Havaktingit

You are here

Qayangnaitkutikhanik havaqatigiikluhi pidjavuhi talvani Qilamiurutinut Qanuriliurutikhanut Havainirmi 2016

Iipu 29, 2016

Inungnut Tuhaqtidjutikhaq 

Qayangnaitkutikhanik havaqatigiikluhi pidjavuhi talvani Qilamiurutinut Qanuriliurutikhanut Havainirmi 2016 

Upalungaiyakhimavit qilamiurutikhanik? Qiqaiyarluarvia 1-7 Qilamiurutinut Qanuriliurutikhanut Havainirminunani tamini Kanatami. Umani ukiungani pidjutauhunguyut “Upalungaiyarniq. Hanaiyarniq. Qauyimalutitlu.” 

Kavamangat Nunavut itqaumatquyahi upalungaihimavaglutit qayangnaitkutikharnik qilamiurutinut qanuriliurutikhanut nunangni uvaluunniit nunami. 

Aihimavikni, parnaiqhimayughauyutit katitirilutit qilamiurutikhanut atuqtakhangnut atuqtaaktangnut 72-ni ikaaqnini. Qilamiurutikhamut katitirhimayut piqaqtughauyuq ukuninga: 

  • imakhamik (2 litres-mik atauhiqmut inungmut, atauhiqmi ubluani) 
  • nakuunngihalimaittunik niqikhanik havigalingnullu angmaktirutikhaq alruyakturngittuq 
  • naniguut 
  • naalaut 
  • havautikhat 
  • uqquuyut aannuraat 
  • maniinnarniq 

Aullaaruvit hanikpani, ukuat qayagidjutigilugit ilingnik qayagilutit qilamiurutikhaqaqniaqqat tamayalluunniit ingniqutituqtullu ikilimaikkata: 

  • Nakhakpaklutit qilamiurutikhamik uqautikhamik, ubluinnaami utikyaknahuarumiklu aullaaraluaruvit. Sainiqlutit atuqlutit akiittumik humiittaakhangnut naunaitkutikhamik (SPOT) haamlatkut havagvianit. 
  • Uqautilugit ilannatit ilatillu humungauliriakhangnut kakugulu utiqniariakhangnut
  • Aullaaqatiqaqpaklutit amihunikluunniit aulaaqatikhangnik. Uqaalautilugit ilatit ilannanullu humungauniariakhangnut aullaaqnahuaruvit. 
  • Naunaiktillugit qiniqhiayit ilagiyat tikingitpat aullaaqtillugu. 
  • Upalungaikhimavaklutit hivitunikhaanut 72-ni ikaaqnini hanikpani. Aallanik pangnaiyautikhaqaqlutit kaasiliimik uquhuqyuamikluunniit, niqikhanik, aannuraaqhanik tamayaniklu, ubluinnaami utikyaknahuarumiklu. 

Aihimaluni hanikpaniilluniluunniit, Qayagiluhi havaqatigiikluhi uqautilugit ilannatit, ilatit nunallaamiutanullu upalungaiyaqulugit qilamiurutikhaqaqniaqqat. 

Aimavingni nunamilluunniit, uqautilugit ilannatit, ilatitlu hilatiriyatitlu upalungaiyautikhaliuqatigilugit, hanaikhiluhi qauyimalutitlu qilamiuhaktukhanikpat. Qauyimayarnik hapkuninga naunaiyailutitlu Tukisigiaqta titiraqtakhanik: http://climatechangenunavut.ca tuyutigilugit uuktuutikhat taktakhamut. 

Qilamiurutikhanut ikayuutikhanut upalungaikhimaluni, takuyakturlugu www.getprepared.ca. Nunanut hanikpanilu qayangnautikhanut, takuyakturlugu www.northernsar.ca. Takulugu the Kavamangat Nunavut Facebook-kurutatallanik naunaihiyumaguvit upalungaiyagikhimayuniklu huliakhanik Upalungaiyarniq Hanaiyarniq 2016. 

### 

Tuhaqtitaunikkut Uqaqatikhaq: 

Kris Mullaly 
Tuhagakhanut Havakti 
Nunalingni Kavamatkunillu Pivikhaqautikkut 
867-975-5342 
kmullaly@gov.nu.ca

 

SPOT nik taivagait

SPOT Sign-in Sheet