Havaktingit

You are here

Kangiqhipkaidjutigilugu uqauhiptingnik talvuuna Inuit Annuraqausingit

Iitjirurvia 03, 2016

Tuhaqtidjutikhaq 

Kangiqhipkaidjutigilugu uqauhiptingnik talvuuna Inuit Annuraqausingit 

IQALUIT, Nunavut (Iidjirurvia 3, 2016) – Uqausirmut Quviasuutiqarniq, Nunavutip ukiungani quviahuutigivagaat Inuktut Inuinnauyunullu pitquhiinnut, tamaat tatqirhiutaani pidjutikhaat Iidjirurviani. 

“Havaqatigiyavut uqauhinut ilauqatigiikpaktut Nunavunmi naunairumavlugu uumani ukiungani pidjutikhaanut, Inuit Annuraqausingit, Inuit aannuraangilluunniit,” uqaqtuq Minista Uqauhinut George Kuksuk. “Uumunga pidjutikhaa quviahuutiginiaqtaa nakuukpiaktuq hunaliurpiakpaktullu ilitquhirmingni. Ilautquyatka Nunavunmiutat ilaulutik quviahuutikhani ilihaqyuumilutiklu Inuit aannuraaliuqpagainut qanuqlu piliuqhugit, pidjutainullu tainiit pilugit Iidjirurviani.” 

Ilagivlugu uumani ukiungani quviahuutikhainut, Pitquhiliqiyikkut naunaiktinniaqtait nipiliuqhimayunik ukuninga 2015-mi akimayunik uumunga Qilaut, Nunavutip ukiungani Inuktut atuqtuuyaliuqnikkut akimanahugittunut. Akimayut atuqtuuyaliuqhimayut piinnarialgit qaritauyakkut CD-mullu. Qiuqutit Inuktut ikayuutikhat tuyuktauniaqtut tamainnut iliharviknut, nutaqqiqiviinnut taiguarviinullu Nunavunmi. Ukuat qiuqutit piqaqniaqtut makpiraaliuqhimayunik, titiqqaliuqhimayunik ayuiqhaidjutikhanik, titiqqanik nivingagakhanik naunaitkutikhaniklu uumunga 2016-mi pidjutikhainut. 

Nunavut Kavamangat pitquyait Nunavunmiutat ilaulutik uumani ukiungani quviahuutikhainut uqaqlutik, ilihailutik, ilihaqlutiklu Inuktut, ihuaqhailutiklu pitquhirmut hulilukaarutikhainik aihimalutik nunallaaptingnilu, havagvingni iliharviknilu. Naunairumagungni uumani ukiungani pidjutikhainut, Inuktut hulilukaarutikhainut ikayuutikhanullu, qaritauyakkut takuyakturlugu www.ch.gov.nu.ca

### 

Tuhaqtidjutinut Uqaqvikhaq: 

Elizabeth Allakariallak Roberts
Tuhagakhanut Havakti 
Pitquhiliqiyikkut 
867-975-5543 
EARoberts@gov.nu.ca