Havaktingit

You are here

Hivuliqti uqaqtaa akimayuq uumani 2016 Taiguqtaaliqtipkainikkut Ilitaritjutimik

Saptaipa 08, 2016

Tuhaqtitauyukhaq

Hivuliqti uqaqtaa akimayuq uumani 2016 Taiguqtaaliqtipkainikkut Ilitaritjutimik

IQALUIT, Nunavut (Apitilirvik 8, 2016) – Hivuliqti Peter Taptuna quviahuktuq unniutilirami una Saa Pitsiulak, Inuktitut uqauhikkut pinahuarutimi havakti Pitquhiliqiyitkunni, akimayuq uuminga 12nguqtumi ukiuq tamaat Kanadami Katimayiit Taiguqtaaliqtipkainikkut Ilitaritjutimik Nunavunmun.

"Saa ilihaivaktuq avatquhimayunik 100-ni nutaqqanik inirniniklu Nunavunmi qaangiqhimavaktaalu upluummaat havaani, havakpakhuni havangnairaangat", uqaqtuq Hivuliqti Taptuna. "Pitjutigiplugu Nunavut Kavamatkut, tuyurumayara quviakkutiga uumunga uvuuna anginiqaqtumi havagutaani tunitjutaanilu mighaagut taiguqtaaliqtipkainikkut tamaani Nunavunmi".

Piliuqtauhimayuq 2004-mi, taamna Kanadami Katimayiit Taiguqtaaliqtipkainikkut Ilitaritjuti ilitarivagait inirnit pivaktut taiguqtaaliqtipkainikkut ayuirharnirnik, aliahuutigivaktaillu anginiqaqtumik tunitjutait Kanadamiunnin uvani havaknirmi taiguqtaaliqtipkainikkut. Ms. Pitsiulak piyauvaktuq hivulliuqtingani ilihaiyikkut Nunavunmi avatquhimayuni 30-ni ukiuni, havaanganilu piliurnikkut nutaqqanun Inuktitut hivulliuqtauplutik taiguagaghanik aturutikhanik Nunavunmi iliharviinni.

Ukiuq tamaat, Kanadami Katimayiit aliahuutigivaktait inirutit, aallangayukkut havagutit, pimmaringniinnilu taiguqtaaliqtipkainikkunni. Ukiuq tamaat ilitaritjutit tuniyauvaktuq ilihaiyinun, ikayuqtinun, ayuirhaqtunun, nunallaani timiqutinun, kavamaungittuni timiqutinun, nanminiriyauyununlu, tamainni avikturhimanirni ukiuqtaqtunilu. Taimaita ilitaritjutimik aittuqtauhimayut pivaktut titiramik sainiqtauhimayuq Hivuliqtimin avikturhimanirmini ukiuqaqturmininluunniit, uumingalu Kanadami Katimayiit Taiguqtaaliqtipkainikkut Ilitaritjutimik haviqutimik.

###

Tuhaqtipkainikkut Uqaqatigivikhaq:

Yasmina Pepa
Atannguyaq, Tuhaqtauyukhani Titiraqti
Havakvia uuma Hivuliqti Taptuna
867-975-5059
ypepa@gov.nu.ca