ᒪᓕᒐᐃᑦ, ᐊᑐᐊᒐᐃᑦ ᒪᓕᒋᐊᓖᓪᓗ
ᖃᓄᐃᓕᐅᖃᑦᑕᕐᓂᕆᔭᕗᑦ ᐊᑕᖏᖅᖢᑎᒃ ᐅᑯᓂᖓ ᒪᓕᒃᐳᑦ ᑎᑎᕋᖅᓯᒪᓂᖓ 23 ᓄᓇᕗᒻᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᓂ ᐅᑯᓂᖓᓗ ᑭᒃᑯᑐᐃᓐᓇᓄᑦ ᐱᔨᑦᑎᕋᖅᐸᖕᓂᕐᒧᑦ ᒪᓕᒐᖅ, ᒪᓕᒃᑕᐅᕙᒃᑐᑦ-ᖏᓐᓂᒃ, ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖃᓕᒫᒐᖓ, ᐊᐅᓚᑦᑎᓂᕐᒧᑦ ᒪᒃᐱᖅᑐᒐᐃᑦ ᐊᒻᒪᓗ ᑭᑭᑕᐅᓯᒪᔪᑦ ᐃᖅᑲᓇᐃᔭᖅᑏᑦ ᒪᒃᐱᖅᑐᒐᖏᑦ ᐊᒻᒪᓗ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐊᖏᕈᑕᐅᓯᒪᔪᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᐊᒻᒪᓗ ᓄᓇᕗᒻᒥ ᐃᓕᓴᐃᔩᑦ ᑲᑐᔾᔨᖃᑎᒌᖏᑦ.
ᑭᒃᑯᑐᐃᓐᓇᓄᑦ ᐱᔨᑦᑎᕋᕐᓂᕐᒧᑦ ᒪᓕᒐᖅ ᒪᓕᒐᓕᐅᕐᕕᖕᒥ ᐱᔪᓐᓇᕐᓂᕆᔭᐅᕗᖅ ᐊᑐᖅᑕᐅᕙᒃᑐᓄᑦ ᖃᓄᐃᓕᖓᓂᖏᓐᓄᓪᓗ ᐃᖅᑲᓇᐃᔭᖅᑎᐅᓂᕐᒧᑦ ᑖᒃᑯᓇᓂ ᑭᒃᑯᑐᐃᓐᓇᓄᑦ ᐱᔨᑦᑎᕋᕐᓂᕐᒧᑦ. ᑭᒃᑯᑐᐃᓐᓇᓄᑦ ᐱᔨᑦᑎᖃᖅᑎᐅᓪᓗᓂ ᐊᕐᕌᒍᑕᒫᖅᓯᐅᑎ ᐅᓂᒃᑲᐅᓯᖅ ᐱᕙᒌᔭᖅᑕᐅᕙᒃᐳᖅ ᐊᕐᕌᒍᑕᒫᖅᓯᐅᑎᒥᓂᒃ ᑐᙵᕕᖃᖅᖢᑎᒃ ᒪᓕᒃᖢᑎᒃ ᑭᒃᑯᑐᐃᓐᓇᓄᑦ ᐱᔨᑦᑎᕋᕐᓂᕐᒧᑦ ᒪᓕᒐᕐᒥᒃ.
ᐊᓯᖏᑦ ᒪᓕᒐᐃᑦ ᐊᒃᑐᖅᓯᓂᖃᖅᐸᒃᑐᑦ ᐊᐅᓚᓂᕆᔭᑦᑎᓐᓂ ᒪᑯᐊᖑᕗᑦ: ᐊᖏᖅᑎᑦᑎᓇᓱᖕᓂᕐᒧᑦ ᒪᓕᒐᐃᑦ, ᖃᓄᐃᙱᑦᑎᐊᕐᓂᕐᒧᑦ ᖁᐊᖅᓵᕐᓇᖅᑎᑦᑎᑕᐃᓕᒪᓂᕐᒧᓪᓗ ᒪᓕᒐᖅ, ᑲᓇᑕᒥ ᐃᓄᐃᑦ ᐱᔪᓐᓇᐅᑎᖏᓐᓄᑦ ᒪᓕᒐᖅ, ᓄᓇᕗᒻᒥ ᐃᓄᐃᑦ ᐱᔪᓐᓇᐅᑎᖏᓐᓄᑦ ᒪᓕᒐᖅ, ᐃᖅᑲᓇᐃᔭᖅᑏᑦ ᑐᓂᔭᐅᔪᓐᓇᕐᓂᖏᓐᓄᑦ ᒪᓕᒐᖅ ᐅᑯᐊᓗ ᐊᑐᕈᓐᓇᕐᓂᕐᒧᑦ ᑐᓴᖅᑕᐅᔪᓐᓇᖅᑐᓂᒃ ᓴᐳᔾᔨᓯᒪᓂᕐᒧᓪᓗ ᑕᒪᐅᖓᕈᓘᔮᕆᐊᖃᙱᑦᑐᓄᑦ ᒪᓕᒐᖅ.
ᒪᓕᒋᐊᓖᑦ ᓄᑖᙳᕆᐊᖅᑕᐅᕙᒃᐳᑦ ᑲᔪᓯᐊᖏᓐᓇᖅᑐᒥᒃ ᖃᐅᔨᒪᓕᕈᒪᒧᑦ ᐊᓯᔾᔨᖅᓯᒪᔪᑦ ᒐᕙᒪᒃᑯᓪᓗ ᐃᖅᑲᓇᐃᔭᖅᑎᖏᓐᓄᑦ ᐊᖏᕈᑕᐅᓯᒪᔪᑦ, ᒪᓕᒐᐃᑦ, ᒐᕙᒪᒃᑯᓪᓗ ᒪᓕᒋᐊᓕᖏᓐᓂᒃ. ᐃᖅᑲᓇᐃᔭᖅᑐᓕᕆᔨᒃᑯᑦ ᒪᓕᒋᐊᓕᖓ ᑖᒃᑯᐊᓗ ᐊᐅᓚᑦᑎᓂᕐᒧᑦ ᑭᑭᑕᐅᓯᒪᔪᑦ ᐃᖅᑲᓇᐃᔭᖅᑎᑦ ᐅᖃᓕᒫᒐᖓᓗ ᒫᓐᓇ ᕿᒥᕐᕈᔭᐅᕙᓪᓕᐊᔪᑦ.
ᑕᑯᒋᐊᕐᓗᒍ ᑲᑐᔾᔨᖃᑎᒌᓄᑦ ᖃᕆᓴᐅᔭᒃᑯᑦ ᐅᐸᒃᑕᐅᔪᓐᓇᖅᑐᖅ:
ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ
ᓄᓇᕗᒻᒥ ᐃᓕᓴᐃᔩᑦ ᑲᑐᔾᔨᖃᑎᒌᖏᑦ
|
