Havaktingit

You are here

Nunavut nangatjutigiyait pingahuuyut munarhit aituutikhangnik

mii 06, 2013

TUHAAYAKHAQ

Qillaminuaq Tuhaqtitauyukhaq

Nunavut nangatjutigiyait pingahuuyut munarhit aituutikhangnik

IQALUIT, Nunavut (Qiqaiyarluaqvia 6, 2013) – Nunavut ilitariliqtun havaaqhaqnik munarhinik, taimalu Munarhiliqiyikkut aituihimaaliqtun ililtagitjutikhaqnik pingahunut munarhinik talvuuna Nunaqyuangit Munarhinut Havainirmi Qiqaiyarluaqvia 6mi 12mun).

Uvani ukiukmi, Joanne Dignard, munarhinik munaqtiuyuq talvani Ausuittuqmi, aituqtauyuq Ihuagiyautqiangmat Munarhiliqitjutingnik; Candice Waddell, titiqanik naunaitkuhilik ihumaliqiyunut munarhi talvani Kinngaitmi, taima aituqtauyuq Ihuagiyautqiangmat Munarhiliqitjutingnik Hivulliuqtiliqinikkut, taimalu Judith Clarke, nunalaani munarhi talvani Mittimatalikmi, aituqtauyuq Inuuhirmini Akuunigaaluk Iniqtirivakhimayainik.

"Quviahuutigiyatka munarhivut havaktiit taima aanniaqtunik munagihimaaqpakamik Nunavunmiunut, quyagiyatkalu munagittiaqpakami aanniaqtunik, ihumagiluaqhugitlu hivunikhaqniklu havakpakamik," uqallaqtuq Keith Peterson, Ministauyuq Munarhiliqiyikkutni.

Munarhiit nunaqyuaq tamaat ilitagiyauvaktun havaktamingnik munarhiliqinikkut. Nunavunmi, nunaqyuaqput munarhiit hivunganiinginaqtun havakhimaaqhugit munarhiliqinikkut Nunavunmiunut.

Nunaqyuangit Munarhit Havaininga aulahimaaqtun taima Nunaqyuaq tamaat Munarhiliqinikkut Ubluanga (Qiqaiyarluaqvia 12mi), taima ilitangnaqtuq inuuhiangat ublua tapfuminga Florence Nightingale-mik. Aituqtauhimayuq ilitagitjutingnik taima allanguqtigutingnik munarhiliqinikkut ayuittiarutingnik taimalu ihuaqhaitjutikhaqnik munarhiliqitjutingnik 18 hanangit ukiut atuliqtilunik.

Nunavutim munaqhiit nayuqvikviqaqtun tamaini munarhivingnik taima 25nik nunalaangani, ilauyuqlu Nunavutim avaliituq aanniaqvikyuangat - Qikiqtani Aanniaqvikyuaq Iqalungni.

###

Tuhaqtitiliqiyi Hivayaqlugu :

Jacquie Pepper-Journal

Atanguyaq, Tuhaqtitiliqiyikkut

Munarhiliqiyikkut

867-975-5766

jpepper-journal@gov.nu.ca