ᓯᕗᓕᖅᑎᒃᓴᑦ ᐃᖅᑲᓇᐃᔭᖅᑎᐅᓪᓚᕆᓛᕐᓂᕐᒧᑦ ᐱᓕᕆᐊᖑᖃᑦᑕᖅᑐᑦ
ᒪᓕᒃᖢᒋᒃ ᑎᑎᕋᖅᓯᒪᔪᑦ ᑎᑎᕋᖅᓯᒪᓂᖓ 23 ᐅᑯᓇᓂ ᓄᓇᕗᒻᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑎ, ᓯᕗᓕᖅᑎᒃᓴᑦ ᐱᕕᖃᖅᑎᑦᑎᖃᑦᑕᖅᐳᑦ ᐱᕕᒃᓴᐅᔪᓐᓇᖅᑐᓂᒃ ᐱᑖᖃᑕᐅᓯᒪᔪᓄᑦ ᐋᖅᑭᒃᓯᔪᓐᓇᖁᓪᓗᒋᑦ ᓯᕗᓕᖅᑎᓄᑦ ᐃᓂᒋᔭᐅᓂᐊᖅᑐᓂᒃ ᓄᓇᕗᑦ ᒐᕙᒪᒃᑯᖏᓐᓂ– ᐅᑯᑎᒎᓇᖅ, ᑐᑭᒧᐊᖅᑎᑦᑎᔨᓄᑦ, ᐊᐅᓚᑦᑎᔨᓄᑦ, ᐱᓕᕆᐊᖑᕙᒃᑐᓄᓪᓗ ᐊᐅᓚᑎᑎᔨᑎᒍᑦ. ᐃᖅᑲᓇᐃᔭᖅᑐᓕᕆᔨᒃᑯᑦ ᐃᑲᔪᖅᑐᐃᓯᒪᕗᑦ ᑲᑎᖦᖢᒋᑦ 14-ᓂᒃ ᐃᖅᑲᓇᐃᔭᖅᑎᐅᓛᕐᓂᕐᒧᑦ ᐃᓂᓂᒃ ᑕᕝᕙᓂ ᐱᓕᕆᐊᖑᖃᑦᑕᖅᑐᒥ. ᖃᐅᔨᑎᑦᑎᓂᕐᒧᑦ, ᐋᖅᑭᒃᓱᐃᓂᕐᒧᑦ ᐃᓕᑉᐸᓪᓕᐊᓂᕐᒧᑦ ᐱᕙᒌᔭᖅᓯᒪᔪᓂᒃ, ᐃᖅᑲᓇᐃᔭᖅᑎᐅᓪᓗᓂ ᐃᓕᑉᐸᓪᓕᐊᓂᕐᒧᑦ, ᑲᒪᒋᔭᖃᕐᓂᕐᒧᑦ ᐃᓕᓐᓂᐊᖅᑐᓂᒃ, ᐱᔭᕇᖅᓯᓂᕐᒧᑦ ᐅᖓᓯᒋᓪᓗᒋᑦ ᐃᓕᓐᓂᐊᕐᓂᕐᒧᑦ ᐱᓕᕆᐊᖑᕙᒃᑐᓂᒃ ᐃᓚᐅᓂᕐᓗ ᐃᓕᓐᓂᐊᕐᕕᐊᕈᓯᕐᓂ ᐊᔪᕈᓐᓃᖅᓴᕐᓂᕆᔭᐅᕙᒃᑐᓂ ᐱᕐᔪᐊᕌᓗᐃᓐᓇᐅᕗᑦ ᐃᓚᒋᔭᐅᓪᓗᑎᒃ ᑕᒪᑐᒪᓂ ᐱᓕᕆᐊᖑᖃᑦᑕᖅᑐᒥ.
ᐃᖅᑲᓇᐃᔭᖅᐸᓪᓕᐊᓪᓗᓂ ᐊᔪᕈᓐᓃᖅᓴᖅᑕᐅᖃᑦᑕᖅᑐᑦ ᒪᓂᓴᐅᑕᐅᖃᑦᑕᖅᐳᑦ ᐊᕐᕌᒍᑕᒫᑦ ᒪᑐᐃᙶᖅᑎᑕᐅᕙᒃᖢᑎᒡᓗ ᑕᒪᒃᑯᓄᖓᑐᐊᖅ ᓄᓇᕗᒻᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥ ᐱᑖᖃᑕᐅᓯᒪᔪᓂᑦ. ᑕᒪᑐᒧᖓ ᐱᓇᔪᒃᑐᑦ ᐱᓯᒪᔭᕆᐊᖃᖅᑐᑦ 5-ᓪᓗᐊᑕᕐᓂᒃ ᐊᕐᕌᒍᓂᒃ ᐃᖅᑲᓇᐃᔭᖅᐸᓪᓕᐊᓯᒪᓂᕐᒥᒃ ᐊᔪᕈᓐᓃᖅᓴᖅᐸᓪᓕᐊᓪᓗᓂ ᐊᔪᙱᓐᓂᖃᕐᓗᑎᒡᓗ ᐊᔪᙱᓐᓂᕆᔭᐅᕙᒃᑐᒥᒃ 12-ᒥᒃ, ᐅᕝᕙᓘᓐᓃᑦ ᑖᒃᑯᓂᖓ ᐊᒧᙱᓐᓂᕆᔭᐅᕙᒃᑐᓂᒃ ᑲᑎᖅᓱᖅᓯᒪᔪᓂᒃ.
ᒫᓐᓇᒃᑯᑦ, ᐃᓂᓴᓂᒃ ᓯᕗᓕᒃᑎᒃᓴ-ᑯᓐᓂ ᐱᑕᖃᙱᓚᖅ ᒪᓂᒪᑎᑕᐅᔪᓂᒃ.
ᑐᓴᖅᑕᖃᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ: ᑎᕙᓂ ᒎᑎᐊ
ᑐᑭᒧᐊᖅᑎᑦᑎᔨ, ᐊᔪᕈᓐᓃᖅᓴᖅᐸᖕᓂᕐᒧᑦ ᐱᕙᓪᓕᐊᕙᖕᓂᕐᒧᓪᓗ
ᐅᖄᓚᐅᑖ: 867-975-6254
ᓱᒃᑲᔪᒃᑯᑦ: 867-975-6245
|
