Havaktingit

You are here

Ihuaqtumik uvani Ilihaqnikkut Nunavunmiunun

Immaktirvia 08, 2017

Nanngariyauyuq Paul Quassa
Ministaat Ilinniaqtuliqiyitkut

Ihuaqtumik uvani Ilihaqnikkut Nunavunmiunun

Uqaqtitiyi, Nangiqtunga hivuniqni uvalu havaqatitka ilauyut ublumi uqagumagama quviahuutimnik uvagut inulgamivut uvalu quyagiblugit havakpiaqtut ilihaiyit uvalu ilihaqnikkut havaktit tamaini nunavunmi.  Ubluq tamaat inulgamivut havaliqtut mighaagun pilutik nakuuqpiaqtumik ilihaqniqmik, uvalu ikayuqtaublutik havakpiaqtunit ilihaiyit havaktiitlu.   Qakugunuaq uvani havainiqmi ilitagiyaqqut uvalu quviahuutigiblugit ilihaqtut Iqalungni, kitut qilamik aulayut munaqhinikkut ilihaqtut uvalu umikniatigut haffuma ilihaqviup uvani ukiumi Igloolikmi uvalu Sanikiluaqmi tautuktut amigaitqianik iniqtiqtunik aktilaangit ilihaqnikkut ingilgaanit.

Uqaqtitiyi, tamaita inuit tahapkua havaktut iliniaqtuliqiyiini tugaaqhimayut nakuunighaghainik ilihaqtut.   Attautimut atuliqtavut ikayuutiluat ikayuqhugit ilihaqtut uvalu aulahimaaqtumik ihuaqhiyuumiqgutighaanik ilihaqnikkut ilihaidjutit uvalu ikayuutit ; uuktuutigilugu quviagiyaqqut havakniit avatqumayumik 300nik Inuktitut taiguanik atugahanik tiguaqnikkut ilihaidjut, pinahuagut havaknighaanik haffuma atugahanik taiguaqnikkut ilihaidjut Inuinnaqtun, uvalu qaiyutlu nutaanguqtiqhimayut Kmin-6mun Inuktitut Uqauhikkuurutitigut  Ilihaidjutit.

Uqaqtitiyi, quyahuktunga uvani nangiqvighamik hivungani maligaliuqviup uvalu ilitagiblugit nakuuyumik ilihaqtut uvalu ihuaqtumik havaktut havaktivut uvalu ilihaiyut tamaini angiyuq nunavut.  Tuhaavaktugut ihuitumik uqaqtunik mighaagun ilihaqviit ilihaidjutainik, uvaluuniin tamaqnikkut uqauhiqqut uvalu pitquhiqqut, kihimi Uqaqtitiyi itqaumayumayatka uvagut nakuunighaitlu.   Piumayunga uvagut nutaqqavut ilihimalutik haakhuni aghut hivuniqmingnun, uvalu piumayunga havaktilut mighaagun piyaangini hinaktuqtavut hapkununga hivunighaanik Nunavunmiun. .  Quyayunga havaqatigilugit aghut havaktut inuit, uvalu ilaulutik quviahuutigilugu nakuuyumik iniqtiqtut ilihaqtut.  Uqaqtitiyi ihumayunga tamapta nigiuktughauyugut ihuaqtumik aituutinik ilihaqtunun piniaqtut nunalaaptingnun hivuniptingni.    Quana, Uqaqtitiyi