Havaktingit

You are here

Havakviit Kiinauyaliqiyitkunni

Havakviup Katimayiita

Havakviup Katimayiita havaanga ilaliutihimayuq Katimayiingit, Havakvikmikni Kiinauyat Atuqtauninngit, Taanngaliqinirmut Munarininnga Ihivriuqninngalu unalu Nunavunmi Taanngaliqinirmut Katimayiingit. Katimayiingit pipkaitjutigivaktut tamainnik naunaiyainiq tuniqhaininnganut tamaita Kiinauyaliqiyikkut pinahuarutingit maliganginniklu, unalu ikayuqhugu Ministanga  Nunallaani Havakviinni Katimayiit (qablunaatitut naittumik taiyauyuq PAC-mik). Tamna Katimayiingit aivaqatigivaktutlu, munariplutik kiinauyaliqininnganik kaanatap kavamanganut. Havakvikmikni Kiinauyaliqiniqmut ihivriuqniq pipkaitjutigiyaalu havakvingit timiqutigiyauyutlu GN-kunni avaliittumik ihuaqtumiklu naunaiqniq  unalu ihivriuqniqmullu hulilukaarutingit piliurhimayuq iliuraigiami qanuraaluktut piyakhaq ihuarhilugillu GN-kut aulapkaitjutinginnik.

Maliganut, Ihumaliurniqmut Kiinauyaliqinirmullu Katimayiita

Tamna Maliganut, Ihumaliurniqmut Kiinauyaliqinirmullu Katimayiita havaanga ilaliutihimayuq Havakviup Maliganut, Kiinauyaliriniqmut Maliganut, Akiliutiit Katimayiita unalu Havakviup Ikayuutingit. Maliganut uumungalu Ihumaliurniqmut pipkaitjutiyuq Maliganut ikayuutinik Ministamut, havakvinganut kavamatkunnilu timiqutigiyangit. Aivaqatigivaktutlu, munariplutik kiinauyaliqininnganik kaanatap kavamanganut. Akiliutiit Katimayiita pipkaitjutivaktuq ihivriuqniqmik ikayuutikhanik Kiinauyaliqinirmut Katimayiita Katimayiinginnut, munariplugu atauhiqmi ukiumi maniliqinirmut pitjutingit pipkaitjutigiplugulu tutquumavininnganut aulapkaininngit. Havakviup Ikayuutingit pipkaitjutigiyuq havakvikmi kiinauyaliqininnganik, titiqqiqininnganik havatigullu ikayuutinik.

Kiinauyaliqiiniq

Tamna Kiinauyaliqiiniq havaanga ilaliutihimayuq Kiinauyaliqinirmut Pitjutingit Katimayiita, Kiinauyaliqinirmut Naunaiyainiq Munariniqlu, Kiinauyaliqinirmut Aulapkaitjutingit, Akilirhimaniq Ikayuutikhaniklu, Havaktiliriniqmut Havaktughaqhiurniq, Havaktinginnut Pitjutinganik Havaatigullu Naunaiyainiq unalu Avikturhimayumi Aulapkaitjutingit. Kiinauyaliqiiniq pipkaitjutivaktuq kiuttaarniqmik tunngavikhanganik havaangillu ikayuqtut nuutiqhimanirmut titiqqiqinirmut GN-kut maligangit piliurninnganut unalu Katimayiita  GN –kut kiinauyaliqininnganut havaktiliriniqmullu havaangit. Hapkuat havaangit ilaliutiyuq maniliqinir Akiliutiitlu aulapkaitjutingit unalu munariplugitlu havaanginnik aulapkaitjutingit piliurninnganut, havakhanut piliurniq, havaktugharhiuq aulahimmagianganilu, akiliuhiarniq ikayuutikhangillu, havaktut katimayiinikkullu pitjutingit, unalu havakvikmi aaniaqtailinirmut, aaniqtailiniq nakurutjutikhanginniklu. Kiinauyaliqiiniq piliuqpaktuqlu munariplugu qanuritaakhaanik iluani ittullu kiinauyamut naunaitkutinginnik unalu Kavamatkunni Manitigut Naunaitkutingit.