Havaktingit

You are here

Qilamiurtumik Tingmiyut Aaniarviliaqtunut

Qilanaarut Tingmit qilanaaqhuni tingmidjutit tingmitikkut aullaarutauvaktut nunanganit qanitqiyamut aanniarvingmut munariyauyaangani.

Qilamiurtumik tingmiyut aaniarviliaqtut ihuaqhiyauhimavlutik qilanaarnirumik taamna aaniartuq qanilrumut aaniarviliarnahuaqtunut ikayuqtaugiangani piyumayamingnit.

Una ikayuqtauyumayuq ilaita naamanaarnirumik ubluqhiutigut, atauhirmik alraatigut ikaarnik, upalungairutikhait taamna aaniartut piyumayamingnit aullarnahuarnirumi ( piksauti nalunaitkutaq ihumagiyauyut).

Ilaani ayurnaqhivluni angiqtaugiangani ikayuqtikhamik qilamiurtumik tingmiyut aaniarviliaqtut tingmiaq taamna aaniaqarnirumi upalungairutit qilamiurtumik tingmiyut aaniarviliaqtunut tingmiyunut.

Una qilamiurtumik tingmiyut aaniarviliaqtut munaqtiuyut ihumaliurtauvakhutik qanuq angiqtaugiaqarniqqat ikayuqtikhamut tingmigiangani aaniartunut. Hapkuat ikayuqtut tingmiqataulaitkumik, taamna ikayuqtuq tingmiyaulaaqhuni qakugu tingmiaq atuqtauginnartumik tingminiarniqqat.

 

Qilamiurtumik tingmiyut aaniarviliaqtunut Akikhangit

Tingmidjutigut ukuningat Nunavut aaniaqtailinirnut Parnautikhaq

Angiqtauniruvit, una Nunavut Aaniaqtailinirnut Parnautikhaq ikayulaaqhutik akikhangit qilamiurtumik tingmiyut aaniarviliaqtunut, ikittunik haffumingat $125 ahivaqhimayauyut, utiqhimaittumik, Nunavunmi nunaqaqtumit atiliurnikkut ukuningat Nunavut Aaniaqtailinirnut Parnautikhaq.

Tuniyauniaqtutit nalunaitkutarmik titiraqarvikkut naunaitkutaqartumik qanuq akiliqtuigiangani hamna $125 akikhanganit avatikhautigut tingmidjutikhanut nunallaanut.

Akiliqtauhimaittut Aanniarnirmut Ikayuutit (NIHB) unalu Aanniarvingmiikhaaqtukhat Ikayuutait (EHB) ikayuutauttaaqtut imaa $125, utiryakhimaitumik ungavaqtaaqtuq.

Naqittarlugu uvani naunaittiarianganit haffumingat NIHB.

Naqittarlugu uvani naunaittiarianganit haffumingat EHB.

 

Tingmidjutikhaq Nunavut Aaniaqtailinirnut Parnautikhaqanngittumut

Una Aaniaqtailinirnut Munaqhilirinirnut Pilirivvik aulapkainiaqhutik aaniarviliarnahuartunut inungnut piyumaqarpata qilamiurtumik tingmiyunut aaniarviliarnahuaqtunut munaqhiqarvingnit aaniarviliarnahuaqtunut.

Taapkua Nunavunmi Aanniaqtailinirmut NAUNAITKUTAITTUT inmingnik utiryautiqarlutik akiliqhiyukhat aanniarviliarviannit anittaalirumik aanniarvingmit

Atiliurtauhimaitkuvit haffumingat Nunavut Aaniaqtailinirnut Parnautikhaq uumingaluniit pulaaqhinnartutit Nunavunmut, turaaqtauniaqqutit akiliakhaita tamainnut akiliakhait qilamiurtumik tingmiyut aaniarviliaqtunut tingmidjutikhaa, akiliqtauvakhutik $40,000 qanuq humiitkuvit, hamna humiitkuvit hanianiitkumi aaniarvik humili ihivgiuqtaunikkut pigiaqaqqat.

Taamna tingmidjutit iniqtaarnirumi, hamna Aaniaqtailinirnut Munaqhiliqinirnut Pilirivvingat turaaqhimaniaqtut ilingnut akikhangit qanuq akiliqtuigiangani nalunaitkutaanit haffumingat qilamiurtumik tingmiyut aaniarviliaqtunut.

Aaniaqtailinirnut Munaqhiliqinirnut Pilirivvingat kiutquivlutik niuviqhimalutit tingminahuarnikkut nalliukumaat pulaarnahuarniruvit Nunavunmut. Aaniaqtailinirnut parnautingit Nunavunmi akitturpallaarmata. Upalungaiqhimagiaqaqtutit qilanaarnigut.

 

Hiniktarvitigut Niqihautikhanullu

Hiniktarvikhat niqikhautikhanullu inungnut qilamiurtumut tingmiyut aaniarviliaqtunut ikayuutaunngittut haffumingat Nunavut Aaniaqtailinirnut Parnautikhaq.

Hiniktarvikhat niqikhautikhanullu ikayuqtaunngittut ukunuuna Nunavunmiunut atiliurtautaaqhimayut uvani Nalliukumaaqanngittunut Ikayuutit (NIHB) piliriakhaq, Atuqhimakhaartunut Aaniaqtailinirnut Ikayuutikhat (EHB) piliriakhaq havaktiita nalliukumaat piliriakhat.

Naqittarlugu uvani Nunavunmi Aanniartailinirmut Qanuriliurutikhaq

Naqittarlugu uvani naunaittiarianganit haffumingat Nalliukumaaqanngittumik Aaniaqtailinirnut Ikayuutit (NIHB).

Naqittarlugu uvani naunaittiarianganit haffumingat EHB.

 

Qilamiurtumik tingmiyut aaniarviliaqtunut Ikayuqtit

Ilaani ayurnaqhivaktuq angiqtauyagiikhamik ikayuqtikhamik ikayurnahuaqtukhamut aaniaqhimayumik haffumingat qilamiurtumik tingmiyut aaniarviliaqtukhamut tingmiaq qanurmik aaniarutiqarnirumi qanuq ihuaqhaqhimayumik qilamiurtumik tingmiyut aaniarviliaqtukhamut tingmiarmi.

Una qilamiurtumik tingmiyut aaniarviliaqtukhamut munaqtiuyut ihumaliuqtaugiaqaqaramik qanuq angiqtaugiaqarnirumikluniit ikayuqtinut tingmilaarnirumi aaniartunut. Hapkuat ikayuqtit tingmiqataulaitkumik tadja, taamna ikayuqtit qakugu tingmilaaqhuni tingmiaqarnirumi.

Ikayutit upalungaiqhimayauyukhat aanuraanit, havautinilluniit hunanik atuqtakhainit aaniaqtup piyumayakhait aullaqtinnagu.

 

Nalunaittiariangani

Aaniaqtumut nalunaitkutaa hivayainnarialik munaqhiqarvingmut nunaptingnit.

For general information on medevac services, please contact the Nunavut Health Insurance Programs Office at the following address:

Nunavut Health Insurance Programs Office
Department of Health
Box 889
Rankin Inlet, NU
X0C 0G0

Phone: (867) 645-8001
Fax: (867) 645-8092
Toll Free: (800) 661-0833
Qaritauyakkut