Havaktingit

You are here

Ihuaqhaqtauhimayuq Imiqtarvikhaq kuvigarvikhangitlu Kugluktumi

Iitjirurvia 14, 2017

Tuhaqtitjutikhaq

Ihuaqhaqtauhimayuq Imiqtarvikhaq kuvigarvikhangitlu Kugluktumi

Kugluktuk, Nunavut, Iidjirurvia 14, 2017 — Ublumimun havakhimayut igluqpangit ikayuutikhaq ikayugianganik avaliqangitunik pidjutikhangit tununganirmi nunalaaniitunik. Tamna kavamangit Kanatami Nunavunmilu havakhimaaliqtun ihuaqtunik iglukharnik taima ihuaqyumirutiniaqtun nunalaani ikayuutikharnik angikliyumiqtitiluniklu hivunikhangit ihuaqhaidjutikharnik angikliyumigianganik pidjutikharnik, taima munagihimaaqtilunik avatingit taima tununganirmiutauyut auladjutikhangit atuinaqtainik.

Atauhimalutik nunalaani nunaqaqtunik, Nangariyauyuq Peter Taptuna, Hivulliqtiuyuq Nunavunmi, Ryan Nivingaloklu, Miiyauyuq Kugluktukmi, ubluumi naunaipkakhimayut ilitagidjutikharnik angmaqtigiyaanganik pingahunik nuutaanguyut nunalaani iglukhat taima ihuaqyumiqtitiniaqtun ikayuutikharnik, tunilutiklu ihuaqtunik pidjutikharnik halumayumik imikharnik munagiyaangat avativutlu.

Tamna havaaqhaq ilauqaqtuq havakhimayumik nuutaamik imiqtaqvium ihuaqhaidjutikhaq imiqtarvikhaq, nunalaani havaktiit hanavingmi igluqpait, unalu siksiuyunik akhaluutiqarvikhaq taima nunalani imiqtautikhangit anaqtautikhangit akhaluutit nayugvikhangit. Ukuat igluqpangit havaaqhat ikayuutiniaqtuq ikikliutnik nunalaani havaktukharnun akikharnik alruyaqtuutikhangitlu, kihimi ihuatqiamik ikayuutikharnik aulatitiniaqtun ikayuutikharnik nunaqaqtunun.

Uqaqtauhimayut

"Tamna napadjutikhangit igungnik aulatitivakhimayuq havaanganik, akhurhaivakhimayuq maniliurutikharnik nunamun unalu tunivakhunik nunalaanun napadjutikharnik havaktauyukharnik piqaqtukharnik ikayugianganik anginirmik atuqtakhainik inuuhimaagianganik Kanaitiangit ilagiyaingitlu. Una akhurnaqtuq napadjutikhaq ikayuutiniaqtun Kugluktukmun nunaqaqtunik piyaangat qayangnairutikharnik ihuaqtumiklu imigianganik imarmik, tapfumingalu kuvigarvikharnik anaqtautit taima ikayuutiniaqtun munagiyaangat nunalaani avatingitni."
- Nangariyauyuq Amarjeet Sohi,
Ministauyuq Napadjutikharnik Nunalaaniklu

"Talvuuna ilagiiktun tamangni havagvingni, Nunavut Kavamangit ikayukhimaaqtun havagianganik havaktukhangit tamangni nunalaangitlu nunaptingni. Hamilaangit titiqiqidjutiliqiyut nunaqaqtuniklu talvani Kugluktumi quviagiyauyukhat atuqhimaaqtangitni hanaqidjutikhangit ihuaqtumik upalungairutikharniklu. Hunavalungnik takuyavut ublumi tautuktitivakhimayut qanuq ihuaqtunik ihumaliukhimayut havaqatigiigaangamik napadjutikharnik nunalaaptingni."
- Peter Taptuna
Hivulliqti, Nunavut Kavaman
Maligaliuqti Kugluktumin

"Havauhikharnik havakyuaqpaktugut ihivriugianganik upalungaiyaiyaangatlu ukuninga havaaqharnik taima ihuatqianganik atugianganik maniktaqvikharnik, nunalaani kantulaangit allatlu hanaqidjutikhangit taima pigiaqaqtun talvani Kugluktumi. Pidjutikhangit ukuninga piqaliqtugut nuttanik igluqpakharnik ihuaqhaiyaangatlu iguqlukpangnik taima ikayukhimaanginaqtavut nunalaaptingnik amigaitunik ukiungnik taimailiukpaktugutlu akikhatigun ihuatqiyaunikkut."
- Ryan Nivingalok
Miyauyuq Kugluktukmi

Naunaitun Kangiqhidjutikhaq

  • Kanatam Kavamangit aituivakhimayuq $1,812,957 tallamik talvuuna Kanatam Hanaqidjutikharnik Napadjutikharnik Maniktaqvikharnik nuutaanik imiqtarvikharnik, talvuunalu $300,00 tallamik talvuuna kanatam Gasiiliingit Taaksingit Maniktaqvikharnik talvani siksiuyunik akhaluutiqarvikhanun nayugaanik.
  • Nunalaani hanayiyiuyut igluqpangit maniktaqviginiaqtun talvuna $250,000 tallamik talvanga Nunavut Kavamatkuni aituqtauyukharnik angirutikharni.
  • Kanatam Kavamangit tunihiniaqtun avatquhimayumik taima $180 billion tallamik talvunga napadjutikharnik maniktarvikharnun taima 12nikukiunganik nunalaani atuqtauyukharnik, ihuatqiyauyunik napadjutikharnik, nunalaani iglukharnik, ingilradjutikharniklu ikayuutiniaqtun himiqtautikharnik, unalu Kanatam nunagiyaingit tununganiituniklu nunalaangit.

Ilauyut Qaritauyaliqidjutikhangit

Kanatam Kavamanga $180-billion avatquhimayurlu napadjutikharnik upalungairutikhat

Kanatami Napadjutikhangit aulatitiyunik Nunavunmi

Kanatami Kasiliinut Taaksiiyaqtitaugutit Maniit

Kanatami Hanaqidjutikhangit Napadjutikharnik Maniktaqvik

Nuutaani Igluqpangnik Kanatami Upalungairutit

- 30 -

Hivayaqlugit

Brook Simpson
Tuhaqtitjutikhanut Titiraqti
Havagviat Ministauyuq Aulapkainikkut Napadjutikharnik Nunallaanilu
613-219-0149
brook.simpson@canada.ca

Kris Mullaly
Atugakhat Ihiviuqti/Tuhaqtitiliqiyinguyuqlu
Nunalingni kavamatkunnilu pivikhaqautikkut
867-975-5342
kmullaly@gov.nu.ca

Don Leblanc
Angiyukhiq Titiraqtiluanguyuq
Hamilaangit Kugluktukmi
867-445-9070

Napaqtiliqiyiyiuyut Kanatami
613-960-9251
Akiligakhaittumut 1-877-250-7154
media@infc.gc.ca

Twitakkut: @INFC_eng
Qaritauyakkut: Infrastructure Canada