Havaktingit

You are here

Nutaaq Munaqhiliqivikhaq Ilitturiyauyukhaq Angmaqtiqtautaa Nauyaani

mii 13, 2013

TUHAAYAKHAQ

Qilaminuaq Tuhaqtitauyukhaq

Nutaaq Munaqhiliqivikhaq Ilitturiyauyukhaq Angmaqtiqtautaa Nauyaani

NAUYAAT, Nunavut (Qiqaiyarluarvia 13, 2013) – Quviahuutiqarniaqtut naunaiyautaagut ilitturiniagut angmaqtiqtautaa nutaaq Nauyaani Munaqhiliqivikhaq Saalutimi, angmaqtirutikhamut kipihiluni Nan’ngariyauyuq Keith Peterson, Ministauyuq Munahiliqiyitkunnut, Nan’ngariyauyuq Lorne Kusugak, Ministauyuq Nunallaaliqiyit Kavamaliqiyitkunut, MLA John Ningark, Akillirmut, MLA Jeannie Ugyuk, Nattilik unalu Miiyauyuq Hugh Haqpi.

"Taamna nutaaq munaqhiliqivikhaq ihuaqtumik aulavikhanga nunallaamut," uqaqtuq Ministauyuq Keith Peterson. "Nutaaq havakvikhaqqut nakuuhainiaqtuq nunalgit upaktakhaat imaalu ikayuutauluni munaqhinut aanniaqtuliqiyaamingnik nakuutqiyamut aanniaqtailinirmut."

Nutaaq Munaqhiliqivikhaq nutaanik qanuritaakharutiqaqtuq, taamnalu idjuhia atuqtauniaqtuq hivunikhaptingni munaqhiliqivikhanut Nunavunmi. Havagvikhaq ilanga angmaumayuq titiraa qanuridjuhikhaa, havagvikhat, ukualu tallimat malrungnik hinigvilgit nayurvikhaat munaqhit inuuhiliqiyillu.

Hanadjutaa nutaap $23.5 miliat taala munaqhiliqivikhaq hanayauliqtuq 2011-mi. himmautigiyaa utuqqaup munaqhiliqiviup, angmaqtauhimayuq 1093-mi.

###

Tuhaapkaiyit uqarvigiyaaqtuq

Ron Wassink

Tuhaapkaiyi

Munaqhiliqiyitkuni

867-975-5710

rwassink@gov.nu.ca