Havaktingit

You are here

GN-kut uqautigiyaa una 2017 kavamatuqatkunnin manikkut aturutikhaq

Maassi 23, 2017

Tuhaqtitauyukhaq

Tuhaqtitauhainnaqtukhaq

GN-kut uqautigiyaa una 2017 kavamatuqatkunnin manikkut aturutikhaq

Iqaluit, Nunavut (March 22, 2017) – Kavamatuqatkunnin Kiinauyaliqinikkut Minista Bill Morneau iliuraqhimayaa katimatjutikhamun Kanadaup Kavamangani 2017 manikkut aturutikhakkut hivunikhaq "Piliurniq Hakugiktunmik Akulliinni Maniliuqpaktuni" ("Building a Strong Middle Class").

"Nunavut pivaktuq aallangayunik ayurhautiuvaktunik, tapkualluanilu pitjutiqaqtuni igluqpakhaitigut aulayunnautikhatigullu," uqaqtuq Kiinauyaliqinikkut Minista Keith Peterson. "Akhuurhaqpaktavut kavamatuqatkut manikhaliurniarhimanikkut hapkunani qangannguliqtumi. Una manikkut aturutikhaq ihuaqtuq tuklini hulitjutikhani, niriuqtugullu havagutigiyaamik qanuriliurutikhait. Taimailiuraanginnarhuta, ihariagiyavut ilitturipkarniaqtavut akihaqtuqlugillu ihariagiyauqpiaqtut maniliqtuutikhat Nunavunmun."

Taimaatut, kavamatuqatkunni manikkut aturutikhaq piniarhimayuq:

  • $240 million naallugit qulit ukiut Nunavut Kavamatkunnun (GN) ikayurutikhat igluqpakhanun, aullaqtirluni 2018-19. Una pitjutiqaqtuq kayumiittumik aularaanginnaqtumiklu pitjutikhamik hivituniqatqiyauyunik maniliqtuutikhanik ukununga aularaanginnaqtunun ukiuqtaqtumi igluqpakhanun.
  • $400 million naallugit qulit ukiut aullaqtirluni 2018-19, ikayurutikhaq uuminnga Ukiuqtaqtumi Aulayunnautikhakkut Maniliqtuutikhaq (Arctic Energy Fund) kiutjutikhat aulahimmaaqtunik aulraanginnaqtuniklu aulayunnautikhanik nunallaanun ukiuqatumiittut. Maniliqtuutikhat munariyauniaqtut ukunannga angiqatigiiktauhimayunin angirutinin ukununga Kanadamin.
  • $54 million naallugit hitamat ukiut GN-kunnun aullaqtirluni uumani maniliqinikkut ukiumi, angikliharlugu Nunavunmi Aanniaqtailinikkut Maniliqinikkut Maniliqtuutikhaq (Territorial Health Investment Fund (THIF)). Una maniliqtuutikhaq ikayurniaqtuq pimmarigharnikkut aanniaqtailinikkut hulitjutikhanun naamaqutikhanik ilanginni akituyuni aanniaqhimanikkut aullaarutini akiinnun.
  • $2 billion Kanadami naallugit 11 ukiut, ikayuriami Kanadami niuvvaanikkut pivikhat, taapkunanilu maniliqtuutikhani ihuarhainikkut ingilratjutikkut ihariagiyauyut Kanadaup Ukiuqtaqtuani. GN-kut havaqatiginiaqtaa Kanada ihumaliurnikkut qanuqtun una maniliqtuutikhaq atuqtauyaangani havaktauyukhanun imaatut Qurluqtuaryukmun (Gray’s Bay) Apqutaanun Havaktauyukhami ukunanilu/ukunaniluunniit ingilratjutikhakkut pitjutikhanik Kivalliqmi.

Manikkut Aturutikhami 2017 piqaqtuq aallanik piniarhimatjutikhanik pitjutikhat akhuurhainikkut aallakkuurutikhatigut, kiunikkut hilaup aallanguqtirutaani pimmarigharnikkullu havakpiaqpagutinik Kanadami, ilauyullu maniliqtuinikkut aulapkaitjutikhanik ungahiktuni ukiuqtaqtunilu ilanginni Kanadami.

"Una manikkut aturutikhaq ikayuqniaqtaatigut hivumuutiluta hakugikharlugillu inungni piangaiyarnirnilu pitjutiptikni nunallaaptikni. Ilitariyuq anginiqarnia Inuinnarni, Itqilini Métis-nilu. Niriuktugut havaqagitiyumaplugu Kanada maniliqtuutikhani aulahimmaaqtut kiunikkut ihariagiyainni Nunavunmiut," uqaqtuq Minista Peterson.

###

Tuhaumapkainikkut Uqaqatigivikhaq:

Yasmina Pepa

Atannguyalluaq, Kavamaliqinikkut,

Havakvia Hivuliqtiup Taptuna

Havakvik: 867-975-5059

Nakhaqtaut: 867-222-0961

ypepa@gov.nu.ca