptingnut piyaaptingni pipkaktaatigut ihuaqtumik havakhugit maniit ukiunganut ihuaqtumik pivlugit."

Moody’s atukkiutinut naunaiktaat GN-kut angiyumut kanataup kavamangni nuutiutit ikayuutauyuq maniliurutikhanut, mikivluni akiliktaaqhunilu atukkiutaat – mikitqiyauyuq tamainnit avikturviinni nunanilu – pivaktamingnut naunaitkutaat ihuaqtuq aatauttimungaqhimayut maniliurutigivagait atukkiutimingnut hakugiknikhainut. Kihimi, Moody-kut naunaiktaat amigaitqiyamit qitqani hivituniani GN-kut ayuqhautiqaqhimmaaqniaqtumik piyakhanut, taimaatulluaq pidjutigihimmaaqpaktamingnut auladjutinut aulapkaidjutikhanullu akiliutikhanut, mikiyuq naunaktuq maniliurutikhaq ihumagilluaqpakhugit uyaraqhiurtit havagviit, aallannguqhimmaaqpaktuni kavamaliqidjutikhat munaridjutikhanullu atugakhat.

Piliuqtiuyuq atukkiutinut naunaitkutainut inmikkut ihumagidjutaa piniariakhaanut havagviup pittaaqluni uukturumavlunilu pilugit inmik manikhanut piyakhatik. Naunairumagungni ukuninga Moody’s Investors Service, qaritauyakkut takuyakturlugu www.moodys.ca.

###

Tuhagaqtidjutikhanut Uqaqvikhaq:
Denise Grandmaison
Atan'nguyaq, Tuhagakhanut
Kiinauyaliqiyikkut
867-975-6818
FinanceComs@gov.nu.ca