Havaktingit

You are here

NWT-mit Nunavunmillu Hivuliqtiuyut kiuyut kanataup kavamangata tuhaqtidjutainut Ukiuqtaqtumi uqhuqyuanut kaasiliinullu nutqaqtirutaanut

Januali 04, 2017

NWT-mit Nunavunmillu Hivuliqtiuyut kiuyut kanataup kavamangata tuhaqtidjutainut Ukiuqtaqtumi uqhuqyuanut kaasiliinullu nutqaqtirutaanut

IQALUIT (Ubluiqtirvia 22, 2016) – Hivuliqtiuyut Nunavunmi Nunattiamilu uqariliqtait ihumagiyamingnut uumani havainiqmi tuhaqtidjutaanut naunaiyakhimaittumik nutqaqtidjutaanut tarium hinaannit uqhuqyuanut kaasiliinullu pivalliadjutikhanut ukunanga Kanataup Kavamanga (Government of Canada).

Maniliurutit malruknit nunainnit mikiyut pidjutiqaqhuni nunamit pivalliadjutikhanik ikayuutaulluaqtumut GDP-mut havaakhaqaqvigiyauvluni maniliurutauyuklu nunamiutanut tadja. Piyakhaqariangi piyakhainut Ukiuqtaqtumiutanut maniliuqpalliadjutikhanullu aallat piyakhat nunanut ilagiyakhaa ihumaliurutikhamut, taimaatut ihumaliurut nutqaqtirutaukpat maniliurutikhauniarungnaqhiyumut pivalliadjutikhainut hivunikhamut.

"Ukiuqtaqtumiutat tadja piyakhamingnut piyakhariyait," uqaqtuq Hivuliqtiuyuq Nunattiamut Bob McLeod. "Inuit ilihimayukhauyut piyakhaqaqniaqtumik ihuaqtumiklu pidjutikhamut ikayuutikhamingnut inmingnut ilamingnullu. Naunaikhiyuittut amihuvyaknik pidjutikhanik ublumimut avatikhamut, unalu ihumaliurutikhaq ikayuutaullualimaittuq ihuaqtumut hivunikhamut inmikkut nutaqqamingnullu."

Hivuliqtiuyut uqaqtullu inmik ihuigiyamingnik kanataup kavamangata qauyihailluanginmata kavamagiyamingnut ihumaliuqhutik akhut pidjutauniaqtumut hivunngani pivalliadjutikhanut inuuhiinut nunallaamiutanut.

"Nutqaqtirutaa ukiuqtaqtumi ikuutaqtuni laisikhat tuhaqtidjutigiyait uumani havainiqmi Kanatami Kavamanganit, piyakhakalluaraluaqhutik avatingnut munarilutik, ilaupkaingittut Nunavut Kavamanganit (GN). Ukuat havaktangit ihumaalungnaqpiaktut GN-kunut. Taimaatut Nunavunmiut ilauyukhauyut tamainnut ilanginnullu uqaqatigiigutainut naunaikhiyaami nunapta avatingnut maniliurutikhanullu hivunikhaanut. Ukiuqtaqtumi qauyihadjutikhat piyakhariyaat," uqaqtuq Hivuliqti Nunavunmi Peter Taptuna.

Hivuliqtiuyut nakuugivlugu havaktakhariyat havaqatigiiklutik pivalliadjutikhanut nutaamik Ukiuqtaqtumi Atuqtakhanut Tunngavikhamik, Nunavut NWT-lu pidjutikhaqaliqtut qilamiurutigilugit ihuaqhaidjutikhanut maniliuqpalliadjutikhanullu ayuqhautauvaktunut utaqqilimaittunut uqariyaami.

Hivuliqtiuyut apiqhiyut Kanataup Angayuqqaaqyuanga ilautquvlugu inmingnut piliuriamingnut takuyumayamingnut nunami angikliyuumidjutikhaanut ihuaqtumiklu auladjutikhamut, hivuliqtigilugu nunani qauyihaiqatigilugu Kanataup Kavamanga, havaarilugit piliuqhimayut Ukiuqtaqtumi ihuaqhaidjutikhat kangiqhiyuumidjutikhanut ihuarutikhanut ukiuqtaqtumi nunallaanut, munarilugu avatikput maniliuqpalliadjutikhat aallannguqtirutaudjutikhanullu.

Tamaita Kanatamiut pidjutikhaqaqtukhauyut ilaulutik pidjutikhanut ikayuutikhanullu inuuyaami ihuaqtumut nakuuyumiklu auladjutiqaqtumik Kanatami, uqaqtut Hivuliqtiuyut. Ukiuqtaqtumiutat tuhaayukhat ihuaqtumik taimaa kanataup kavamanga aadjikkiiklutik uqariniaqtait piyumayainut havakpiakniaqtumiklu havaktauyakhanut ikayuutauniaqtunut ihuaqtumik havaariyauyakhanik pidjutikhanullu tadja pivagainut, taimaalu pinahuaqtut munarilugu Ukiuqtaqtumi avatingnut maliklugillu nunakyuami pingahuaqtait. Hivuliqtiuyut uqariyumayait ukuat pidjutauyut uumunga Kanataup Angayuqqaaqyuanga katimalirumik atulihaaliqqat 2017-mi.

###

Tuhaqtidjutikhanut apiqhuutikhanut:

Andrew Livingstone
Angayughiq Ministat Katimayiinut Tuhagakhanut Uqaudjiyi
Nunattiak Kavamanga
Hivayautaa: 867-767-9140, hivayarvia 11091
Hivayautaa Tigumianga: 867-447-0443
Qaritauyakkut: andrew_livingstone@gov.nt.ca
Qaritauyakkut Takuyakturvia: www.gov.nt.ca

Yasmina Pepa
Ataniqpalluaq, Inungnut Havagvia
Havagvia Hivuliqiuyumut
Nunavut Kavamanga
867-222-0961
ypepa@gov.nu.ca