ᑐᓴᐅᒪᑎᑦᑎᙱᓐᓂᕐᒧᑦ ᑕᑯᔭᐅᔪᒃᓴᑦ
ᓄᓇᕗᑦ ᒐᕙᒪᖓᑦ ᐱᓕᕆᐊᖃᒻᒪᕆᒍᒪᕗᖅ ᓴᐳᔾᔨᓯᒪᔪᒪᓪᓗᑎᒃ ᐃᓄᖕᒧᑦ ᐃᒻᒥᒧᑦ ᑐᓴᐅᒪᑎᑦᑎᙱᓐᓂᕐᒧᑦ. ᑐᓴᖅᑕᐅᔪᒃᓴᑦ ᑲᑎᑕᐅᖃᑦᑕᖅᐳᑦ, ᐊᑐᖅᑕᐅᖃᑦᑕᖅᐳᑦ ᑐᓂᐅᖅᑲᐅᑕᐅᓕᖃᑦᑕᖅᐳᓪᓗ ᒪᓕᒃᑐᖃᖅᖢᓂ ᐊᑐᖅᑕᐅᔭᕆᐊᓕᖕᓂᒃ ᐅᑯᓇᓂ ᐊᑐᕈᓐᓇᕐᓂᕐᒧᑦ ᑐᓴᖅᑕᐅᔪᓐᓇᖅᑐᓂᒃ ᓴᐳᔾᔨᓯᒪᓂᕐᒧᓪᓗ ᑕᒪᐅᖓᕈᓘᔮᕆᐊᖃᙱᑦᑐᓄᑦ ᒪᓕᒐᖅ (ATIPP).
ᑐᓴᖅᑕᐅᔪᒃᓴᑦ ᐱᔭᐅᓯᒪᔪᑦ ᐊᐅᓚᑕᐅᔪᓪᓘᓐᓃᑦ ᓄᓇᕗᑦ ᒐᕙᒪᒃᑯᖏᓐᓄᑦ ᖃᐅᔨᒋᐊᕐᕕᐅᔪᓐᓇᖅᐳᑦ ᒪᓕᒃᑐᖃᖅᖢᓂ ᐊᑐᖅᑕᐅᔭᕆᐊᓕᖕᓂᒃ ᐅᑯᓇᓂ ᐊᑐᕈᓐᓇᕐᓂᕐᒧᑦ ᑐᓴᖅᑕᐅᔪᓐᓇᖅᑐᓂᒃ ᓴᐳᔾᔨᓯᒪᓂᕐᒧᓪᓗ ᑕᒪᐅᖓᕈᓘᔮᕆᐊᖃᙱᑦᑐᓄᑦ ᒪᓕᒐᖅ.
ᓄᓇᕗᑦ ᒐᕙᒪᖓᑦ ᐊᑐᖃᑦᑕᖅᐳᖅ ᖃᕆᓴᐅᔭᒃᑯᑦ ᐊᑐᖅᑕᐅᔪᓐᓇᖅᑐᓂᒃ ᓇᐅᑦᑎᖅᓱᕈᑎᒋᓪᓗᒋᑦ ᖃᕆᑕᐅᔭᒃᑯᑦ ᐊᐅᓪᓚᖅᑎᑕᐅᕙᓪᓕᐊᕙᒃᑐᓂᒃ ᑕᑯᔭᐅᕙᓪᓕᐊᕙᒃᑐᓂᒡᓗ ᓇᓗᓇᐃᖅᓯᕙᒃᖢᑎᒡᓗ ᐱᔪᓐᓇᐅᑎᖃᙱᖦᖢᑎᒃ ᐊᑐᕋᓱᒃᑐᓂᒃ, ᓱᕋᒃᑎᕆᓇᓱᒃᑐᓂᒃ, ᑕᒪᑐᒥᖓ ᖃᕆᓴᐅᔭᒃᑯᑦ ᐊᑐᖅᑕᐅᖃᑦᑕᖅᑐᒥᒃ ᐅᕝᕙᓘᓐᓃᑦ ᑐᓴᒐᒃᓴᓂᒃ ᑐᖅᑯᖅᑕᐅᓯᒪᖃᑦᑕᖅᑐᓂᒃ ᑕᕝᕙᓂ ᖃᕆᓴᐅᔭᒃᑰᕈᓐᓇᐅᑎᓂ. ᐊᑦᑕᑕᖅᑎᑦᑎᓇᓱᖃᑦᑕᙱᑦᑐᒍᑦ IP-ᒧᑦ ᑐᕌᕈᑎᒋᔭᐅᔪᓂᒃ ᖃᕆᑕᐅᔭᒃᑯᓪᓘᓐᓃᑦ ᐳᓛᕆᐊᕐᕕᐅᔪᓐᓇᖅᑐᓄᑦ ᓇᓗᓇᐃᒃᑯᑕᕆᔭᐅᔪᓄᑦ ᑭᒃᑯᑐᐃᓐᓇᓄᑦ ᐊᑐᖃᑦᑕᖅᑐᓄᑦ ᖃᕆᓴᐅᔭᒃᑰᕈᑎᑦᑎᓐᓂᒃ ᑭᓯᐊᓂ ᓱᕋᒃᑎᕆᓇᓱᒃᑐᒥᒃ ᑖᔅᒐᓱᒥᖓ ᐅᐸᒃᑕᐅᔪᓐᓇᖅᑐᒥᒃ ᐅᔾᔨᕈᓱᒃᑐᖃᓕᖅᐸᑦ.
ᑐᓴᖅᑕᐅᔪᒃᓴᐃᑦ ᑭᒃᑯᑐᐃᓐᓇᓄᑦ ᐃᓄᑐᐃᓐᓇᓄᑦ ᐳᓛᕆᐊᖅᐸᒃᑐᓄᑦ ᐊᑐᖅᑕᐅᖃᑦᑕᖅᐳᖅ ᓄᓇᕗᑦ ᒐᕙᒪᒃᑯᖏᑕ ᐃᖅᑲᓇᐃᔭᖅᑎᖏᓐᓄᑦ ᑭᐅᔪᒪᓪᓗᑎᒃ ᐊᐱᖅᑯᑕᐅᓯᒪᔪᓄᑦ ᖃᐅᔨᒪᑦᑎᐊᕈᒪᒧᓪᓗ ᑕᒪᓐᓇ ᐊᑐᖅᑕᐅᖃᑦᑕᖅᑐᖅ ᐸᓚᙵᒃᓴᖅᓯᒪᑦᑎᐊᕋᓗᐊᕐᒪᖔᑦ. ᐊᒥᖅᑳᑐᐃᓐᓇᓕᖅᐸᒃᑐᒍᑦ ᑐᓴᒐᒃᓴᖁᑎᒋᔭᕐᓂᒃ ᒐᕙᒪᒃᑯᓐᓄᑦ ᐱᓕᕆᕝᕕᒋᔭᐅᔪᒧᑦ ᑖᓐᓇ ᖃᕆᓴᐅᔭᒃᑯᑦ ᐊᐱᖅᑯᑎᒋᔭᐃᑦ ᐊᒃᑐᐊᓂᖃᖅᐸᑦ ᑕᐃᔅᓱᒧᖓ ᐱᓕᕆᕝᕕᒋᔭᐅᔪᒧᑦ. ᑕᒪᒃᑯᐊ ᑐᓴᒐᒃᓴᐃᑦ ᐊᑐᖃᑦᑕᙱᑕᕗᑦ ᐋᖅᑭᒃᓯᔾᔪᑎᒋᓪᓗᑎᒍ ᐃᓄᑐᐃᓐᓇᕐᓂᒃ ᖃᓄᐃᑦᑑᓂᖏᓐᓂᒃ ᑕᒪᓐᓇᓗ ᑐᓴᖅᑕᐅᔪᒃᓴᖅ ᓇᒧᕈᓘᔮᖅᑎᑉᐸᒐᑎᒍ ᐊᕕᒃᓯᒪᓂᑦᑕ ᒐᕙᒪᖓᑕ ᓯᓚᑖᓄᑦ.
ᑐᓴᖅᑕᖃᒃᑲᓐᓂᕈᒪᒍᕕᑦ ᐊᑐᕈᓐᓇᕐᓂᕐᒧᑦ ᑕᒪᒃᑯᓂᖓ ᑐᓴᖅᑕᐅᔪᒃᓴᓂᒃ ᑐᓴᐅᒪᑎᑦᑎᙱᓐᓂᕐᒧᓪᓗ ᑕᑯᒋᐊᕐᕕᒋᓗᒍ ATIPP-ᑯᒃ ᖃᕆᓴᐅᔭᒃᑯᑦ ᐅᐸᒃᑕᐅᕝᕕᖓᑦ ᖃᐅᔨᒋᐊᕐᕕᒋᓗᒍᓘᓐᓃᑦ ᐅᓇ:
ᐊᐅᓚᑦᑎᔨ, ᐊᑐᕈᓐᓇᕐᓂᕐᒧᑦ ᑐᓴᖅᑕᐅᔪᒃᓴᓂᒃ ᑐᓴᐅᒪᑎᑦᑎᙱᓐᓂᕐᒧᓪᓗ
ᓄᓇᕗᑦ ᒐᕙᒪᖓᑦ
ᐱᓕᕆᕝᕕᒋᔭᐅᔪᖅ ᓯᕗᓕᖅᑎᓄᑦ ᒐᕙᒪᒥᐅᑕᐅᖃᑎᒌᓄᓪᓗ ᐱᓕᕆᐊᖑᕙᒃᑐᓄᑦ
ᑎᑎᖅᑲᒃᑯᕕᐊ 1000, ᐃᓂᐊ 200
ᐃᖃᓗᐃᑦ, ᓄᓇᕗᑦ X0A 0H0
ᐅᖄᓚᐅᑖ: 867 975-6044
ᓱᒃᑲᔪᒃᑯᑦ: 867 975-6091
ᐃᔾᔪᐊᖅᑕᐅᔪᓐᓇᙱᓐᓂᖓᓄᑦ / ᐊᐱᕆᔾᔪᑕᐅᔪᖅ ᐃᔾᔪᐊᖅᓯᔪᒪᓪᓗᓂ ᑕᑯᔭᐅᔪᒃᓴᒥᒃ
ᑎᑎᕋᖅᓯᒪᔪᑦ ᑕᕝᕙᓂ ᖃᕆᓴᐅᔭᒃᑯᑦ ᐅᐸᒃᑕᐅᔪᓐᓇᖅᑐᒥ ᓴᓇᔭᐅᓚᐅᖅᐳᖅ ᐊᒻᒪᓗ/ᐅᕝᕙᓘᓐᓃᑦ ᑲᑎᑕᐅᓚᐅᖅᐳᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐊᑐᖅᑐᒃᓴᐅᑎᑕᐅᓪᓗᑎᒃ ᐃᖅᑲᓇᐃᔭᖅᑎᓂᑦ ᑎᒃᑯᐊᖅᑕᐅᓯᒪᔪᓂᓪᓗ ᐃᓄᖕᓂᑦ ᓄᓇᕗᑦ ᒐᕙᒪᒃᑯᖏᑕ ᓯᓚᑖᓂ ᐱᓕᕆᕝᕕᒋᔭᐅᔪᓂᑦ ᐊᑐᓯᑲᐅᑎᒋᔪᓐᓇᖅᑐᓂᑦ ᓇᓕᐊᓐᓂᑐᐃᓐᓇᖅ ᑐᓴᖅᑕᐅᔪᒃᓴᓂᒃ ᒪᓂᒪᑎᑕᐅᖃᑦᑕᖅᑐᓂᒃ ᖃᕆᓴᐅᔭᒃᑯᑦ ᐅᐸᒃᑕᐅᔪᓐᓇᖅᑐᓂ.
ᑕᒪᒃᑯᐊ ᑎᑎᕋᖅᓯᒪᔪᑦ ᑕᕝᕙᓂ ᐅᐸᒃᑕᐅᔪᓐᓇᖅᑐᒥ ᒪᓕᒋᐊᖃᕆᕗᑦ ᐊᑐᖅᑕᐅᔭᕆᐊᓕᖕᓂᒃ ᐅᑯᓇᓂ ᐃᔾᔪᐊᖅᑕᐅᔭᕆᐊᖃᙱᓐᓂᖏᓐᓄᑦ ᒪᓕᒐᐃᑦ, ᑲᓇᑕᐅᑉ ᒪᓕᒐᖏᑎᒍᑦ, ᐊᑐᐊᒐᖏᑎᒍᑦ, ᒪᓕᒋᐊᖃᖅᐸᒃᑕᖏᑎᒍᑦ ᓄᓇᕐᔪᐊᓕᒫᒥᓗ ᐊᖏᖃᑎᒌᒍᑕᐅᓯᒪᔪᑎᒍᑦ. ᑕᒪᒃᑯᐊ
ᐊᑐᕆᐊᖃᖅᐸᒃᑐᑦ ᐊᑐᖅᑕᐅᕙᒃᐳᑦ ᓇᓗᓇᐃᖅᓯᔾᔪᑕᐅᓪᓗᑎᒃ ᑐᓴᕐᕕᐅᓚᐅᖅᑐᒥᒃ ᐊᒻᒪᓗ, ᐃᓚᖏᓐᓂ ᖃᓄᐃᓐᓂᕆᔭᐅᔪᓂ, ᐊᔪᖅᑎᑦᑎᔾᔪᑕᐅᕗᑦ ᐃᔾᔪᐊᖅᓯᔪᓐᓇᕐᓂᕐᒥᒃ ᑎᑎᕋᖅᓯᒪᔪᓂᒃ ᐊᖏᖅᑕᐅᔪᖃᓚᐅᙱᑎᓪᓗᒍ ᑎᑎᕋᖅᓯᒪᔪᑎᒍᑦ.
ᑮᓇᐅᔭᓕᐅᕋᓲᑎᒋᓇᓱᙱᓪᓗᒋᑦ ᐅᓄᖅᓯᑎᑦᑎᓂᖅ
ᑐᓴᖅᑕᐅᔪᒃᓴᐃᑦ ᑕᕝᕙᓂ ᖃᕆᓴᐅᔭᒃᑯᑦ ᐅᐸᒃᑕᐅᔪᓐᓇᖅᑐᒥ ᓴᖅᑭᑎᑕᐅᓯᒪᕗᑦ ᐊᑐᖅᑕᐅᓯᑲᐅᑎᒋᔪᓐᓇᖅᑎᑕᐅᖁᓪᓗᒋᑦ ᑮᓇᐅᔾᔭᒃᓴᕋᓱᒍᑎᒋᓇᒋᑦ ᐊᑐᖅᑕᐅᔪᓐᓇᖁᓪᓗᒋᑦ ᐃᖅᑲᓇᐃᔭᖅᑎᓄᑦ ᑎᒃᑯᐊᖅᑕᐅᓯᒪᔪᓄᓪᓗ ᑭᒃᑯᑐᐃᓐᓇᓄᑦ. ᐃᓗᓕᖏᑦ ᐃᓚᓕᐅᔾᔭᐅᓯᒪᔪᑦ ᖃᕆᑕᐅᔭᒃᑯᑦ ᐊᑐᖅᑕᐅᔪᓐᓇᖅᑐᑎᒍᑦ ᐊᒥᖅᑳᕈᑕᐅᔪᓐᓇᖅᐳᑦ ᐊᒻᒪᓗ/ᐅᕝᕙᓘᓐᓃᑦ ᐅᓄᖅᑐᓕᐅᕆᔭᐅᓗᑎᒃ ᒪᓕᒃᑐᖃᖅᖢᓂ ᐊᑐᐊᒐᓂᒃ, ᒪᓕᒃᑕᐅᕙᓪᓕᐊᕙᒃᑐᓂᒃ, ᒪᓕᒋᐊᓕᖕᓂᒡᓗ ᐊᐅᓚᑦᑎᔾᔪᑕᐅᖃᑦᑕᖅᑐᓂᒃ ᓴᒃᑯᑕᐅᓂᖏᓐᓄᑦ ᑕᒪᒃᑯᐊ ᑐᓴᖅᑕᐅᔪᒃᓴᐃᑦ.
ᐃᓚᖏᑦ ᐃᓗᓕᖏᑦ ᐅᔾᔨᖅᓱᑦᑎᐊᕆᐊᖃᕐᕕᐅᔭᕆᐊᖃᑐᐃᓐᓇᕆᐊᓖᑦ ᑕᐃᒪᐃᓐᓂᖏᓐᓄᓪᓗ ᑐᓴᖅᑕᐅᔭᕆᐊᖃᙱᓚᑦ ᑎᒃᑯᐊᖅᑕᐅᓯᒪᙱᑦᑐᓄᑦ ᐃᓚᒋᔭᐅᔪᓄᑦ ᑭᒃᑯᑐᐃᓐᓇᓂ ᐊᓯᖏᓐᓂᓘᓐᓃᑦ ᒐᕙᒪᒃᑯᑦ ᐱᓕᕆᕝᕕᒋᔭᖏᓐᓂ, ᐃᔾᔪᐊᖅᑕᐅᔪᓐᓇᙱᖦᖢᑎᒡᓘᓐᓃᑦ.
ᐊᒥᖅᑳᖅᑐᖃᓕᕌᖓᑦ ᐅᓄᖅᑐᓕᐅᖅᑐᖃᓕᕌᖓᓪᓘᓐᓃᑦ ᑕᕝᕙᙵᑦ ᑐᓴᒐᒃᓴᓂᒃ ᐃᒻᒪᓐᓇ ᐊᐱᕆᕗᒍᑦ:
- ᑕᒪᒃᑯᐊ ᐊᑐᖅᑐᑦ ᐅᔾᔨᖅᓱᑦᑎᐊᕐᓗᑎᒃ ᖃᐅᔨᒪᑦᑎᐊᕈᒪᒧᑦ ᑕᒻᒪᖅᓯᒪᙱᑦᑎᐊᕋᓗᐊᕐᒪᖔᑕ ᑎᑎᕋᖅᓯᒪᔪᑦ ᐅᓄᖅᓯᑎᑕᐅᔪᑦ;
- ᓄᓇᕗᑦ ᒐᕙᒪᒃᑯᖏᑦ ᓇᓗᓇᐃᖅᑕᐅᓗᑎᒃ ᑐᓴᕐᕕᐅᕙᖕᓂᖏᓐᓂᒃ ᑐᑦᑕᕐᑯᐅᓪᓗᑎᒃ; ᐊᒻᒪᓗ
- ᑕᒪᓐᓇ ᐅᓄᖅᓯᑎᑦᑎᓂᖅ ᑭᒡᒐᖅᑐᐃᔾᔪᑕᐅᙱᓪᓗᓂ ᑕᕝᕙᒻᒪᕆᐅᓂᕋᖅᑕᐅᓗᑎᒃ ᑎᑎᕋᖅᓯᒪᔪᑦ ᐅᓄᖅᓯᑎᑕᐅᓂᖏᑦ, ᓴᓇᔭᐅᓚᐅᙱᓐᓂᖏᓐᓄᓪᓗ, ᐱᓕᕆᖃᑎᖃᖅᑐᖃᖅᖢᓂ ᓄᓇᕗᑦ ᒐᕙᒪᒃᑯᖏᓐᓂᒃ ᐅᕝᕙᓘᓐᓃᑦ ᑖᒃᑯᓇᙵᑦ ᐃᑲᔪᖅᑐᖅᑕᐅᓇᓂ
ᑮᓇᐅᔭᓕᐅᕋᓲᑎᒋᓂᐊᕐᓗᒋᑦ ᐅᓄᖅᓯᑎᑦᑎᓂᖅ
ᐃᔾᔪᐊᖅᓯᓂᖅ ᐊᒥᓱᓂᒃ ᐊᔾᔨᖏᓐᓂᒃ ᑕᕝᕙᙵᑦ ᐅᐸᒃᑕᐅᔪᓐᓇᖅᑐᒥᑦ, ᐊᑕᖏᕐᓗᒋᑦ ᐃᓚᐃᓐᓇᒋᓪᓘᓐᓃᑦ, ᐊᑐᖅᑕᐅᓂᐊᕐᓗᑎᒃ ᑮᓇᐅᔭᓕᐅᕋᓲᑎᒋᓂᐊᕐᓗᒋᑦ ᑐᓂᐅᖅᑲᐅᑎᒋᒃᑲᓐᓂᕐᓂᐊᕐᓗᒋᑦ ᐊᔪᖅᑎᑕᐅᕗᖅ ᑭᓯᐊᓂ ᑎᑎᕋᖅᓯᒪᔪᓂᒃ ᐱᔪᓐᓇᖅᑎᑦᑎᔪᖃᖅᐸᑦ ᓄᓇᕗᑦ ᒐᕙᒪᒃᑯᖏᓐᓂᑦ
ᐃᓄᖕᒧᑦ-ᐱᖓᔪᒋᔭᐅᔪᒧᑦ ᐱᖁᑎᑦ
ᐃᓚᖏᑦ ᐱᖁᑏᑦ ᑎᑎᕋᐅᔭᖅᓯᒪᔪᓪᓗ ᓇᓂᔭᐅᔪᓐᓇᖅᑐᑦ ᓄᓇᕗᑦ ᒐᕙᒪᒃᑯᖏᑕ ᐅᐸᒃᑕᐅᔪᓐᓇᖅᑐᖁᑎᖓᓂ ᐊᑐᕆᐊᖃᖃᑦᑕᖅᐳᑦ ᐃᔾᔪᐊᖅᑕᐅᔪᓐᓇᙱᑎᑕᐅᓪᓗᑎᒃ ᐊᓯᖏᓐᓂᑦ ᑲᑐᔾᔨᖃᑎᒌᓂᑦ ᐱᔭᐅᓯᒪᕙᒃᖢᑎᒃ. ᑕᒪᓐᓇ ᓱᓕᓗᐊᙳᐊᖅᖢᓂ ᐃᓂᓄᑦ ᑲᑐᔾᔭᐅᓪᓗᑎᒃ ᐊᐅᓚᑕᐅᔪᓄᑦ ᓄᓇᕗᑦ ᒐᕙᒪᒃᑯᖏᑕ ᐱᓕᕆᕝᕕᒋᔭᖓᓂᑦ ᓯᓚᑖᓃᑦᑐᒥᓪᓗ ᑲᑐᔾᔨᖃᑎᒌᖑᔪᒥᑦ ᐃᓚᒋᔭᐅᓪᓗᓂᓗ ᑕᒪᓐᓇ ᐱᓕᕆᖃᑎᒌᖕᓂᐊᕐᓂᕐᒧᑦ ᐋᖅᑭᒃᓱᖅᑕᐅᓯᒪᔪᒥᑦ. ᑕᐃᒪᐃᑦᑐᖅᑕᖃᕐᓂᖅᐸᑦ, ᐃᓚᒋᑦ ᐊᔪᖅᑎᑕᐅᓃᑦ ᐅᓄᖅᓯᓕᖅᑎᑦᑎᓂᕐᒧᑦ ᐱᖁᑎᓂᒃ ᑎᑎᕋᐅᔭᖅᑕᐅᓯᒪᔪᓂᒡᓘᓐᓃᑦ ᐊᑐᑐᐃᓐᓴᕆᐊᓕᒃ ᐊᐱᕆᔪᖃᕆᐊᖃᑐᐃᓐᓴᕆᐊᖃᖅᖢᓂᓗ ᐱᔪᓐᓇᖅᑎᑕᐅᔪᒪᓗᓂ ᐱᔪᓐᓇᐅᑎᒥᒃ ᑎᒍᒥᐊᖅᑎᐅᔪᒥᑦ ᐅᓄᖅᓯᑎᑦᑎᔪᖃᓚᐅᙱᓐᓂᖓᓂ ᑕᒪᒃᑯᓂᖓ ᐱᖁᑎᓂᒃ.
ᐅᖃᐅᓯᓪᓚᑦᑖᕆᔭᐅᔪᓄᑦ ᑕᑯᔭᐅᔪᒃᓴᖅ
ᓄᓇᕗᑦ ᒐᕙᒪᖓᑦ ᐃᒃᐱᒍᓱᑦᑎᐊᖅᐳᑦ ᐅᖃᐅᓯᓪᓚᑦᑖᕆᔭᐅᔪᓄᑦ ᒪᓕᒐᐃᑦ-ᖑᓂᕋᖅᑕᐅᔪᒥᒃ ᐱᓕᕆᒻᒪᕆᒍᒪᓪᓗᑎᒡᓗ ᑕᒪᕐᒥᑦᑎᐊᖅ ᑐᓴᖅᑕᐅᔪᒃᓴᑦ ᐱᔨᑦᑎᕋᕐᓃᓪᓗ ᑕᕝᕙᓂ ᖃᕆᓴᐅᔭᒃᑯᑦ ᐅᐸᒃᑕᐅᔪᓐᓇᖅᑐᒥ ᒪᓂᒪᑎᑕᐅᒐᓗᐊᕐᒪᖔᑕ ᑕᒪᐃᓐᓄᑦ ᐅᖃᐅᓯᓪᓚᑦᑖᕆᔭᐅᔪᓄᑦ. ᑭᓯᐊᓂ, ᐊᑐᖅᐸᒃᑐᑦ ᐅᔾᔨᕆᔭᖃᕆᐊᖃᖅᐳᑦ ᐃᓚᖏᑦ ᑐᓴᖅᑕᐅᔪᒃᓴᑦ ᓯᓚᑖᓂᙶᖅᑐᑦ ᐊᑐᕆᐊᖃᖅᑎᑕᐅᓯᒪᙱᑦᑐᑦ ᐅᖃᐅᓯᓪᓚᑦᑖᑦ ᒪᓕᒐᖏᓐᓂ ᑐᓂᔭᐅᑐᐃᓐᓇᖅᐳᑦ ᐃᖢᕐᕆᖁᔨᒧᑦ ᒪᓂᒪᑎᑕᐅᑐᐃᓐᓇᖅᖢᑎᒡᓗ ᐅᖃᐅᓯᕐᒧᑦ ᓴᖅᑭᑎᑕᐅᔾᔪᑎᒋᓚᐅᖅᑕᖏᓐᓄᑦ.
ᖃᕆᓴᐅᔭᒃᑯᑦ ᐊᑦᑕᑕᕐᕕᖃᖃᑦᑕᕐᓂᐊᕐᓂᕐᒧᑦ ᑐᓴᖅᑕᐅᔪᒃᓴᑦ
ᐊᑦᑕᑕᒃᑲᓐᓂᕐᓇᖅᑐᑦ ᖃᕆᓴᐅᔭᒃᑯᑦ ᐅᐸᒃᑕᐅᔪᓐᓇᖅᑐᓄᑦ ᐊᐅᓚᑕᐅᙱᓚᑦ ᓄᓇᕗᑦ ᒐᕙᒪᒃᑯᖏᓐᓄᑦ ᑐᓂᔭᐅᓯᒪᓪᓗᑎᒡᓗ ᐊᑲᑲᕆᖁᔨᑐᐃᓐᓴᒧᑦ ᐊᑐᖅᐸᒃᑐᓂᒃ. ᓄᓇᕗᑦ ᒐᕙᒪᒃᑯᖏᑦ ᑲᒪᒋᔭᒃᓴᖃᙱᓚᑦ ᑕᒪᖅᑕᓯᒪᙱᒃᑲᓗᐊᕐᒪᖔᖏᓐᓄᑦ, ᒫᓐᓇᒧᑦ ᐊᖑᒻᒪᑎᓂᖏᓐᓄᑦ ᐊᑐᖅᑕᐅᑎᐊᕈᓐᓇᕐᓂᖏᓐᓄᓪᓗ ᐃᓗᓕᖏᑦ. ᓄᓇᕗᑦ ᒐᕙᒪᒃᑯᖏᑦ ᒪᓂᒪᑎᑦᑎᖃᑦᑕᙱᓚᑦ ᓱᓕᓪᓚᑦᑖᕐᓂᕋᐃᓂᕐᒥᒃ ᑕᒪᒃᑯᓇᓂ ᑲᒪᒋᔭᒃᓴᖃᙱᖦᖢᑎᒡᓗ ᑐᓴᖅᑕᐅᔪᒃᓴᓂᒃ ᓇᓂᔭᐅᔪᓂᒃ ᑕᒪᒃᑯᓇᓂ ᐊᑦᑕᑕᕐᓇᖅᑐᓂ, ᐃᑲᔪᖅᑐᐃᕙᒐᑎᒡᓗ ᑕᒪᒃᑯᓂᖓ ᐊᑦᑕᑕᒃᑲᓐᓂᕐᓇᖅᑐᓂᒃ ᐃᓗᓕᖏᓐᓂᒡᓗ.
ᑕᒪᒃᑯᓂᐊ ᐊᑐᖅᑐᑦ ᐅᔾᔨᕈᓱᒋᐊᖃᖅᐳᑦ ᑕᒪᒃᑯᐊ ᑐᓴᖅᑕᐅᔪᒃᓴᑦ ᒪᓂᒪᑎᑕᐅᔪᑦ ᓄᓇᕗᑦ ᒐᕙᒪᒃᑯᓐᓅᙱᑦᑐᖅ ᐅᐸᒃᑕᐅᔪᓐᓇᖅᑐᓄᑦ ᐊᑐᕆᐊᖃᖃᑦᑕᙱᓚᑦ ᐅᖃᐅᓯᓪᓚᑦᑖᕆᔭᐅᔪᓄᑦ ᒪᓕᒐᐃᑦ -ᖑᓂᕋᖅᑕᐅᔪᒥᒃ ᐊᑦᑕᑕᖅᕕᒋᖃᑦᑕᖅᑕᖓᓄᓪᓗ ᓄᓇᕗᑦ ᒐᕙᒪᒃᑯᖏᑕ, ᒪᓂᒪᑐᐃᓐᓇᕆᐊᖃᖅᐳᑦ ᐅᖃᐅᒥᑐᐊᕐᒥ(ᓂ) ᐊᑐᖅᑕᐅᖃᑦᑕᖅᑐᓂ ᑕᒪᒃᑯᓇᙵᑦ ᐅᐸᒃᑕᐅᔪᓐᓇᖅᑐᓂᑦ ᐅᖃᐅᓯᐅᔪᓂᑦ
|
