Havaktingit

You are here

Kanata Nunavunlu Anggiqatigiiliqtut Havaakhaqyuanut taaffumanga Nutaamik Maniit Atuqtakhainnik Kavamatuqaitnit

Saptaipa 07, 2016

Tuhaqtitaurarhaq

Kanata Nunavunlu Anggiqatigiiliqtut Havaakhaqyuanut taaffumanga Nutaamik Maniit Atuqtakhainnik Kavamatuqaitnit $68 miliantaalamik avatkumayuq pidjutiukhat havaakhanut nunavunmi

Apitilirvia 6, 2016 Edmonton, Alberta Havaakhanut Kanata

Kavamaita Kanatap Nunavutlu maniliuliqtut havaaqharittiaqaliriami hakuriktumik tun’ngaviliuqtillutik hivuni maniqaqhimmaariami. Maniliurniq nunani havaagiktuqariami ikayuutauyuq Kanatiannut piqariamingnik imariktumik puyattuniklu imait havaktauyaanggini, tunihidjutiyaami nakuuqpiaqtumik inuuhiqariami piumayaitnik niriuriyainniklu.

Ublumi, Nan’ngariyauyuq Amarjeet Sohi, Minista Havaakhaqyuanut Nunallaanunutlu, Nan’ngariyauyuqlu Joe Savikataaq, Minista Nunalingni Kavamatkunnilu Pivikhaqautikkunni uqaqtuq atauttimut anggiqatigiiliqtut avatktkumayuq $68 miliantaalamik maniqalingniaqtut pidjutikhait Nunavut nunallaangginnut talvanga nutaamik maniit atuqtakhainit hapkunanut pidjutigiplugit – Imariktumik Puyattuniklu Imait Havaktauyaangginni Maniit Atugakhaanit. Kavamatuqait tunikhainiaqtut 75 pusanmik maniit atuqtakhainik – avatkumayuq $51 miliantaalamik – havaakhanut ikayuutigiyauyukhat haffuma mikhaatigut nunavut kavamaita nunallaatlu tunikhailutik tamatkiutikhaat akingga maniit atuqtauyukhanik.

Uvvalu uqaqtauyuq ublumi piqaliqtut titirariikhimayunik pinggahunik anggiktauyunik havaakhanik talvanga atuqlutik nutaat maniit aturarhainnit. Titirarhimayunit ihuaqtutikhaannik ihuaqhangniaqtaat Iqalungni puyattunik imait igluqpanga havaktiariamingnik anggikliliqyuummiktumut nunaqatigiiktut talvani, huiqpaluingnaittumi avataata tikiutiyaamingniklu imangnut maliruararhaita. Titirarhimayuqlu ilaliutihimayuq nappaqtiriamingnik nutaamik imaqaqvianik Arviani, anggikliyuummiklugulu imaqaqvia imaqaqyuaqariami piutikhainnut nunaqaqtut.

Takuyaami inikhimayunik titirarhimayunik havaakhanut Nunavunmi, qaritauyakkut takuinnariaqaqtut hamani: http://news.gc.ca/web/article-en.do?nid=1119829.

Uqaqtauhimayut

"Havaaqaqyuanik tun’ngaviuyauyuq Kanatamut pidjutiungmat aqagukhamut. Kanatap Kavamanga ilitturiyaat hakuriktumik paatnagiiktukhat tamaini kavamani ikayuutigiyauyaami havaaqaqyuangnirmun piliuriami nakuuqpiaqtunik, maniliuqpiariami havaannit, qitqani havakpaktut amigaikyuummiriami ilinggairiami ublumi. Quviahuqpiaqtugut anggiqatigiilirapta Nunavunlu, $68 miliantaalamik maningnik piqariami atuqtakhanik hivulliutigiyauyut Nunavut nunallaani havaktauyaangginni".

Nan’ngariyauyuq Amarjeet Sohi,
Minista Havaakhaqyuanut Nunallaanunutlu

"Nunavut Kavamanga quviahuqtut ilaulingmatta Imariktuutikkut Puyattunutlu Havaktauyaaginni Imait Maniit Atuqtakhainnit. Una anggiqatigiikniq ikayungniaqtaatigut havaktauyaami imariktuqariami puyattutlu imait havaakhainnik akittuqyuummiriamilu anggiyut havaakhanggit. Piliungnirmun ikayuutinikkutlu, ikayuutauyuq inuuhirittiangnirmun nunallaani nunaptingni nigiuktugutlu havaqatigiumaplugit Kanatap Kavamaita pidjutiyaami aadlanik maniit atuqtakhanik pidjutiyaami havaaqaqyuaqvikhanik ikayuutauniangmatlu Nunavunmiunut"

Nan’ngariyauyuq Joe Savikataaq,
Minista Nunalingni Kavamatkunnilu Pivikhaqautikkuni
Nunavunmi Ikhivautauyuq, Kangirsualuup Ilua Avikturviani Katimayiiyini
Minista Avatiliriiyitkunni
Minista Auladjutikhanut

Qilamik naunaiyaami

  • Hivulliqpaangnguyuq maniit atuqtakhainnik Ihuaqutikhaanut Kanatami, Kanatap Kavamanga qan’ngakyuamit $120 biliantaalaqaqpaktut ikayuutikhainnik tamaani nunaptingni qulini uqiuni atuqtakhainnik
  • Hivulliqpaami Ihuaqutikhainnut Kanatami tunihimayut $11.9 biliantaalamik ikayuutikhainnik in’ngilgavikhainnik anggiuni nunani, hun’ngayaariami havaakhait, inungnutlu pidjutigiplugit havaakhanut. Naittumik tugliqmi havaakhait Ihuaqutikhaanut Kanatami uqaqtauniaqtut kaffini atungnahuaqtuni tatkiqhiutit. .
  • Una pidjutigiyauliqtuq 12 luni anggiqatigiingnirmut Kanatap Kavamaita sainiqhugu paatnaqatigiiplugit kanatap avikturviit ukiuqtaqtumi avikturviitlu, sainiutivaktut anggiqatigiikpaktut Inungnut In’ngilravikhainnik Anggiuni Nunani Maniit Atuqtakhainnik Imariktuqariamilu Puyattutlu Imait Havaktauyaangginni Maniit Atuqtakhainnik pivaktut. .
  • Uvani anggirutimi, Kanatap Kavamanga, maniit atuqtakhainik pidjutivaktut Qitiqqautiyuq 1, 2016, havaakhat, pidjutiyaamituuliiqhimaittumik ihuaqtumik havaktauyaamilu havangnakhikpat.

Ilaliutihimayut qaritauyakkuugutikhat

Federal infrastructure investments in Nunavut

Investing in Canada, the Government of Canada’s new $120 billion infrastructure plan

Have your say on infrastructure

The Public Transit Infrastructure Fund

The Clean Water and Wastewater Fund

- 30 -

Hivayainnariaqaqtut

Brook Simpson
Tuhaqtipkainikkut Titiraqtia
Ministap Havaakhaqyuanut Nunalllaanunutlu Aaffissiata
613-219-0149
brook.simpson@canada.ca

Kris Mullaly
Atugakhanut Ayuittiaqtuq Tuhaqtipkainikkutlu Havaktia
Nunavut Kavamanga
867-975-5342
kmullaly@gov.nu.ca

Havaakhanut Kanata
613-960-9251
Hivayautaa akiittuq: 1-877-250-7154
infc.media-medias.infc@canada.ca
Twitter: @INFC_eng
Qaritauyakkuugutaa: Infrastructure Canada

 

 

Naunaiyaut

Kanata Nunavunlu Anggiqatigiiliqtut taaffuminga Nutaamik Kavamatuqait Havaakhanut Maniit Atuqtakhainnut

Kanata Nunavunlu anggiqatigiiktut pinggahunik nunallaani havakhainnik, uplumimut, talvani nutaami kavamatuqait havaakhanut pidjutaannit imaa piliqhutik Hivulliqpaangnguyuq qulini uqiuni Maniliungnikhatigut piutaani Kanatami upalunggaiyaidjutaani. Halumayut Imait Puyattutlu Imait Maniit Atuqtakhait pidjutiginiaqtait hivulliutigiyauyukhat havaakhat ihumagiplugitlu ihuaqhaffaangnirmun uplumimutlu ihuaqhaitilutik hadja pihimayunut igluqpait tamayaqutainniklu.

Imait Halumayut Puyattutlu Imait Maniit Atuqtakhait

Kanatap Kavamaita tunihiyut $36 miliantaalamik pinggahunut havaakhanut ihuaqhaqtauyaamingni nunallaani imaqtuutikhait puyattuniklu imaita piutainnut nunavunmi. Nunavut Kavamaita nunallaatlu tunikhailiqtutlu $12 miliantaalamik taapkunanut havaakhanut. Atauttimut nunavut nunallaanitlu ikayuutait, $48 miliantaalamik atuqtauniaqtuq halumayumik imakhainnik ihariahungnaittumiklu piyaami imakmik taapkunanut Nunavunmiut ilagiiktut piqaliriamingnik.

Nunavut Kavamanga ilitturipkainiaqtut aadlanik havaakhanik Hivulliqpaami maniit atuqtakhainnik hivuni tatkiqhiutini atuliqqatta.

Humi

Havaakhaq

Kavamatuqainni Maningnik Piyut

Ukiuqtaqtumi Avikturviit Nunallaami Maniit Atuqtakhait

Aullaqtiqvikhautinggat

Iqaluit

Iqaluit Puyattut Imait Ihuaqhaivikhait

$19,875,000

$6,625,000

Qitiqqautiyuq 1, 2016

Igluligaaryuk

Imaktuqviuvikhaq Ihuaqhaivikhait

$1,050,000

$350,000

Qitiqqautiyuq 1, 2017

Arviat

Imaktuqviuvikhaq Ihuaqhaivikhait

$15,750,000

$5,250,000

Qitiqqautiyuq 1, 2016