Havaktingit

You are here

Kanatam Gavamangit Ikayuutigiinaqtun Maniliurutikharnik Pivalliadjutingnik Nunavutim Nunaqaqqaqhimayunun Nattirnik Havakvikyualiqinikkut

Januali 28, 2016

Iqalliqiyunun Tariungniliqiyutlu Kanatami 

Tuhaayukhaq 

Kanatam Gavamangit Ikayuutigiinaqtun Maniliurutikharnik Pivalliadjutingnik Nunavutim Nunaqaqqaqhimayunun Nattirnik Havakvikyualiqinikkut 

$150 Tausin Tallanik Manikharnik Angirutikhaq Tuhaqtitimayut Ministauyu Tootoo Hivulliqti Taptunalu 

 OTTAWA, Ontariomi – Nan’ngariyauyuq Hunter Tootoo, Ministauyuq Iqalliqiyunun, Tariungniliqiyunik, Kanaitian Coast Guardniklu (Umiaryuat) Nunavunmi Hivulliqtingalu, Nan’ngariyauyuq Peter Taptunalu ublumi tuhaqtitivakhimayut nuutaamik angirutikharnik ikayuutikharnik Kanatam Nunaqaqqaqhimayunun nattirnik havakvikyualiqinikkut. 

Tamna aituqtauhimayuq angirutikhaq katitiqhimayuq taima $150Tausin Tallamik hivulliqpaanguyuq atiqtaulirhimayuq uvani Kanatam Ilitagidjutikharnik Niuvailiqinirmi Pidjutikharnik Havauhiq Nattirnun (CMAPS). CMAPSnguyuq tamna $5.7 milian tallanguyuq, tallimanik ukiunganik havauhiq havagiikhimayuq talvani 2015mi. maniktauniaqtuq pivalliadjutikharnik ilitagidjutikharnik munagiyaangat aulavikhanga taima nattingnin hunaliuqhimayut anguyauhimayutlu Nunaqaqqaqhimayunik nunalaanin ilitagidjutiqagianganik niuviqtauyaangat Iarapmi Katimaviani (EU). CMAPS-nguyuq ikayuutiniaqtuq katitiqvikharnik aulavikharnik taima Nunaqaqqahimayunun nunalaangit aulahimaagianganik piyaanganiklu nuutaanguqtiqhimayu niuvailiqinikkut pidjutikhaq, ikayuutiginiaqtuqlu amigaitunun allanun nattiliqiyunik havakvikyaungit. 

Nunavut Gavamangit atuqnialiqtait nuutaanguqtiqhimayuq maniktaqvikhangit hivulliqtitiyaangat qaffiuyunik havaaqhangit havaqatigilugitlu Nunavunmi Hanauyaliqiyut Hunaliuqtuniklu Katimaviingit allaniklu. Ukuat havaaqhangit aulaniaqtun angikliyumiqtitiyaangat katitiqviingit niuvailiqiyunik akingit nattiit amingnik hunaliukhimayunik, utiqtitigianganiklu havagvikyuangit tamaat, ilitugipkaiyaangat ilitugidjutikharnik pidjutikharnik Inuinauyunun piyaanganik naunairutikharnik talvanga EU-min allaninlu niuvailiqivikyuanganin. 

Minista Tootoo tikuakhimayuq talvunga angirutikharnun hivumuurutikharnik tautungnaqtuq kanatam gavamangit havakhimaaqniaqtun ilaqatigiittiagianganik Nunaqaqqaqhimayunun nunalaangit ikayugianganiklu tunnganiitunik maniliukhimaaqtunik pivalliadjutikharnik. 

Qillaminuaq Kangikhidjutikhangit 

  • Kanatam Ilitagidjutikharnik Niuvailiqinirmi Pidjutikharnik Havauhiq Nattirnun (CMAPS) taima ituq $5.7 milian tallanguyuq, tallimanik ukiunganik havaaqhauyuq ikayugianganik Nunaqaqqaqhimayunun nunalaangit ikuvraqtitiyaanganik EUngit Nunaqaqqaqhimayunik nunalaangit piiyaqtitiyaangat atuqtauquyaungitunik nattingnin 
  • Iqalliqiyunun, Tariungniliqiyunik Kanatami (Tuhaqtitauyukhaq) Maprivia 2mi 3mun hunaliukhimayunik, atuqhimaagiangatlu niuvaivingit pidjutikharnik tamainun Kanaitianmi nattirnin hunaliuqhimayunik, ilitagiyaangatlu kitkuumaniaqtun ilaqatiginiaqtait havaqatiginiaqtaingitlu. 
  • Tamna EUngut piqaqtukhaq taima avaliitun nattingnin hunaliuqhimayut anguyauhimayutlu Nunaqaqqaqhimayunin inungnin ilitagidjutiqaqtunlu ilitagiyauhimayunik timinganin niuvrutaugiaqaqtun talvani EU-mi. 
  • Hadjamin, Nunavut Havagviangit Avatiliqiyikkut avaliqangituq Kanaitianmi ilitagiyauhimayuq timingit havagiaqaqtun ilitagidjutikharnik nattirnik anguyauhimayut Nunavunmi malikhautihimaaqtun atuqtakhangit talvani EUmi Malikhautikhangit. 
  • Kanatam Ilitagidjutikharnik Niuvailiqinirmi Pidjutikharnik Havauhiq Nattirnun (CMAPS) munagiyauhimayuq havaqatigiikhutik Iqalliqiyunun Tariungniliqiyurlu Kanatami, tamna Kanaitian Tunnganiituni Maniliurutikharnik Pivalliadjutiliqiyikkut Havagviat (CanNor-kut) Kivataaniitunik Kanatami Pidjutikhangit Havagvikyuangit. 

Uqallakhimayut 

“Nattiliqinirnik anguyaangat pitquhigiyaingit inuuhirni Kanatam Nunaqaqqaqhimayunun inungnun, tunihimaanginarman niqikharnik, aanuraakharniklu manikharniklu Inuinauyunun ilaqaqtunik. Una maniliqinikkut angirutikhaq ikayuutiniaqtun Inuinangnun ilaqaqtunun aulatitiyaangat manikharnik talvnga nattirnin hunaliuqhimayunik auladjutiginiaqtuqlu aulavikharnik taima Gavamangit tautuktitihimaaqpaktun havaktangit ikayuutigiumaplugit tunnganiituni maniliukhimaaqtunik pivalliadjutikharnik.” 

~ Nan’ngariyauyuq Hunter Tootoo, Ministauyuq Iqalliqiyunun, Tariungniliqiyunik, Kanaitian Coast Guardniklu (Umiaryuat) 

 

“Tamna EU-ngit nutqaqtitivakhimayut tuyugianganik nattirnik hunavaliukhimayunik ayungnautihimaagiyaingit Nunavunmi nattirnun akingitnik. Taima havakhimayuq CMAPSnik ikayuutiginiaqtuq aulahimaaqniaqtun pidjutikharnik atuquyaanganik nattirnik aulalimaituq havagvikyuakhaq, aulahimaaqniaqtunlu uuminga akhuqnaqtuq hanahimayut tapkuninga Inuinangnik ilauqungitunik. Taima hanaqidjutiginiaqtun akhuuqhaiyaangat nunaqyuat tamaat ilitigidjutikharnik piigianganiklu avatingit ilituqhaiyaanganik huuq nattiqhiungniq maniliurutikharnik akhuqnaqtuq inuutiptingnun.” 

~ Nan’ngariyauyuq Peter Taptuna, Hivulliqti Nunavunmi 

 

“Havagviat Avatiliqiyikkut, ikayuutikhaqaqhutik Kanatami Gavamangitni, aulahimaaqpaktun tuniyaanganik ikayuutikharnik niuvaiyaanganik Nunavunmi Nattingnik hunaliukhimayunik, ihuaqtumik aulavakhimayut pivalliadjutikharnik hakugiktumik nunalaani niuvailiqivikharnik havakhimayunik hunaliukhimayunik. Una aituqtauhimayuq talvanga kanatam gavamatkuni ikayuutiginiaqtait tapkuat niuvailiqiviingit, tapkuningalu tuniyauhimayut hunaliukhimaaqtun havagvikyuangit ihuaqtunik pidjutiqagiangatlu tapkuninga Iarapian niuvailiqivingini.” 

~ Nan’ngariyauyuq Johnny Mike, Nunavunmi Ministauyu Avatiliqiyikkut Iqalliqiyunun, Tariungniliqiyunik Kanatami (Tuhaqtitauyukhaq) Maprivia 3mi 3mun 

Aulayut Katitiqvingit qaritauyakkut 

  • The market for Canadian seal products 
  • The Government of Nunavut is Formally Recognized Under the EU Seal Regime 
  • European Commission: Trade in Seal Products and Scope of the EU ban 

- 30 - 

Naunaiqyumigianganik, hivayaqlugu:

Tuhaqtitiliqiyunik Havagviingit 
Iqalungnik Tariuliqiyunik Kanatami 
613-990-7537 
Media.xncr@dfo-mpo.gc.ca 

Yasmina Pepa 
Angiyuqaak, Nunalaani Tuhaqtitiliqiyi
Afisiani Hivulliqtim Taptunami
867-975-5059
ypepa@gov.nu.ca

 

Qaritauyakkut: http://www.dfo-mpo.gc.ca 

Naunaiqyumirumaguvit tapkuninga Kanaitian Coast Guardngit (Umiakyuangit), pulaaqlugu www.ccg-gcc.gc.ca

Maliktula uvani Twittakkut! www.Twitter.com/DFO_MPO