Havaktingit

You are here

Nunavut ministat uqautigiyaat MMIW Ihivriuqhinikkut tuhaqtitauniq

Niqiliqivik 03, 2016

Uqauti Titirarhimayuq

Nunavut ministat uqautigiyaat MMIW Ihivriuqhinikkut tuhaqtitauniq

Minista munariyalik Arnanun Katimayiinnun Monica Ell-Kanayuk unalu Minista Maligaliqiyikkut Keith Peterson atauttikkut anipkaqtitaa una uqauti:

"Quviahuktugut Kanadami Ihivriuhinikkut Inuaqtauhimayuni Tammaqhimayunilu Arnani kavamatkunnin tuhaqtitauhimaliqtuq, niriuktugullu havaqatigilugu Ihivriuqtiit piniarhimanikkut kangirhihinikkut una quvianaittuq Kanadami piyauniq piliurniarhimalunilu tamainnun aallanguqtirutikhanik.

Ilihimayugut nutqaqtirniit ilagiiktuni aanniqtuitjutinik piqpiaqtukhaq aanniqtaungittaanginni Nunavunmiut aihimavikmikni. Havaqatigiikhimmaarniaqtugut atauttikkut piliurnikkut kamanaittukhanik nunallaanik akhuurhaitjutiqaqtut ihumagittiarnirnik nakuuyuniklu pitjutiqatigiiknirnik. Uqaqatigiigutiqatigiingniit nunallaanilu-tunnganiqaqtut ihuarhaitjutikhat piqpiarutikhauyut mikhilaaqtirnikkut ilagiiktuni aanniqtuitjutini nunaptikni.

Tikkuaqtaunia ukiuqtaqturmiutarmik Ihivriuqhiyukhanut ihuariyauqpiaktuq. Kihiani, hapfuma ayurnarnianut, Inuinnarmik uqaqtiqarniq ihiriuqhiyukhani ihuaqqutauhunguyuq qauyimayumik pitquhiptingnik qauyimayumiklu nunallaaptingnik.

Nunavut Kavamangat (GN) ikayurumayait ilagiiktut ilannaitlu innuaqtauhimayut tammaaqhimayutlu Inuit arnat. Akhuurhaqtavut ilautjutitit uvani havagutimi, ikayurniaqtaffilu uvani ayurnaqtumi."

###

Tuhaqtidjutikhanut uqaqvikhaq:

Yasmina Pepa
Atanilluaq, Inungnun Tuhaqtitihimaaqtiuyuq
Havagviani hivuliqti taptuna
867-222-0961
ypepa@gov.nu.ca