Havaktingit

You are here

Huuq ilauyumayut talvani Nunalaani Ilihaqtuliqiyikkutni?

Inuuqatigiitsiarniq … Tunnganarniq … Pijitsirniq … Aajiiqatigiinniq … Pilimmaksarniq/Pijariuqsarniq … Piliriqatigiinniq/Ikajuqtigiinniq … Qanuqtuurniq … Avatittinnik Kamatsiarniq …

 

Hanaqidjutikhaq ikayugiangat Nunalaafingnun 

Niguaqtauguvit nunalaanin, ilauniaqtutin nunalaani katimayiinun angutingnik arnaniklu ilauhimaaqtun ikayugumaplutik talvunga nunalaani ilihaqtuliqiyikkutni.  Talvuuna ilaunikkut katimahimaaqnikkut, Nunalaani Ilihaqtuliqiyikkut katimayiikhatigun, Nunalaani Ilihaqtuliqiyikkut ilauyut havakniaqtun ihuaqtukharnik havaktauyukharnik ikayukhimaaqtilunik hivunikhangit ilihaqviit ilihaqviangit tunihimaaqniaqtunlu nunalaafingnun.

 

Nanminikkut Anginiqharniaqaqtun Pivalliadjutikharniklu  

Nunalaani Ilihaqtuliqiyikkut amigaitunik hanaqidjutikhaqaqniaqtun hivunirmun angikliyumirutikharnik hivulliqtikharnik ayuittiarutikharnik, piqaqlutik ayuittirutikharnik nunalaani uqagianganiklu tuhaqtitihimaagiangatlu.  Talvuuna katimayiitigun ilauhimaaqnikkut ukuat hulilukaarutikhat ikayungniaqtun pivalliadjutikharnik katimayiinun, pangnairutingnik ihuaqhaidjutikharniklu ayuittiarutingniklu.  Ilaudjutikhat tunihimaaqniaqtuq ilauqatigiinikkut ayuittiarutikharnik tautuktitihimaagiangatlu hanaqidjutingnik.

 

Ayuittiarutikharnik Aituihimaaqniaqtuq

Hanaqidjutikharnik havagiangat uplumaanin nunalaani havakhimaaqtuniklu hivulliqtikharnik taima akhuuqnaqtunik ihumaliukhimaaqtukharnik ihumaliuktitiyaangat nunalaani ilihairutikharnik. 

 

 

Ayuittiarutikharnik Ilihimayakhainiklu taima Ihuaqtumik Piqagiangat 

Niguaqtauyumayut piqagiaqangitun hivunikharnik tapkuninga ilinniarutingnik maniliqinikkutlu.  Kihimi, ukuninga ayuittiarutikharnik havagiikhimayangitlu piqagiaqaqtun ilauyaangat Nunalaani Ilihaqtuliqiyikkutni:

  • Ilihimayukhaq ilanganik maniliqidjutingnik atuqtauhimaaqtunik maniliqidjutiit munagidjutiinik
  • Ilihimayukhaq katimatilunik aulayukhainik kavamaliqidjutiit atugakhangitlu
  • Ilihimayukhaq katimayiit ilauyut maliktakhainik
  • Ilihimayukhaq maligarnik, maligaliqidjutingnik malikhautikharniklu atuqtakhaingit talvuuna Nunavut ilihaqviit auladjutitigiyaingit
  • Ayuirumahimaarumayuq ilauhimaaqlunilu naunairutikharnik aulayunut katimayiit atugakhangit aulayutlu malikhautikhangit 

 

Nunalaani Ilihaqtuliqiyikkut Havaktakhaingit 

  • Pangnaiqhimayukhat talvuuna, ilauhimaaqlutiklu, tamainik katimahimaaqtilunik
  • Ilauhimaaqlutik ilauqatigiiklutiklu ayuittiagiikhimayaingit ayungitainiklu
  • Havaklutiklu hiamitiqtukhaungitunik ihuaqtumiklu hivulliqtihimaaqlutik
  • Ihumaliuqlutik taima ihuaqtumik atuqtakhangit tamaita ilihaqtun ilihaqviingitlu
  • Malikhautilugit angigiikhimayut maligangit maniliqidjutiitlu malikhautikhangit
  • Ilitugipkaihimaaqlugit nunalaaniitunik talvuuna ilinniarutingnik hulilukaarutikhangitlu
  • Angmaumayumik ihumaqaqlutik