Havaktingit

You are here

Pinahuarutit/Maniliqtuutit

Pivalliayuliqiyikkut Ingilrayuliqiyitkullu tunivaktut maniliqtuutighanik naliinnun havaktauyughanun inungnun, nanminiqaqtunun, timiqutinun nunallaanunlu ataani hapkunani pinahuarutini:

Nunallaani Pittaalaqitjutiuyughat Apqutit

Una ikayuqpaktait nunallaat ukununga haniraaniittunun piqutinun. Maniliqtuutittaaqtait ukiuq-tamaat kituniluunniit uplughaqaqtunik apqutighanik ingilrayaaghanikluunniit.

Nunallaani Aquinikkut Pitquhikkullu Havagutainni Pinahuarutimi

Pinahuaruti hakugikhaqpaktait nunallaani aulapkaitjutik upalungaiyaqtipkarhugillu aquiyunun, pimmarigharhugillu piangaiyarnikkut pivallialiurutikhanik tuharnaarnaaqtuni havakvikni imaatut huqullaarnikkut, qaritauyakkut qanuriliurutini, titirarnikkut qunngiaqtipkainikkullu.

Nunallaani Iharianaiyaqnikkut Pinahuaruti

Una pinahuaruti amigaiqtiyuummiqtait naamatjutighait haamlatkunni aghuurhaiyaami piangaiyautighanik.

Niqainnaqtaqvikkut

Maniliqtuutit hailihimayut uvuuna Niqainnaqtaqvikmit Pinahuarutimin ikayuqniaqtait havaktauyughat ikayurutit Nunavunmiunnun pipkainikkut niqinik ihariagininginnik imaatut pimmarikhaqnikkut piyaaqtaamikni akitungittunik, nakuuyunik niqainnaqnik. 

Ilikkuuqtukkut Qauyihainikkut Pinahuarutit Inulrammiinnun (I-SPY) Maniliqtuutiniq

Taamna Ilikkuuqtukkut Qauyihainikkut Pinahuarutit Inulrammiinnun (I-SPY)Maniliqtuutiniq hailihimayuq aittuutighanik pivallialiurutighat havaktauyughallu qauyihaqnikkut-tunnganiqaqtunik ilataarutauyut-ilinniarutit pinahuarutit Nunavunmi inulrammiinnun. 

Ukiuqtaqtumi Tingmihiqinikkut Iliharnikkut-ikayuutit

Havakviata Pivalliayuliqiyikkut Ingilrayuliqiyitkullu piqaqtut iliharnikkut-ikayuutighanik aittuutighat inungnun piniarhimayut tingmihiliqinikkut-pitjutiqaqtunik havaakhanik. Ilihaqniit pitjutiqaqtaaqtut tingmitjutiqaqtunun tingmihiqinikkut aulapkaitjutinun munarinirnunluunniit, tingmitikkut hanayuiyuni, ukunanilu tingmihiqiyikkut ayuirharniinnun. Pittaaqtutit kikliqaqtumik $5,000mik ikayuutighaq akilituinikkut tingmihiqinikkut iliharutingnun!

Nunavut Uyaraqhiuqtinun Pinahuarut  

Pitjutiqaqtuq uyaraqhiuqtiit uuktuuqtaatut aittuutimun kikilaqtumik $8,000 atauhirmun ukiumun akiliriami akiliqtauyughanik qinirhiapluni nutaanik uyaraqhiutauvaktunik Nunavunmi. Una manikkut ikayuuti atuqtauvaktuq ukununga havaktauyughani akiliqtauyughani imaakiaq kaasiliinun, niqighanun haniqpaniitilluni, ikayuqtiup akighainnun, uyaqhiuqnikkut tamayaghanun, uyaraqnilu ihivriurutainni akinginnun. 

Nunavut Uyaraqhiuqtunut Ayuiqhautikharnik Maniktaqvik

Tamna hanaqidjutikhangit Nunavut Kavamangit Uyaraqhiuqtunut Ayuiqhautikharnik Maniktaqvik amigaiqyumiqtitiyaangat havaktukharnik Nunavunmiuniituni talvanga uyaraqhiuqtunik aulayutlu hulilukaaktunik.  Tamna Uyaraqhiuqtunut Ayuiqhautikharnik Maniktaqvik tuniniaqtuq kiudjutiminaqtunik tuniyauniaqtun pivalliayaangat, tutqikhaiyaangat aulatitiyaangatlu uyaraqhiutukharnik ayuiqhautikharnik Nunavunmiunun. 

Mikkanun Nanminiriyauyunun Ikayuuti

Una pinahuarutit turaangalluaqtuq tunihinikkut nauliqhimaaliqtunik mikkauyuni nanminiriyauyunik havakvinik, nunallaani timiqutini inungnunlu ikayurutighanik nauyaanginnik. 

Naunaiyaqhimayut Maniliurutauvighat

Una pinahuarut hailihimayuq ikayurutinik nanminiriyauyunun, nunallaani kavamatkunnun, maniliuqniarhimangittunun kuapuriisitkunnun katimayiinnunlu. Ataani umani pinahuarutimi, nanminiqaqtut piyaaqtut tunihitjutimik akiliktuitjutighaq angikliqtiqyuummiqnirmun aullaqtilihaaliqnikkulluunniit akiinnun. Nunallaani kavamatkut, maniliuqniarhimangittunun kuapuriisitkut katimayiinli piyaaqtut manighanik ayuirharnirnun, niuvvaalarhurnirnun ukununalu nunallaani pivallialiuqnirnun. 

Hulitjutit

Havakvik tunivaktuq piangaiyaqnikkut ingilratjutighatigullu hulitjutighanik taapkunungaqpiaq ukunuunaluunniit pingahuunikkut ilauyukkut paannagiigutinin.

Hanauyaqnikkut Mirhuqnikkullu

Havakviata Pivalliayuliqiyikkut Ingilrayuliqiyitkullu maniliqtuutivaktaa una Nunavunmi Hanauyatigut Mirhuqnikkullu Katimayiit (Nunavut Arts and Crafts Association (NACA)). NACA atuqpaktait hapkuat maniliqtuutit aghuurhainikkut naunianik quviaginianiklu Nunavunmiunik hanauyaqtinik, piliurutainniklu hanauyainnik mirhainniklu.

Qaritauyakkuuruti

Pivalliayuliqiyikkut Ingilrayuliqiyitkullu Havakvia tunivaktuq maniliqtuutighanik ukununga Nunavut Qaritauyakkuurutikkut Pivallialiuqnikkut Kuapuriisitkunnun. Kuapuriisitkut pipkaivaktut inungni piqaqnikkut nakuuyunik, akitungittunik piyaarnikkut qaritauyakkuurutinik tamainni Nunavut nunallaanginni.  

Nanminiqarnikkut Pivallialiuqniit

Havakvik tunivaktuq maniliqtuutighanik nanminiqaqtunun ukunuuna mikaitigut nanminiqarnikkut ikayurutighani naunaiyaqhimayunilu maniliurutauvighani pinahuarutimi. Piqaqtuqlu aturutighamik aullaqtiqnikkut nanminiqautighamik Nunavunmi. Havakvik maniliqtuutihimayaa una Nunavunmi Nanminilingnut Ikayuqtiit (Nunavut Business Credit Corporation)). Taamna kuapuriisit tunivaktuq maniliqtuutinik angitqiyanun nanminiriyauyunun pilimaittut naamayughanik atukkiqnikkut manighanik taapkunanga manikkut atukkiqviknin. 

Nunallaani Pivallialiuqniit

Havakvik ikayuqtait pivallialiuqniit nunallaani piangaiyarnikkut ukunuuna maniliqtuutikkut ikayurutinik nunallaanun kavamatkunniingittununlu timiqutinun.

Ataani Naunaiyaqhimayuni Maniliurutauyughani Pinahuarutimi, una Nunavut Piangaiyaqnikkut Tunngavikhat Maniliqtuutighaq turaangayait nunallaani timiqutit havakpaktut pimmarigharhugit pittaaqniit Nunavunmiut ilauyaanginni Nunavutip piangiayaqniani. Taamna Nanminiqarnikkut Pivallialiuqnikkut Maniliqtuuti tunivaktuq manikkut ikayuutinik nunallaani timiqutinun tuniyaanginni nanminighaliurnikkut nanminiqaqtununlu kinguagut ikayurutighanik.

Tamaita Nunavunmi nunallaat piyaaqtut manikkut ikayuutinik havakvikmin havaktiliriamik Nunallaani Piangaiqpallianikkut Havaktimik, aulapkaiyughaq nunallaami piangaiqpallianikkut hivunighamik, atuqtipkailunilu havaktauyughanik naunaiyaqtauhimayut hivunighami. Una ikayruti tuniyauhimayuq uvuuna Nunallaani Iharianaiyaqnikkut pitjutaani uvani Maligaghani Pinahuarutini Paannagiigutini. 

Piksasuuliurutini, Tiivii, Nunaanilu Qanuriliurutini

Havakviata Pivalliayuliqiyikkut Ingilrayuliqiyitkullu maniliqtuutiyaa Nunavunmi Piksasuuliuqtiit Timingat (Nunavut Film Development Corporation). Kuapuriisitkut aghuurhaqpaktaa nunakput pivigiyauyughaq piksaliuqvikhaq tunipluni uuktuqvikhanik Nunavunmiunnun havagiamikni piksasuuliurutini, tiiviini ukunanilu nutaani qanuriliurutini. Tunivaktuq maniliqtuutighanik piksasuiliuqnirnik Inuit uqauhiani. 

Nunavunmit Kinauyaaghaita Naunaitkutit

Havakviata Pivalliayuliqiyikkut Ingilrayuliqiyitkullu tunihivaktut kinauyaaghaita naunaitkutinik Nunavunmiunnun.

Nunavunmi Aghaluuhiqiyaami Laisiit

Havakviata Pivalliayuliqiyikkut Ingilrayuliqiyitkullu tunivaktut aghaluuhiqiyaami laisighanik Nunavunmiunnun nakuyumik iniqhimayut aghaluhiqinikkut uuktuutimiknik. 

Aquinikkut

Havakviata Pivalliayuliqiyikkut Ingilrayuliqiyitkullu ahguurhaqpaktaa nunakput aquivigigikhauyuq. Maniliqtuqpaktaa Nunavunmut Aquivaktuliqiyit. Nunavunmut Aquivaktuliqiyit ikayuqpaiktait aghuurhaivaktaillu ilagiyait. 

Kihittitikkut Qauyiharnikkullu Ilitariyautjutit

Turaangania havakviup Kihittitikkut Qauyiharnikkullu Ilitariyautjutit aghuurharumanikkut pipkaiyumanikkullu ilihaqtunik quviaginikkut havalirianginnilu kihittitikkut, qauyaiharnikkut nutaanguraanginnaqpalliayuktunilu hunani. Ilihaqtun puqtuyuni iliharvigiyauyuni 8, 10, 12milu kangiqhittiarniqatut kihittitikkut ukunanilu/ukunaniluunniit qauyiharnirni aittuqtauttaaqniarungnarhivut kikliqaqtumik $350-mik.