Havaktingit

You are here

Nunavut atiliuqtut Kanaitian Akiqangituq Himautikhamut Angirutmik (CFTA).

Iipu 07, 2017

Tuhaqtidjutikhaq

Tuhaqtitauhainnaqtukhaq

Nunavut atiliuqtut Kanaitian Akiqangituq Himautikhamut Angirutmik (CFTA).

Ottawa, Ontario (Qitiqqautiyuq 7, 2017) – Nunavut ublumi angiqatigiigunmik atiliuqtut Kanaitian Akiqangituq Himautikhamut Angirutmik (CFTA), tahapkuallu tamaita Kanatap aviktuqhimaniit avikturhimaninngillu. Nunaryuami iluanni himautikharnik angirutat pillahipkakhunguyat Nunavut ilaudjuhikhanik Kanatap maniliurnikkut unian adjikiiktumik.

"Nunavut Kavamangat ilaudjuhiat umani Kanaitian Akiqangituq Himautikhamut Angirutmik (CFTA) naunairutikhavut pinahuaqtaptingnik takukhautiaqtumik aulaniqatiaqtumiklu inungnut kavamauyunik," uqaqtuq Hivuliqti Peter Taptuna. "Ilaudjuhiqqut talvani atani Kanaitian Akiqangituq Himautikhamut Angirutmik (CFTA) maliqatiyuq pinahuaqtaptingnut atani Nunavut Angirutaanut, pipkaqtaat aviktguqhimanipta piyumayainik. Pipkallayait Nunavutip nanminiriyait pipkakpakhugit Kanadian niuvvaavit hapummiaqtaudjutikhanik ayuqhautauyunik niuvrutinit. Piyumayara ilaudjuhivut talvunga Kanaitian Akiqangituq Himautikhamut Angirutmik (CFTA) mikhitiyukhat akikhainut tamayat niqitlu Nunavunmi."

Kanaitian Akiqangituq Himautikhamut Angirutmik (CFTA) hakugiutat nutannguqtiutatlu 1995 Angurutanik Iluanni Niuvrutit, ilaupkaktaungitkalluarmata Nunavut. Tamatkiumavyakpiaktut tamainut niuvrutikhanik tamayaknik niqiniklu pivikhaqautikhaniklu, maniliurutikhaniklu havaaghaqaqlluanginmat Kanadian maniliurutikhanik.

Ihumagiyaulluaqtunik Nunavunmi pinahuaqtainik Kanaitian Akiqangituq Himautikhamut Angirutmik (CFTA) pivalliadjutikhainik ihuaqhautikhaniklu maniliurutikhanik niqikhaniklu avikturhimaninngillu.

Kanaitian Akiqangituq Himautikhamut Angirutmik (CFTA) atuqtauliqhunguyuq Taaqhivaliavia 1, 2017. Naunaiyagumaguvit pulaaqlugu: www.ait-aci.ca  

###

Tuhaqtidjutikhanut Uqaqvikhaq

Catriona Macleod
Aulapkaiyi Tuhagakhanut
Kavamaliqiyitkut
867-975-6049
cmacleod@gov.nu.ca