ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᐊᕐᓂᕐᒧᑦ ᐱᕙᒌᔭᖅᑕᐅᓯᒪᔪᑦ
2020-ᖑᓕᖅᐸᑦ, ᓄᓇᕗᑦ ᐃᓂᐅᔪᒫᖅᐳᖅ ᐃᒪᓐᓇᐅᓗᓂ, ᐃᓄᐃᑦ ᐃᑲᔪᖅᑐᖅᑕᐅᖃᑦᑕᖅᓯᒪᔪᑦ ᐊᔪᕈᓐᓃᖅᓴᓂᕆᖃᑦᑕᖅᑕᒥᓂ ᓯᕗᓕᖅᑎᐅᓂᕐᒥᓗ ᐱᓕᕆᔨᐅᓪᓗᑎᒃ ᒐᕙᒪᒃᑯᓐᓂ ᓄᓇᑦᑎᓐᓂᓗ, ᑭᒡᒐᖅᑐᖅᑕᐅᑦᑎᐊᕐᓗᑎᒡᓗ ᐃᖃᓇᐃᔭᖅᑎᖃᓕᕐᓗᑎᒃ ᑕᒪᐃᓐᓄᓕᒫᖅ ᐱᓕᕆᕝᕕᒋᔭᐅᕙᒃᑐᑎᒍᑦ.
ᖃᔅᓯᑲᓪᓛᓗᐃᑦ ᐊᓂᒍᖅᑎᓐᓇᓱᒋᐊᓖᑦ ᓵᙵᔭᐅᖃᑦᑕᖅᑐᑦ ᓄᓇᕗᒻᒥᐅᓂᒃ ᐊᓯᐅᑐᐃᓐᓇᖅᓯᒪᙱᓚᑦ ᓴᖅᑭᑎᑕᐅᓚᐅᕐᓂᖓᓄᑦ ᑕᒪᓐᓇ ᐊᕕᒃᓯᒪᓂᐅᓂᐊᓕᓵᖅᑐᖅ, ᑭᓯᐊᓂᑦᑕᐅᖅ ᐱᐅᔪᒥᓇᖅᑐᒻᒪᕆᐊᓗᐃᑦ ᓴᖅᑭᑉᐸᓪᓕᐊᖃᑦᑕᖅᓯᒪᒋᕗᑦ. ᐃᓚᖓᑦ ᐱᕐᔪᐊᒻᒪᕆᐊᓗᐃᑦ ᐱᕕᒃᓴᐅᔪᓐᓇᖃᑦᑕᖅᑐᑦ ᓴᖅᑭᓯᒪᕗᖅ ᑎᑎᕋᖅᓯᒪᔪᒥᑦ 23-ᒥ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᓂ. ᑖᓐᓇ ᑎᑎᕋᖅᓯᒪᔪᖅ ᐅᖃᖅᓯᒪᔪᖅ ᑎᑭᑕᐅᔪᒪᔪᖅ ᐃᒪᓐᓇᐅᕗᖅ “ᐊᖏᒡᓕᒋᐊᖅᑎᑦᑎᔪᒪᒧᑦ ᐃᓄᐃᑦ ᐃᓚᐅᓇᔭᕐᓂᖏᓐᓂᒃ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᑦᑎᓂᕐᒧᑦ ᓄᓇᕗᒻᒥᒃ ᓄᓇᑖᕐᓂᕐᒧᑦ ᐃᓂᒋᔭᐅᔪᒥ ᑭᒡᒐᖅᑐᐃᑦᑎᐊᕈᓐᓇᖅᓯᓗᑎᒃ”. ᐃᒃᐱᖕᓇᕐᓂᖅᑕᖃᕐᒪᑦ ᓄᓇᕗᒻᒥ ᐱᓕᕆᔪᓐᓇᕐᓂᑦᑎᓐᓂᒃ ᐊᔾᔨᒋᔭᐅᙱᓪᓗᑎᒡᓗ. ᐋᖅᑭᒃᓱᐃᓂᒃᑯᑦ ᐊᑐᖅᑎᑦᑎᓂᒃᑯᓪᓗ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ ᐸᕐᓇᒃᑕᐅᓯᒪᔪᓂᒃ ᒪᓕᒃᖢᑎᒡᓗ ᐃᓄᐃᑦ ᐃᓅᖃᑎᒌᒃᐸᖕᓂᕐᒧᑦ ᐊᓐᓂᕆᔭᖓᓂᑦ ᐅᕝᕙᓘᓐᓃᑦ ᐃᓄᐃᑦ ᖃᐅᔨᒪᔭᑐᖃᖏᑦ ᑲᔪᓯᐊᔪᓐᓇᖅᑐᒍᑦ ᓯᕗᒻᒧᐊᖅᐸᓪᓕᐊᓂᕐᒥᒃ ᑭᒡᒐᖅᑐᐃᑦᑎᐊᖅᑐᒥᒃ. .
ᐱᒻᒪᕆᐊᓘᕗᖅ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦ ᑭᒡᒐᖅᑐᐃᓗᑎᒃ ᐃᓄᖕᓂᒃ ᐱᔨᑦᑎᕋᕐᕕᒋᖃᑦᑕᖅᑕᒥᓂᒃ. ᑕᒪᓐᓇ ᑲᔪᓯᓂᖃᑦᑎᐊᖑᔪᓐᓇᓛᖑᕗᖅ ᖃᐅᔨᒪᑦᑎᐊᕈᒪᓪᓗᓂ ᑕᒪᓐᓇ ᐱᔨᑦᑎᕋᕐᓂᐅᖃᑦᑕᖅᑐᖅ ᑭᒃᑯᑐᐃᓐᓇᓄᑦ ᑭᐅᖃᑦᑕᕈᓐᓇᑦᑎᐊᕐᒪᖔᑕ ᐃᓕᖅᑯᓯᕆᔭᐅᕙᒃᑐᓄᓪᓗ ᓈᒻᒪᒃᖢᓂ. ᑐᕌᕆᔭᐅᔪᒪᔪᖅ ᓄᓇᕗᑦ ᒐᕙᒪᒃᑯᖏᑕ ᐃᖅᑲᓇᐃᔭᖅᑎᖃᓕᕈᒪᓇᔭᕐᓂᖅ ᐊᕐᕌᒍ 2020 ᑎᑭᓯᒪᓕᖅᐸᑦ.
ᐃᓄᐃᑦ ᓄᓇᕗᒻᒥᐅᑕᐃᑦ ᐊᐱᕆᖃᑦᑕᕐᓂᐊᖅᑐᑦ ᐃᒪᓐᓇ:
ᐸᕐᓇᒍᓯᐅᖅᓯᒪᔪᖃᖅᐹ ᐃᖅᑲᓇᐃᔭᖅᑎᒃᓴᖅᓯᐅᕈᒪᓂᕐᒧᑦ, ᓂᕈᐊᕋᔭᕐᓂᕐᒧᑦ ᐃᖅᑲᓇᐃᔭᖅᑎᑦᑎᕋᔭᕐᓂᕐᒧᓪᓗ ᐃᓄᖕᓂᒃ ᐱᓕᕆᐊᖃᖃᑦᑕᕐᓂᐊᓕᕐᓗᑎᒃ ᓯᕗᓕᖅᑎᐅᓂᕐᒥᒃ ᐊᐅᓚᑦᑎᔨᐅᓂᕐᒧᓪᓗ ᐃᓂᒋᔭᐅᓇᔭᖅᑐᓂᒃ ᑕᒪᒃᑯᓇᓂ ᓄᑖᓂ ᑭᒃᑯᑐᐃᓐᓇᓄᑦ ᐱᔨᑦᑎᕋᕐᓂᐅᕙᑦᑐᓃ?
ᐸᕐᓇᒃᑕᐅᓯᒪᔪᖃᖅᐹ ᐊᖏᒡᓕᒋᐊᖅᑎᑦᑎᒻᒪᕆᒍᒪᓗᓂ ᐅᔾᔨᖅᓇᖅᑐᒻᒪᕆᒃᑯᑦ ᐃᖅᑲᓇᐃᔭᖅᑎᐅᓂᕆᔭᐅᓇᔭᖅᑐᓂ ᐃᓄᖕᓂᒃ ᒐᕙᒪᒃᑯᓐᓃ?
ᐸᕐᓇᒃᑕᐅᓯᒪᔪᖃᖅᐹ ᐱᓕᕆᐊᖃᕈᒪᓂᕐᒥᒃ ᐊᖏᒡᓕᒋᐊᖅᓯᒪᔪᒥᒃ ᐊᔪᕈᓐᓃᖅᓴᕐᓂᐅᖃᑦᑕᕋᔭᖅᑐᓂᒃ ᐱᕙᒌᔭᖅᑎᑦᑎᔪᒪᒧᑦ ᐃᓄᖕᓂᒃ ᑕᒪᒃᑯᓄᖓ ᓄᑖᓄᑦ ᐃᓂᓄᑦ ᐃᓂᑖᕈᓐᓇᖅᓯᕙᓪᓕᐊᑎᑦᑎᔪᒪᓂᕐᒦᒃ?
ᐸᕐᓇᒃᑕᐅᓯᒪᔪᖃᖅᐹ ᖃᐅᔨᒪᑦᑎᐊᕈᒪᒧᑦ ᑕᒪᒃᑯᐊ ᐊᔭᖅᑭᔾᔪᑕᐅᓕᖅᐸᒃᑐᑦ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓂᐊᕐᓗᓂ ᐲᔭᖅᑕᐅᕙᓪᓕᐊᓂᐊᕋᓗᐊᕐᒪᖔᑖ?
ᑭᐅᔾᔪᑕᐅᔪᖅ ᑕᒪᐃᓐᓄᑦ ᑖᒃᑯᓄᖓ ᐊᐱᖅᑯᑎᒃᓴᓄᑦ ᐅᓇᐅᕗᖅ, "ᐄ" ᐊᑎᖃᖅᑎᑕᐅᓪᓗᓂᓗ ᐃᓄᖕᓂᑦ ᐃᖅᑲᓇᐃᔭᖅᑎᑦᑎᓇᔭᕐᓂᕐᒧᑦ ᐸᕐᓇᐅᑕᐅᔪᑦ.
ᒫᓐᓇᒃᑯᑦ ᓄᓇᕗᑦ ᒐᕙᒪᒃᑯᖏᑕ ᐱᓕᕆᕝᕕᒋᔭᓕᒫᖏᑦ ᑐᑦᑕᕐᕕᒋᔭᓕᒫᖏᓪᓗ ᑲᒪᒋᔭᒃᓴᖃᖅᑎᑕᐅᕗᑦ ᐋᖅᑭᒃᓱᐃᕙᓪᓕᐊᓂᕐᒥᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᓇᔭᕐᓂᕐᒧᑦ ᐸᕐᓇᐅᑕᐅᔪᓂ.
ᐱᓕᕆᐊᒃᓴᕆᕙᐅᒃ ᐃᓄᖕᓂᒃ ᐃᖅᑲᓇᐃᔭᖅᑎᑦᑎᔪᒪᓇᔭᕐᓂᕐᒧᑦ ᐱᓕᕆᕝᕕᒋᔭᐅᔫᑉ ᐃᑲᔪᕆᐊᖃᖅᖢᑎᒃ ᑕᒪᐃᓐᓂᒃ ᐊᑐᓂᑦ ᐱᓕᕆᕝᕕᒋᔭᐅᔪᓂ ᑐᑦᑕᕐᕕᒋᔭᐅᔪᓂᓗ ᑕᒪᓐᓇ ᐋᖅᑭᒃᑕᐅᕙᓪᓕᐊᓂᖓᓂ.
ᑎᑎᕋᖅᓯᒪᔪᖅ 23 ᐅᖃᖅᓯᒪᔪᖃᕆᕗᖅᑕᐅᖅ ᑲᔪᓯᐊᖏᓐᓇᖅᑐᒥᒃ ᐃᓗᓕᖃᐅᑦᑎᐊᖅᑐᒥᒃ ᖃᐅᔨᓴᕐᓂᖅᑕᖃᐃᓇᖁᓪᓗᒍ ᑲᔪᓯᑎᑕᐅᖏᓐᓇᕐᓗᓂᓗ ᒪᓂᒪᑎᑕᐅᕙᖕᓂᖏᓐᓄᑦ, ᐱᔪᒪᓂᖃᖅᐸᖕᓂᖏᓐᓄᑦ ᐱᕙᒋᔭᖅᓯᒪᓂᖃᖅᐸᖕᓂᖏᓐᓄᓪᓗ ᐃᓄᐃᑦ ᐃᖅᑲᓇᐃᔭᖅᑎᐅᔪᓐᓇᕐᓂᕐᒧᑦ. ᑕᒪᓐᓇ ᑕᐃᒪᐃᓕᐅᖅᑕᐅᕗᖅ ᐃᑲᔪᕈᑕᐅᓇᓱᒃᖢᓂ ᐋᖅᑭᒃᓯᕙᓪᓕᐊᓂᕐᒧᑦ ᐃᓄᖕᓂᒃ ᐃᖅᑲᓇᐃᔭᖅᑎᖃᖅᐸᖕᓂᕐᒧᑦ ᐸᕐᓇᐅᑕᐅᓯᒪᔪᓂᒃ ᐃᖅᑲᓇᐃᔭᓚᐅᙱᓐᓂᕐᒥᓗ ᐊᔪᕈᓐᓃᖅᓴᕐᓂᕐᒧᑦ ᖃᓄᐃᓕᐅᖅᑕᐅᕙᓪᓕᐊᔪᒪᔪᓄᑦ.
ᐊᑐᖅᑕᐅᓪᓗᓂ ᑭᒡᓕᓯᓂᐊᕐᓂᕐᒧᑦ ᖃᐅᔨᓴᕐᓂᕆᔭᐅᔪᖅ, "ᑭᒡᒐᖅᑐᐃᓂᖅᓴᐅᔪᓄᑦ ᑭᒃᑯᑐᐃᓐᓇᓄᑦ ᐱᔨᑦᑎᕋᕐᓂᕐᒧᑦ", ᓄᓇᕗᑦ ᒐᕙᒪᖓ ᖃᐅᔨᒪᓕᕈᓐᓇᖅᑐᖅ ᐊᑯᓐᓂᕆᔭᐅᔪᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᖃᖅᐸᖕᓂᕐᒧᑦ ᐱᓕᕆᓗᑎᒡᓗ ᐊᑯᓐᓂᖅᑕᖃᕈᓐᓃᖅᑎᓐᓇᓱᒡᓗᒋᑦ
|
