Havaktingit

You are here

Arvianmi hamilaangit afisikhaat angmaqtiginiaqtun

Nuvaipa 24, 2015

Tuhaaqyakhaq

Qillaminuaq Tuhaqtitauyukhaq

Arvianmi hamilaangit afisikhaat angmaqtiginiaqtun

ARVIAT, Nunavut (Hikutirvia 24, 2015) – Nunalaaqaqtun Arviatmi ilauqatigivaktaat Minista Nunalingni Kavamatkunnilu Pivikhaqautikkut Joe Savikataaq Arviat Miyaangitlu Bob Leonard quviahuutigiyaanganik angmaqtigidjutikhatigun nunlaani nuutaanguyuq hamilaat afisikhangit ublumi.

"Havaktiugaluagami hamiliaatkuni havakhuni talvani hamilaat afisiugaluaqmi, ilihimayunga akhuurutigiyauvakhimayut uminga nuutaamik tamainun nunalaaptingni," uqallakhimayuq Ministauyuq Hunter Tootoo, Iqalluliqiyunik Tariungniliqiyuniklu Kanatami, talvuuna titiragiikhimayut taiguqtauvakhimayut uvani katimaviani. "Angikliyumiliqtuq nunalaat nigiukhimaliqtungalu aulahimaaqtukhaq aulavikhangit tamainik nunalaangit iluani Nunavunmi."

"Quviahuktunga hamaniligama, nunagiyaptingni, angmaqtiginikkut Arviangit hamilaat afisikhainik," uqallaktuq Minista Savikataaq. "Akiliktuivaktamingnik ihuaqtunik igluqpautigikharnik ikayuutiniaqtuq nunalanai maniliurutikharnik, inuuhirinikkut maniliukhimaagianganiklu. Nunavut Kavaman havakhimaarniaqtun ikayurumaplugit nunalaangit tamaita aulahimaarnikkut ihuaqtumik. Ihumavaktunga una igluqpaut ihumaliurutitiniaqtuq ihuaqtumik pivalliadjutikharnik ilihairutingnik hanaqidjutikharnunlu talvani Arviatmi."

"Taima angitqiyaupluni qillaminuaqlu angikliyumiliktuni nunalaaq Nunavunmi, havakhimaaqtakhangit Hamilaangit angikliyumiqhimaanginaqtuq, akuniraaluknirmilu piqahimaaqpaktugut inikhaqaluangitumik hanaviqaqpaktugut," uqaqtuq Miyaa Leonard. "Quyagumayatka tamaita inuit katitiqhutik aulatitivakamik uminga – Hamilaat katimayiingit titiraqtingitlu, Nunavut Kavaman, Kavamangitlu Kanatami, allatlu havaktiuvaktun, titiraqtiuyutlu igluqpangmun, hanayiitlu, inuitlu kituliqaq ilauvaktun uumuunga." Arviat hamilaat afisiugaluaq utuqanguqtuq aulalualimaiqhunilu pidjutikharnik angiklitiqtuni nunalaagiyavut. Una nuutaanguyuq alruyaqtuluaqtungituq igluqpak ilauqaqtuq havakti afisikharnik, angiyumiklu katimayiit katimavikharnik, taima nunalaani inuit qunngiagiangat katimatiluni akikhilaagianganiklu auladjutikhangit akingit hamilaatmi.

Ihuaqhaqhimayumik ikhivakharnik inuit qunngiagiangat katimayiit katimatilunik ilitugihimaagianganiklu hulilukaakniaqtunik nunalaangani, nuutaanguyuq 570nik-square-metrenik hamilaat afisikhangit tunihimaaqtun ihuaqtunik katimavikharnik nunalaani ilaulukaaktukharnik talvani.

Tamaat katitiqhimayuq akituutinga ublumun uminga havaaqharmun imaatun ituq $10,082,000 tallanguyuq. Nunavut Kavaman aituivaktut $2,348,000 tallamik talvuuna havaaqharmun, Kavamangit Kanatami tunikhivakhimayut $7,734,000 tallamik.

###

Tuhaqtitiyuq:

Jodi Durdle-Awa

Aulapkaiyi Maligakharni Upalungailiqiyuniklu Nunalingni Kavamatkunnilu Pivikhaqautikkut

867-975-5387

jdurdle-awa@gov.nu.ca