Havaktingit
LogoHome

You are here

INUKNUT UQAQATIGIIKNIQ – AADLANGUQTIQNIIT ILIHAINIQMUT MALIGANGA

Tamna 2008 Ilihainiqmut Maligaq naunaiqtaa hivulliqpaangani Nunavunmiutat piliuqmata maligaliriniqmut maligakhanganik ihuarhaqhimayuq maliganganit, ilumuurutinginnit tikinnahuaqtamikniklu nunavunmi.

2008mit, angiumik ayuiqtauyuq akhuraaluk ihivriuqniq titiqqiqininnganut iniqtirninnganut uuminnga Ilihainiqmut Maligaq. Una ilaliutihimayuq angiyunik ihivriuqniqmik Havakvinganit Kiinauyanik Ihivriuqtiryuanganit Kaanatami  ukunanitlu Nunavunmi Maligaliurviup Tikkuaqtauhimayut Katimayiingit Ihivriuriamikni tamna Ilihainiqmut Maligaq.

Pipkaidjutikmata hapkuat ihivriurutit, naunaittut pivikhaqautingit ilitariyauyut hivumuuriami piliuqluni himmautikhangit piliuriami nakuutqiamik ilihaidjutikhaq piyakhat sikuuqtunut, sikuuqtittiinut nunallaanullu. Hivumuuqniq ihariagiyuq himmautinik maligamut.

Hapkuat himmautingit tukhiutiinauyut naunaiyaqniaqtullu, uqaqtauniaqtut niruaqtaulunilu Maligaliutinit Maligaliurvikmit. Tikinnahuaqtangit hapkuat inuknut uqaqatigiiktakhat himmautinillu ukununnnga Ilihainiqmut Maligaq piliuriami atayumik tautuktuuyaaqniqmik ilihaidjutimut sikuuqtunullu pivallianinnga Nunavunmi.

 

Huuq HImmautingit Ilihainiqmut Maligaqmut Ihariagiyauva ?  

Huuq himmiqtauliqtuq Ilihainiqmut Maligaq naunairiami piqaqtugut hakugiktumik, hivumuuqtumik maligamut tunngavinganik. Himmautingit akhuurutauyut piliurhimayuq taimaa naunairiami:

Sikuuqtut pivallianinnga iniqtiqtangillu ihuaqtuq tamainni Nunavunmi.

Piqaqtuq naunaittumik havaangit munariyangillu tamainnut havaktut iliharvikmi.

Munarinit tuniyauyut maligamit ihuaqtut pitqutigiquplugu aktikkulaanganut ilihaininnganullu.

Malruuknik Uqauhilgiknut Ilihainiq tuniqhaininnga pittaaqtuq ilihaidjutingalu nakuutqiamik uqariami piqalluangittunik Inuktut uqayuktunik sikuuqtittiinik.

Ikayuutinga hakugiktitauyuq nunallaanut ukunanullu Ilinniaqtuliriyiit Katimayiit Nunallaani (DEA-tkut).

 

Naittut himmautikhanginnut ukununnga Ilihainiqmut Maligaq:

  • Angikliyuumiq ihuarhainiq tamainni nunavunmi, taimaa ihuarhigiami qanuriliurutinga ilihaininnganut, tuniqhaininnga ikayuutinik, pittaarninngalu naunaiyariami sikuuqtut unalu sikuuqtut qanuriliurutingit.
  • Ihuarhilugit pittaarninnga havakvikmut tunigiami Malruuknik Uqauhilgiknut Ilihainiq ihuaqhilugit ilihaidjutikhamut minitsinik uqauhingalu ilihapkainiqmut ilihaidjutimut/ilihaqtamiknullu naunaitkutinga, taimaa pipkaigiami angitqiamik ayuitamiknik piyuq havaktittiniqmut ilihaidjutikhainniklu tuniyut. Imaatut ittuq piqnagittumik pingahunik uuktuutinik ukuninnga Malruuknik Uqauhilgiknut Ilihainiq, kihimi ihuatqiamilluaq tunngavimik.
  • Ihuarhainiq to Hivituyunik Ilihainiq piyullu naunaiyainiq. Una ilaliutihimaniaqtuq aadlangurlugit munarinilluanik ilihainiqmi havaktunut, DEA-tkulluangittunut. Unalu, angitqiamik naunaittiaqtunik tuniyauniaqtuq kitunik ikayuutikhat piinarialik qanuqtullu.
  • Ihuarhiffaarlugit havaangit DEA-tkut ihumagilluariamikni havaangit ikayuutiqniqmut, Maligaq piyunnautinga nunamiknilu ilihaidjutikhanik. Una ilaliutiyuq munarilimaitait manikharvikhanginnik nukaqhinut ilihaliqtinnagit ilihaininnganik. Uuminngalu, naunaiyariami havaangit ukununnga HR sikuurviknut, hivituyunik ilihainiq aadlatlu sikuurvikmi titiqqiqinirmut havaangit.
  • DEA-tkut pihimayullu munariniqmik ukuninnga Aulatjutauyut Maniit Munariniillu, Munariniqlu Sikuurutingillu Titiqqiqiniqlu maligangit, ukuatlu angayuqqaangit ilagiiktullu ilauniqmut havauhikhaq.
  • Naunaittumik kangirhiniq havaanginnik munariyanginniklu atan’nguyanik sikuuqtittiillu, ukuatlu himmautiniq munariniqmut pitqutigiquplugu Hivituyunik Ilihainiq.
  • Naunaiyaffaarlugit havaangit munariningillu Katimayiingit Nunavunmi DEA-ngit taimaa naunariami angitqiamik nakuuyumik ikayuutikhanginnik. 
  • Naunaittumik piliuqlugu havaanginnut kiuttaaqtumik munarittaaqtumiklu ukunanit Nunavut Kavamatkunnit unalu Conseil scolaire francophone du Nunavut, naunaittiaqninngalu havaamit tamarmik Aulapkaiyiuyuq Atan’nguyalluaq unalu iliharvikmi havaktut, talvuuna ihuarhilugit havaqatigiikninnga uqaqatigiikningit tahapkunanit malruunguyut timiqutigiyauyut, unalu nakuutqiamik naunaiyaiyuq hapummilugillu havaktut pilaarutinginnik.
  • Ihuarhilugit pitquyautingit ukununnga Inuit Qaujimajatuqangit naittukhaq titiraqhimayumi maligamut atayullu piyut havaanut pihimayaa Ministaup, ilihaqvikmi havaktut DEA-tkutlu titiraqhimayumi Ilangani 1: Akhuurutauyut Ilumuurutauyut Maligamut. Naunaiyarlugu akhuurutinga IQ-mik DEA-tkut nunamikni ilihaidjutinginik.

 

 

Huuqtauq Pipkaidjutigiyauyut Pivikhaqautingillu nutaanguqtiriami Maligaq?

Hapkuat ilangit naunaiqtitaa naunaitqiaqtumik ihivriuqniq himmautinginnik maligamut tamna  Ilinniaqtuliriyiitkut ihumagiquyangit. Hapkuat ilangit naunaiqtitaa titiraqhimaninnga talvani himmautingit ittut unalu tunngavikhangit tukhiutimut. Naqitaqlugit ilanginnut naunaitkutiryuumirumaguvit.

Naunaipkainiq: Atayuq Tautuktuuyaaqniq

Akhuurutauyut Ilumuurutingit: “Inuit Nuatqatigiiknikkut Ukpiriyain unalu Inuit Qaujimajatuqangit—atuliqtitauyuq IQ sikuurviit tamainni nunavunmi, nangariplugit qangaraaluknitat ilihimaniq, nunannga aadlatlu inuit”

Malruuknik Uqauhilgiknut Ilihainiq Uqauhiluangalu Ilihainiqmut: “Piliuqluni ihuarhaqhimayumik tunngavikhaq ilihaidjutikhamut ikayuutikhamullu piliurniq”

Hivituyunik Ilihainiq: “Naunaiqlugu tamaita sikuuqtut tuniyauyut pivikhaqatikhanik ilaugiamikni, ilaliutigiami, angikliyuumiriami ayuirhariamilu”

DEA Havaangit Munariyakhangillu: “Ilaupkaiyuq Nunallaanik—Hakugiktittiqlugit Ilihaivikput”

Hakugiqtiqlugit Uiviititut Uqauhilluanganik Ilihainiq: “Tous ensemble!”

Hakugiktiqlugu Maligaq: “Naunaittuq, kiuttaaqtuq iliurailugillu ayurhautinginnik.”

Tukiliurutingit: Tainiit naittullu atuqtauyut.

Qaritauyakkut aadjikutaliurlugu tamaat Maligaq Tikinnahuaqtanginnik titiqqat hamani

 

Apirhuutit Qanuqtut Ihumagiyarnik  

  • Qanuqtut piliuqniaqqitku sikuurviit piliuqtauyut ukunanit Inuit Qaujimajatuqangit ukunanitlu Inuit Nuatqatigiiknikkut Ukpiriyain? Qanuqtut naunaiqniatku atan’nguyauyut, iliharvikmi havaktut ukuatlu Ilinniaqtuliriyiit Katimayiit Nunallaani uuktuutigiyait Inuit Nuatqatigiiknikkut Ukpiriyain atuliqtipkaiyaillu sikuurvikmi?
  • Ihuaqhilugit tunngavinga malruuknik uqauhilgit ilihainiqmut nunavunmi, piqangitkaluaqluni pingahuuyunik ilikkuuqtut uuktuutinik, ikayuqniaqtaa angiyumik ikikliutigiyaa Inuktut uqayuktunut sikuuqtiitiinik, ikikliyumiqlugit aadlatqiiniq tamainni ilihaivingani ihuarhilugulu ilinniaqtuliriyiitkut pittaarninnga tunigiami sikuuqtittiit havaamut. Angiqqit uuminnga aadlangurninnganut?
  • Kitut angitqiyauyut ayurhautigiyauyut atuqtait DEA-tkut?
  • Angiqqit ikikliyuumirumitku titiqqiqininnga maniliqiniqmullu ayurhautingit DEA-tkut, nauniaqniaqtaa pittaaqtaat havaangit ikayuutautiuyut nunagiyamiknut?
  • Qanuqtut ihumagiviuk himmautingurahuaqtunik? Piqaqqa aadlanik ihumaaluutigiyauyunik ihumagiyat akhuurutauyut?

 

Nipit Tuhaqtipkailugu!

Inuknit qanuqtut ihumagiyanginnik ikayuqniaqtaa Ilinniaqtuliriyiitkut kangirhigiamikni qanuqtut ihumagiyanginnik inuit, timiqutigiyauyut nunallaallu hapkununnga aadlanguqtauyukhat, talvuuna ikayurniaqtuq piliurninnganut maligaq ihivriuqtauniaqtuq niruaqtaulunilu Maligaliuqtiinit Maligaliurvikmi.

 

Naqillutit hamunnga qaritauyakkut qanuqtut ihumagiyamiknik/apirhuutit/uqaqtakhatit ukununnga Ilinniaqtuliriyiitkut inuknut uqaqatigiiktilluta.

Tuyuqlugilluuniit qanuqtut ihumagiyatit ukununnga:

Department of Ilihainiq, Ilihainiq Act Consultation
PO Box 1000 Stn. 900
Iqaluit, NU
X0A 0H0

 

Hunaukmat Pulaarvigiyakhangit Inuknut Uqaqatigiamikni?

  • Tuklianik katimapkainiakhimangmiyut tatqiqhiutingni Niqiliqivik 15 - Apitilirvik2, 2016.

  • Tuklianik naunaiyaidjutikhat aullaqtirhunguyut Niqiliqivik 15, inungnik katimapkaihunguyut hapkunani:

     Arviani Niqiliqivik 16 ublukhiut 6 p.m., talvani (new location to be announced)

     Pangniqtuumi Niqiliqivik 24 ublukhiut 6 p.m., talvani Alookie Ilihakvik

     Ikpiarjungmi Niqiliqivik 30, Inuujaq Ilihakvik

         Kugluktumi Apitilirvia 1 ublukhiut 6 p.m., talvani Jimmy Hikok Ilihakvik

      Niaqunngumi Apitilirvia 2 ublukhiut 6 p.m., talvani Nanook Ilihakvik

  • Umikvikhaq tuninikkut inungnin ihumagiyamiknik una Apitilirvik 2, 2016.

Aadlanik taiguarumaguvit, ihumagilugit: