Havaktingit

You are here

Hivuliuqti Premier Taptuna qiuyuq hapkunuuna Kanatam kavamangit maniit

Maassi 23, 2016

Titirarhimayuq 

Hivuliuqti Premier Taptuna qiuyuq hapkunuuna Kanatam kavamangit maniit 

“Quviahuqtunga Kanatam kavamangit pinahualiqmata ikayuutighainik Ukiuqtaqtumi uvalu nunaqaqqaqhimayunik nunalaanin, havaqatigiiktunut takuyumayaptingnut hakugiktumik, inuuhiringnaqtumiklu uvalu ilingaituq Nunavun. 

Ayukhautigivaktainik Nunavunmi uvalu Kanatam ukiuqtaqtumi nunalaan alangayut.Ihuaqhaibluni ihumaaluutinik hapkuatut iglutigut, havakhanut, aaniaqtailinikut ihumailiqinikkut havagviata, nunallaani aaniqtailininngit paliihimaliqinikkutlu, nutaqqanik ikayuqtiuyunut, ilihaqnikut ihumaalungnaqtut inuuhiptingni. 

Kanatam kavamangat maniliqtuiyut havakhautinun pitjutikhautikhanun Nunavunmi naunaigiiktut maniliurutikhanut ikayuutikhaq. Quviahuktugutlu tautuqapta kavamatkut akhuuqtut hivumuuqtihimaaquyut atugaghanik haavakhautinut pitjutikhannut, piyauhimayuqlu $25.3 miliataala hamanga Mikiyut nunalaat akikhainnut talimanik hulilukaaqhutik ulapkinikut ulapkivikhainik havaghat Nunavunmi, piplugit pitquhiliqinikkullu hamani Kinngaini, ihuaqhautighaanik Iqaluktuutiami Ulpakiviani uvalu Iqalungni Naluuyuqvighaa. 

Quyagiyakut angikliyuumiyuq maniliqtuiniq iglunun hapkunuuna maniliuqnikut Akikittut Igluliqiyiit. Ihuaqhiyuumiqhugu piyangniq iglunik inungnun akhuuqnaqtuq, ilauyuq hivuliuyukhani. 

Kavamat Nunavunmi quviahuktutlu Ukiurtaqtumi Nunaliuyut Ahivaiviunit angikliyuumiqtuq. Una tuniniaqtuq ilalugit taxin qaunaqhivyangniaqtuq Nunavunmiunun. 

Nutaaq Kanatami Nutaqqakkut Ikayuutikhanik ihuaqhiyuumiqniaqtuq inuuhiitnun maniliuluangitut Nunavunmi amigaitunik ilalgit. 

Nigiuktunga munagilugu angikliyuumiqtuq manik hapkununga Niqiqattiariq Ukiurtaqtumi uvalu qaritauyakkuurutikhanut Qagitauyat inuqqukittunun ungahiktununlu, nigiugutaa ihuaqtumik inuit Nunavunmi.

Qinguliqpaaq, uvagut akhuuqluta tautuqlugu maniliqtuiniq aalakiinik humili ikayuutighat halumatqiyakhanik uumaqutikhanut atuqtauyukhanik unalu hilaup aalannguqtirninganut ,ayuqhautigivagaat Nunavunmiun. Kanatam hilaup allanguqtirutikharnik hivunikhat aulayukhat talvuuna hanaqidjutikharnik taima aulangitunik ayungnautikharnik Tununganiitunik akingit inuuhimaagianganik, ayuqhaqtitinahuarnaitumik niqailiurnikkut, ayukhaqtitiyaangatluuniit aulayunik maniliukhimaaqtunik. Nigiukhimayugut una nutaaq . akhuugutauyuq aulahivitjutikhanut pigiaqniat akhuuqnaqtuq uqaqatigiikniq himiqlugit utuqanguliqtut uqhuryualungnik pauvaqarvik. 

Havakhimaaqniaqtavut kanatami kavamat uqaqatigilugit akhuuqnaqtuq havaaghat ihagiahuutit. Uqaqhimayunga, maniliungniq Nunavunmi nakuuyuq nanminiqaqtuni uvalu munagitiaqniq nunakyuami haffumunga Kanatamun, kanatamiununlu. 

Kavamat Kanatami pivaktut pihimaaqniaqtut, ilauniaqtut piliungniqmun tungavikhaanun Nunavunmiun piyangaiyautikkut. Kavamat Nunavunmi havakhimaaqniaqtut havaqatigilugit kanatami havaktiit ihuiguhuutini akhuuqnaqtuni Nunavunmiunun.Havaqatigiiktughauyugut piyangani pivalliayuliqiyikkut ikayuutikhaq , ikayuutigivaktaghanik havaknikut munagilugu atuhimaaqlugulu pitquhia Nunavunmiun. 

### 

Tuhaqtipkainikkut Uqaqatigivikhaq: 

Catriona Macleod 
Aulapkaiyi Tuhagakhanut 
Kavamaliqiyiitkut 
867-975-6049 
cmacleod@gov.nu.ca