Havaktingit

You are here

Hivulliit Ministauyut Katimayut iniqtiqtut

Maassi 04, 2016

Uqautait

Hivulliit Ministauyut Katimayut iniqtiqtut

Qiyaiyalirvia 4, 2016

Vancouvermi, BC

Premier Peter Taptuna ublumi iniqtiqtut Hivulliit Ministauyut Katimayut talvani Vancouvermi ukuallu Kanatami Hivuliqtiit, Nunaqaqqaaqhimayut Hivuliqtiuyutlu tamnalu Kanataup Angiyuqqaaqyuanga Justin Trudeau. Uqautigiyainut ilauyut hapkuat halumatqiyakhanik uumaqutikhanut atuqtauyukhanik unalu hilaup aalannguqtirninganut, maniliurutikhaniklu hivuliutiyakhaniklu ikayuutikhanik amigaigyuumiutikhanik.

"Quviahuktuna katimaqatigigiplugit hivuliqtiuqatitka tamaita akhuurutigiplugitlu Nunavutip avaliqangitunik idjuhiriyainik ayungnautigiyanginik. Nunavunmi atuqtauvaktut qanurinniriyauliqtunik hilaup aalannguqtirninganut hivulimik. Hivumuuqpalliagapta ikayurahuakhugitlu Kanatami pinahuaqtavut talvuuna COP21Paris-mut Angirutikhamik, ihuariyavut ikayuutikhaliuqtauhimayunik pivalliadjutikhanik nunaryuami qanuriliurutikhalliuktainik pidjutiqaqtunik maniktutainiklu ihumaliurutigiplugit ukiuqtaqtumi ungahikturmiuni nunallaani allanik uumaqutikhanut atuqtakhanik piqangitumi.

Nunavut pinahuaqpaktut ikikliyuumigumaplugit puyuum anialaiqutaa (GHG) puyut anianiit talvuuna ihuaqtunik auladjutikhanut; una piyariaqaqtuq angyuniklu maniqautikhanik ikayuqtauyukhauyugut kavamatuqatkutnit havaqatikhaptingnik. Nunavut ihumagihimarniaktait ikayuutikhaptingnik naunaiyattiakhugitlu kangikhidjutikhanik atuqtakhaliurutikhaniklu qanuriliurutikhaniklu hamani avikturniani, aulahimaaglutallu pinahuaqtaptingnut, halumatqiyanik auladjutikhanut atuqtakhainut.

Nunavut ikayuutiqaqpaktuq mikiyumik 0.1 pusantinganik Kanatap atauttimut GHG puyut anianiit, kihimik takuvaktugut ilanginik qilaminnuak, aktuutauyunik hilaup aalannguqtirninganut. Kavamatuqatkutnit hivuliutiyakhainut, qanuriliurutikhainiklu ikayuutikhanut Nunavut ihuaqhaiyukyat havaktakhanik ihuaqhautikhaniklu mikhinahuarutikhaniklu hilaup aalannguqtirninganut. Hapkuat hivutiyumut avatiptingnut ihuaqutikhanik, pidjutikhaniklu angitqiyauyunik inmikkurutikhanik nakutqiyaniklu atuqtakhaptingnik ihuaqhautikhaniklu maniliurutikhanik havagvikhaniklu piyuminatunik."

###

Tuhaqtitaunikkut Uqaqatikhaq:

Yasmina Pepa

Atangayuqalluaq, Nunalaani Ihumagiyauluaqtunik

Havagviani Hivuliqti Taptuna

867-975-5059

ypepa@gov.nu.ca