Tunngahugitti Nunavut Gavamangit

Gavamani Aulattitiuyunut Tukimuurutait

Hamna tunngavigiyangit kiuvikha kitkutuinnarnut numiktitinirnut gavamatkut (Maligaliurtiit) hivulliuvlutik ihumaliurtangillu pinahuarlutik. Kitkutuinnaq kivgaqtingit pivalliavlutik ihumaliurtaungmangaat Maligaliurtinit pilimmakhaivlutik havaangit ihumaliurtamingnit Maligaliurvingmi.

Malikhimalugit kaanatam gavamatuqangit, Maligaliurtiit aulattitiulaaqhutik ihumaliurnigut ubluq tamaat katimaqattautingit hulidjutainit. Maligaliurtiit upalungaiyautigivagait maligarliuviup hulidjutingit Maligaliurvingmi, upalungaiyaivaktuni gavamatkut hivulliugakhainit, tukiliuqpakhutik gavamaliqinirnit havaariyakhait kiuvigivakhutik maligautigut maniktautikhainit tamainnut pilirivviingnut. Maligaliurviit Ministangit tikkuaqtauvakhutik Maligaliurvingmi; hamna Hivuliqtiuyuq tiliurpakhuni tamainnut Ministami pilirivviingnu(t). Ministat kivgaqtiuvaktut pilirivvingnut uvani Maliugaliurvingmi qaangiqpakhutik maligaliurtumik ihumagivlugit pilirivvingi(t) piyumakpat.

Ministat kiuyauyarialik Maligaliurvingnut tamainnut pinahuaqhutik pihimayangit atirningit haffumingat pilirivvingit havaktinut.

Ministat Tugliat tikkuartauhimavlutik Hivuliqtimit. Havaqatigiittiaqhimayut Ministanit unipkaaqhutik ubluq tamaat hulidjutigut. Ministap Tuglia ikayuqpakhuni hunakkutuinnarnut, aulattitiunirnut, maligautigut maniktautigut kiuvikhanut Ministanut pinahuaqtukhauvlutik qayangnarnigullu ihumagiyaaqaqhutik, kihiani naamaktumik. Pilirivvik havaktingit hivumuhiuqpakhutik Ministam Tuglinganit, talvangaanit pivlutik pilirivviup Angayuqqaangit Aulattitinirnut Havaktinga.

Kiuyauyariaqaqhutik ilaliutihimayunit haffumingat kitkutuinnarnit, Ministam, Maligaliurvingit, Hivuliqtinit, tuglinganillu kitkutuinnarnit. Haffumingat ilaliutihimayut kiuyauyarialik ihumaliurtauyukhat pinahuaqtunut iluani aulattitinirnut tukiliutainit malikhimalugit huliyakhautikhamik gavamanut.† April 1999mi, Maligaliurtit tiguaqhimavlutik tukiliukhait maligiangani aulattitinirnut kiuvikhainit.