Havaktingit

You are here

2016 Hivulliit Ministauyut Katimayut

Maassi 03, 2016

 

Uqaqtakhait

2016 Hivulliit Ministauyut Katimayut 

Hivuliqtiit Yukon, Nunatsiaq Nunavunmi uqautiginahuaqtait ihumagiyauyunik ukiuqtaqturmiunit Hivulliit Ministauyut Katimayunut Vancouvermi Qiyaiyalirvia 3rd. 

Yukon Hivuliqtia Darrell Pasloski, NWT Hivuliqtia Bob McLeod unalu Nunavut Hivuliqtia Peter Taptuna Nigiukhimayunga taima havaqatigiyaangata tamaita Hivulliit Ministauyut, uqautigiyariaqaqtaqqut akhuurnaqpiaktuq qanuriliurutikhaptingnik hilaup aallanguqtirninganut. 

Ilihimaliqtugut angiyumik hilaup aallanguqtirninga mihingnakhiyuq ukiuqtaqtumi nunallaani, aviktuqnini Hivuliqtiit piyumaqpiaktut uuktuutikhaptingnik qanuriliurutikhaniklu nakatqingnahuarutikhanik hilaup aallanguqtirninganut tikittumayavut pinahuaqtakhavut ihumagiyakhangitlu tadja atuqtauliqtunik tamaini ukiuqtaqtumi aviqtuqniini. 

“Ukpirriyunga tamna algunngup puyua nakuunngittuniklu aktuutiqarniaqtut inuuhiptingnut atuqluaqtauyunik Ukiuqtaqtumi. Kanatami hilaup allanguqtirutikharnik hivunikhat aulayukhat talvuuna hanaqidjutikharnik taima aulangitunik ayungnautikharnik Tununganiitunik akingit inuuhimaagianganik, ayuqhaqtitinahuarnaitumik niqailiurnikkut, ayukhaqtitiyaangatluuniit aulayunik maniliukhimaaqtunik,” Yukon Hivuliqti Darrell Pasloski uqaqtuq. “Tadja maniliurutikhat akhuurnaqhivallaqtuqlu ayurnaqhivaliapluni, uvagut aviktuqnini Hivuliqtiit uukturiaqaqtut maniliurutikhanut aktuutauyut uukturumayainik kavamangita hilaup aallanguqtirninganut qanuriliurutikhaliuktait pinahuangitkaluakhutik ihuirutinahugittutik avikturniini imaniliurutikhainut.” 

Aviktuqhimaniit mikyuugaluaktut kihimik anginiqaqtut aviktuqhimaniinut maniliurutikhanik inuqqukitugaluakhutik amigaitilangit mikiyuni tikinnalaitunillu nunani mikinikhauyut ilangani Kanatami tamainut puyuryuangit aannianiinut ikianun. Taimattauq, hilaup aallanguqtirninganut pidjutauvaliqtuq mihingnaqtunik Ukiuqtaqtumi nunallaani. Taimaitumik kangiqhipkaiyumayut Hivuliqtiit naunaikhiyut tamarmik pingahut aviktuqhimaniini pinahuaqpaliqtut munariyakhamingnik qanuriliurutikhaniklu atuqtakhaliukhutik pihimayait mikhilaaqnahugittutgit puyut anianiit atuqtittivlutiklu halumatqiyanik auladjutikhanut atuqtakhainut, hanayauhimayunut nakuuyullu ihuaqhaidjutikhat. 

Ukiuqtaqtumi Hiviliqtiit piyumayut taimatut naunaiyattiakhimayunik maniliurutinut naunaiyarniit iniqtauyukhat nutaanut nunaryuami uuktuutikhaliuktainik hilaup aallanguqtirninganut, ilauyariaqaqtutlu naunaiyautikhanik ayungnautingnun aviktuqhimaniinun manliurutikhanut. 

"Avikturviit hivuliqtiuyut talvani hilaup aallanguqtirninganut atuqtakhaliurutikhanik pidjutaungmata hivuliuyuni ayungnautingnik tadja atuliqtaptingnik," NWT Hivuliqti Bob McLeod uqaqtuq. "Nigiukhimaniaqtugut havaqatigilugit Kavamatuqatkut Kavamait naunaiyaiyaangat Kanatami nunaryuami qanuriliurutikhaliuqtainik hilaup aallanguqtirninganut maliqayanginik aviktuqhimayuni atuqtakhaliukhimayainik." 

Aviktuqhimaniini Hivuliqtiit quviahuktut uqaqatigiiktukhanut aviktuqhimaniini hivuliqtiuqatimingnik tamnalu Kanataup Angiyuqqaaqyuanga hivumuuqpalliadjutikhaniklu havaaktaulqtunik tamainit nunagiyauyuni ihuaqhautikhaliuktainik hilaup aallanguqtirninganut ayukhautauhimaaqtunut. 

“Ukiuqtaqtumi Kanatap atauttimut puyuryuangit aannianiinut ikianun mikiyuyaktugaluat, akhuraluk akltuutauyunik atuqpaktugut pidjutainik hilaup aallanguqtirninganut turrangayunik hulipkaidjutainut hanaviryuanguyunut nunaryuami,” Nunavut Hivuliqti Peter Taptuna uqaqtuq. “Taimaitumik uqautigivaktavut naunaiyattiakhugitlu kangikhidjutikhanik atuqtakhaliurutikhaniklu, piyariaqaqtugut kangiqhipkarnahuaglugit ahiini nunaqaqtut avaliqangitunik ayungnautigiyanginik Ukiuqtaqtumi pidjutaullayuniklu maniliurutikhaptingnut atuqtakhaliuktunut qanuriliurutikhanik upalungaiyautikhatptingnik hilaup aallanguqtirninganut.” 

-30- 

Uqaqvikhaq: 

Dan Macdonald 
Ministauyut Katimayiit Tuhaapkaiyiat 
Kavamangat Yukon 
867-393-6470 
dan.macdonald@gov.yk.ca 

Cate Macleod 
Aulapkaiyi Tuhapkaiyini 
EIA-kuni, Sivumuaqatigiit Havakviani 
Kavamangat Nunavut 
867-222-0305 
cmacleod@gov.nu.ca 

Andrew Livingston 
Kavamangat NWT 
867-767-9140 ext. 11091