Havaktingit

You are here

Hanauyaliurhimayut

Nunavut pitquhiqaqtuq qanuriliuqtaanikkun hanattiarnikkunlu. Taimaittun Inuit pitquhiin, unipkaangin avatingalu tunihivaktun atjikutaittumik huliyumanirmik atlangayuniklu huliyaghanik. Inuit atuqhimavaktun hilatimingnin hunanik hanaugaliurhugit qanga taimaa.

Qangannuaq Inuit hanaugaliurniit aullaqtiqhimayun nunguliqtillugit 1940-tin. Inuit nuvirhaghimayun mirhain, titirauyaliurniin, hanauyan, pinniqutiliurhimayun, hanattiarhimayunlu ilihimayauliqtun hilaryuami. Unipkaarniin, qiavraaqniin numirniinlu Nunavutim Inuinnainni ihumagittiariyauyun pitquhiin.

Hanaugaliurniin Nunavutmi atulirhimayun pitquhikkun ilihimanirnik tapkuningalu uplumimiutauyunik hanatjutinik. Una ilihiniq nutaanik utuqqaniklu katipkarhimayuq hulivaktainnik inirnirhani inulgammiinnilu havaghimaplutik alianaqtunik, nutaatqiyauyuniklu hanauganik atlangayuniqaqtunlu Nunavutmun.

Piksasuuliurhimayut Hanauyaliurhimayut Havauhiq

Tamna Piksasuuliuqtauhimayuq Hanauyaliurnikkun Havaktauniq katitirniuyuq 18 hannat ukiungitni havaktauhimaningitni, havaktauhimayun tapkunangatluaq ummiarmiutauyunin hanauyauyinin. Hapkuat hanayauvaktun tautuqtitain amigaittunik Nunavutmiut qanuqtun inuuvaktun atulihaaliqtumi 18 hannatmi.

Hapkuat piksaat piyauhimayun atlakkiikpianguqmata. Tahamani, hanauyaliurniit tautuqtipkaiyun Inuit aannuraangitnik, pitquhiinnik taimainningitniklu, tahamanilutauq, atlangayun Kiunnim umiani anguyaqtiin.

Amigaitqiat hapkuat piksaat pihimayun talvanga Kanadaup Makpiraaqarviani Tutquumavianilu Qabluunaatun atilik Library and Archives of Canada.

Piksanik qunngiaqvik
Piksasuuliuqtauhimayuq Hanauyaliurnikkun Havaktauniq makpiraannuaq (PDF)

Contact Name: 
Edward Atkinson, Aulapkaiyi Pitquhiliqutini
Phone: 
867-934-2044