Havaktingit

You are here

15 ni uqiuni Tikiutingmagit Trois-Soleils Sikuuqvia

Immaktirvia 05, 2017

Maligaliuqti Paul Quassa
Ministauyuq Ilinniaqtuliriiyitkut

15 ni uqiuni Tikiutingmagit Trois-Soleils Sikuuqvia

Uqaqtittiiyi, nanggiktun’nga ublumi ilitturipkaiyumaplugit havaqatitka taafuminga Trois-Soleils sikuuqvia atuliqhaaqtumi tatkiqhiut quviahuutigivagaat tikiutigamikku 15 ni uqiuni.  

Uqaqtittiiyi, quviahuutigiyaat tikiutigamikkut piyut talvani Qitiqautiyuq 27 mi amigaikhutik nunaqatigiyait.  Taaffunaungginnaunggittuq quviahuutigiyaat sikuuqvia kihimi quviahuutigiyaatlu nakuuqpiaqtumik aullaqtiramikkut Uiviitigut uqauhiat Ilihaqtillutik Nunavunmi.  Uiviitigut ilinniaqnik pidjutauvaktuq nunaptingni 25 ni uqiuni. 

Uqaqtittiiyi, 15 ni uqiuni, Trois-Soleils sikuuqvia atuqtitpagait Uiviitigut uqauhiat ilihaqtillutik ilihaqtunut ilamingnunutlu.  Uiviitigut uqauhia ilihagutait Sikuulihaaqtunut Grade 12 mut piqaqhutik ilauyut talvuuna mikhaatigut 84 nik ilihaqtunik. 

Uqaqtittiiyi, havakviga takuyaat sikuuqviat havakhimmaaqpiaqpakhutik taapkunanut uiviitigut uqauhiat atuqpagainnut.  An’ngayuqqaat ilihaqtut havaktutlu Trois-Soleils Sikuuqviani akhuugutivagaat pitquhianggat uqqagikhutiklu nunaptingni.  Imaalu, amigaittut ilihaqtut ilauvaktut sikuuqvia pittiaqhimaplutiklu huliinnaqhutik nunaptingni.   

Uqaqtittiiyi havaqatitkalu, ilauqatigingnga quviahuutigilugit Trois-Soleils sikuuqvia.

Quana, Uqaqtittiiyi.