ᑭᖑᓂᑦᑎᓐᓂ ᖃᓄᐃᓕᐅᕐᓂᐅᕙᓚᐅᖅᑐᑦ

ᐅᑯᐊ ᑕᕝᕙ ᑭᖑᓕᕇᓕᖅᐸᓪᓕᐊᓯᒪᔪᑦ ᖃᓄᐃᓕᐅᕐᓂᐅᓚᐅᖅᑐᑦ ᓄᓇᕗᑦ ᓴᖅᑭᑎᑕᐅᕙᓪᓕᐊᓕᖅᑎᓪᓗᒍ:

1973
ᐃᓄᐃᑦ ᑕᐱᕇᓴᒃᑯᑦ ᑲᓇᑕᒥ ᐱᒋᐊᓕᓚᐅᖅᓯᒪᔪᑦ ᖃᐅᔨᓴᕐᓂᕐᒥᒃ ᐃᓄᐃᒃ ᓄᓇᖓᓂᒃ ᐊᑐᕐᓂᕐᒥᒃ ᐃᓂᖃᕐᓂᕐᒥᒡᓗ ᑕᒪᓐᓇᓗ ᑕᑯᑎᑦᑎᕙᓪᓕᐊᓕᓚᐅᖅᖢᓂ ᖃᓄᖅ ᐊᖏᓂᖃᖅᑎᒋᖕᒪᖔᑦ ᐃᓄᐃᑦ ᓄᓇᖃᖅᑳᕐᓂᕐᒧᑦ ᐱᕕᖃᕐᕕᒋᔭᖓᓂ ᐅᑭᐅᖅᑕᖅᑐᒥ. ᑕᒪᓐᓇ ᖃᐅᔨᓴᕐᓂᖅ ᑐᙵᕕᒋᔭᐅᕗᖅ ᓄᓇᒥᒃ ᑐᙵᕕᖃᕐᓂᕐᒥᒃ ᓄᓇᕘᒋᔭᐅᔪᒥᒃ.

1976
ᐃᓄᐃᑦ ᑕᐱᕇᓴᒃᑯᑦ ᑲᓇᑕᒥ ᐅᖃᐅᓯᖃᓚᐅᖅᐳᑦ ᓴᖅᑭᑎᑦᑎᔪᒪᓪᓗᑎᒃ ᓄᓇᕗᒻᒥᒃ ᑕᒪᓐᓇ ᐃᓚᒋᔭᐅᓪᓗᓂᓗ ᐃᓗᓕᖃᐅᑦᑎᐊᖅᑐᒥᒃ ᐊᓂᒍᖅᑎᑦᑎᓂᕐᒥᒃ ᐃᓄᐃᑦ ᓄᓇᑖᕋᔭᕐᓂᖏᓐᓂᒃ ᓄᓇᑦᑎᐊᒥ. ᓄᓇᕗᒻᒥᒃ ᓄᓇᑖᕐᓂᕐᒧᑦ ᐱᓇᔪᒃᑕᐅᔪᖅ ᐅᖃᖅᓯᒪᕗᑦ Beaufort Sea ᐊᒻᒪᓗ Yukon North Slope ᑖᒃᑯᐊᒃ ᐃᓃᒃ ᐊᑐᖅᑕᐅᕙᒃᑐᒃ ᐃᓄᕕᐊᓗᖕᓂᑦ ᐃᓚᓕᐅᔾᔭᐅᖃᑕᐅᓯᒪᖁᓪᓗᒋᑦ ᓄᓇᕗᒻᒧᑦ.

1980
ᐊᕐᕌᒍᑕᒫᖅᓯᐅᑎᒥᓂᒃ ᑲᑎᒪᕐᔪᐊᕐᑎᓪᓗᒋᑦ ᐅᑐᐱᕆᐅᑎᓪᓗᒍ, ᐃᓄᐃᑦ ᑕᐱᕇᓴᒃᑯᓐᓄᑦ ᑲᑎᒪᔭᖅᑐᖅᓯᒪᔪᑦ ᑕᒪᕐᒥᑦᑎᐊᖅ ᐊᓂᒍᖅᑎᑦᑎᓚᐅᖅᑐᑦ ᐱᖁᔨᕗᖔᕈᑎᒥᒃ ᐅᖃᖅᓯᒪᔪᒥᒃ ᓴᖅᑭᑎᑦᑎᔪᒪᓂᕐᒥᒃ ᓄᓇᕘᒥᒃ.

1990
ᑐᙵᕕᒃ ᕕᑐᕇᓴᓐ ᓄᓇᕗᒻᒥ ᑭᒡᒐᖅᑐᐃᔨᓪᓗ ᒐᕙᒪᑐᖃᒃᑯᓐᓂᒃ ᐊᕕᒃᓯᒪᓂᐅᔪᓂᒡᓗ ᐅᑭᐅᖅᑕᖅᑐᒥ ᒐᕙᒪᒋᔭᐅᔪᓂᒃ ᐊᑎᓕᐅᓚᐅᖅᓯᒪᔪᑦ ᓄᓇᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥᒃ ᓯᕗᓪᓕᖅᐹᒥᒃ ᐄᐳᕉᑎᓪᓗᒍ. ᑖᓐᓇ ᐊᖏᖃᑎᒌᒍᑎ ᐃᑲᔪᖅᑐᐃᕗᖅ ᐊᕕᒃᑕᐅᓇᔭᕐᓂᖓᓂᑦ ᓄᓇᑦᑎᐊᖅ ᐱᕕᖃᖅᑎᑦᑎᓪᓗᓂᓗ ᓂᕈᐊᖅᑎᑦᑎᓇᔭᕐᓂᕐᒥᒃ ᑭᒡᓕᒋᔭᐅᓇᔭᖅᑐᓂᒃ.

1992
ᔭᓄᐊᕆᐅᑎᓪᓗᒍ, ᑐᙵᕕᒃ ᕕᑐᕇᓴᓐ ᓄᓇᕗᒻᒥ ᒐᕙᒪᒃᑯᓐᓄᓪᓗ ᐋᔩᖃᑎᒌᒃᑎᖏᑦ ᐊᖏᖃᑎᒌᓕᓚᐅᖅᐳᑦ ᐊᖏᔪᒻᒪᕆᐅᓂᖏᑎᒍᑦ ᐃᓚᖏᓐᓄᑦ ᑭᖑᓪᓕᖅᐹᖅᓯᐅᑎᒥᒃ ᓄᓇᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥᒃ ᓄᓇᕗᒻᒧᑦ. ᑖᓐᓇ ᐊᖏᖃᑎᒌᒍᑎ ᐃᓗᓕᖃᖅᐳᖅ ᐱᓕᕆᒻᒪᕆᒍᒪᓂᕐᒥᒃ ᓴᖅᑭᑎᑦᑎᓂᐊᕐᓗᓂ ᓄᓇᕗᒻᒥᒃ ᒐᕙᒪᐅᓂᐊᖅᑐᒥᒡᓗ, ᑕᒪᓐᓇᓗ ᐃᓚᖃᖅᖢᓂ ᑭᒡᓕᒋᔭᐅᓂᐊᖅᑐᒧᑦ ᓂᕈᐊᖅᑎᑦᑎᓂᕐᒥᒃ ᐃᓱᓕᑎᑦᑎᓂᕐᒥᒡᓗ ᓄᓇᕗᒻᒥ ᑲᑎᒪᔨᐅᓂᕐᒧᑦ ᐊᖏᖃᑎᒌᒍᑕᐅᓯᒪᔪᒥᒃ. ᑖᓐᓇ ᐊᖏᖃᑎᒌᖕᓂᑦ ᐃᓗᓕᖃᕋᔭᖅᑐᖅ ᖃᖓᒃᑰᓇᔭᕐᓂᖓᓂᒃ ᖃᓄᐃᓕᐅᖅᑐᖃᖅᐸᓪᓕᐊᓇᔭᕐᓂᖓᓂᒡᓗ ᓴᖅᑭᑎᑦᑎᓂᐊᕐᓗᓂ ᓄᓇᕗᒻᒥᒃ.

ᐊᒥᓲᓂᖅᓴᐅᓂᕆᔭᖏᑦ ᓂᕈᐊᖅᑏᑦ ᓄᓇᑦᑎᐊᒥ ᓄᓇᕗᒻᒥᓗ ᐊᖏᓚᐅᖅᑐᑦ ᐋᖅᑭᒃᑕᐅᔪᒪᔪᒥᒃ ᑭᒡᓕᐅᓂᐊᖅᑐᒥᒃ ᐊᕕᒡᕕᐅᓂᐊᖅᑐᒥᒃ ᒪᐃᖑᑎᓪᓗᒍ ᓂᕈᐊᕐᓂᕆᔭᐅᓪᓗᓂ .

ᐅᑐᐱᕆᐅᑎᓪᓗᒍ, ᑐᙵᕕᒃ ᕕᑐᕇᓴᓐᑯᑦ ᒐᕙᒪᒃᑯᓐᓄᓪᓗ ᑭᒡᒐᖅᑐᐃᔩᑦ ᐊᑎᓕᐅᓚᐅᖅᓯᒪᔪᑦ ᓄᓇᕗᒻᒥ ᑲᑎᒪᔨᐅᓂᕐᒧᑦ ᐊᖏᖃᑎᒌᒍᑎᒥᒃ, ᑕᒪᓐᓇᓗ ᐋᖅᑭᒃᓱᐃᔾᔪᑕᐅᓪᓗᓂ ᓴᖅᑭᑎᑦᑎᓂᕐᒥᒃ ᓄᓇᕗᒻᒥᒃ ᐱᒋᐊᕐᓗᓂ ᐄᐳᕈ 1, 1999- ᒥ .

ᓄᕕᐱᕆ 1992-ᖑᑎᓪᓗᒍ , ᓄᓇᕘᓕᒫᒥᒃ ᓂᕈᐊᕐᓂᐅᔪᒥ , ᐃᓄᐃᑦ ᓄᓇᕗᒻᒥᐅᑕᐃᑦ ᑕᕝᕙᒻᒪᕆᐅᓕᖅᑎᑦᑎᓚᐅᖅᐳᑦ ᐆᒥᖓ, ᓄᓇᕗᒻᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑎ.

1993
ᓄᓇᕗᒻᒧᑦ ᐊᖏᖃᑎᒌᒍᑎ ᐊᑎᓕᐅᖅᑕᐅᓚᐅᖅᐳᖅ ᒪᐃᒥ. ᔫᓂᐅᓕᖅᑎᓪᓗᒍ ᓄᓇᕗᒻᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑕᐅᔪᒧᑦ ᒪᓕᒐᖅ ᓄᓇᕗᒻᒧᓪᓗ ᒪᓕᒐᖅ ᐊᑐᓕᖅᑎᑕᐅᓚᐅᖅᐳᒃ ᒪᓕᒐᓕᐅᕐᕕᒡᔪᐊᒥ ᐊᓂᒍᖅᑎᑕᐅᖏᓪᓗᑎᒡᓗ ᑯᐃᓐᒥᑦ ᐊᖏᖅᑕᐅᓪᓗᑎᒃ.

1995 ᐊᒻᒪᓗ 1996
ᑐᒦᑦ ᐊᐱᓵᖅᑐᒃᑯᑦ ᐊᒻᒪᓗ ᑐᒦᑦ II, ᑎᑎᖅᑲᙳᖅᑎᑕᐅᔪᒃ ᓄᓇᕗᒻᒥᒃ ᐊᑐᓕᖅᑎᑦᑎᓂᕐᒧᑦ ᑲᒥᓴᒋᔭᐅᔪᓂᑦ, ᐃᒪᓐᓇᐅᖁᔨᓚᐅᖅᐳᑦ ᑕᒪᒃᑯᐊ ᑐᑦᑕᕐᕕᒋᔭᐅᔪᓂ ᐊᕕᒃᓯᒪᓂᐅᔪᓂᓗ ᐊᐅᓚᑕᐅᕙᒃᑐᑦ ᓄᓇᕗᑦ ᒐᕙᒪᒃᑯᖏᓐᓂ ᓯᐊᒻᒪᒃᑎᖅᑕᐅᓗᑎᒃ ᓄᓇᓕᖕᓄᑦ. ᑐᒦᑦ II ᐊᑐᖅᑕᐅᕗᑦ ᐱᒋᐊᕐᕕᐅᓪᓗᑎᒃ ᑐᙵᕕᒋᔭᐅᓂᐊᖅᑐᒧᑦ ᓄᓇᕗᑦ ᒐᕙᒪᒃᑯᖏᑕ.

1997
ᑎᑎᕋᕐᕕᒋᓂᐊᖅᑕᖓ ᑲᒥᓯᓇᐅᓚᐅᑲᒃᑑᑉ ᐋᖅᑭᒃᑕᐅᓚᐅᖅᐳᖅ ᐃᑲᔪᖁᔭᐅᓪᓗᓂ ᐋᖅᑭᒃᓱᐃᕙᓪᓕᐊᓂᕐᒧᑦ ᓴᖅᑭᑎᑦᑎᕙᓪᓕᐊᓇᔭᕐᓂᕐᒧᑦ ᓄᓇᕗᒻᒥᒃ. ᑲᒪᒋᔭᒃᓴᖃᖅᑎᑕᐅᕗᖅ ᐋᖅᑭᒃᓯᓂᕐᒥᒃ ᐊᐅᓚᔪᓐᓇᖅᑐᒥᒃ ᒐᕙᒪᒥᒃ ᐃᖏᕐᕋᓯᒋᐊᕈᓐᓇᕐᓗᓂ ᑲᔪᓯᓂᖃᑦᑎᐊᕐᓗᓂᓗ ᐄᐳᕈ 1, 1999-ᒥ.

1998
ᐊᓯᔾᔨᕆᐊᖅᑕᐅᔪᑦ ᓄᓇᕗᒻᒧᑦ ᒪᓕᒐᕐᓄᑦ ᐊᓂᒍᖅᑎᑕᐅᓚᐅᖅᐳᑦ ᒪᓕᒐᓕᐅᕐᕕᒡᔪᐊᒥ ᐊᖏᖅᑕᐅᓪᓗᑎᒡᓗ ᑯᐃᓐ-ᒧᑦ.

1999
ᓄᓇᕗᒻᒧᑦ ᐊᕕᒃᓯᒪᓂᕆᔭᐅᔪᖅ ᒐᕙᒪᒃᑯᓪᓗ ᓴᖅᑭᔮᓕᓚᐅᖅᓯᒪᔪᒃ ᐱᒋᐊᖅᖢᑎᒃ ᐄᐳᕈ 1, 1999-ᒥ

• 
• 
• 
• 
• 
• 
• 
• ᑕᒪᐅᙵᐅᓂᖅ
• ᒥᕐᙳᐃᖅᓯᕐᕖᑦ
• ᐳᓚᕋᖅᑐᓕᕆᓂᕐᒧᑦ
• ᓄᒃᑕᕐᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᖁᐊᖅᓵᕐᓇᖅᑕᐃᓕᒪᓂᕐᒧᓪᓗ
• ᐃᒥᐊᓗᖕᒧᑦ, ᑕᕝᕚᑭᒧᑦ, ᐋᖔᔮᕐᓇᖅᑐᓄᓪᓗ ᐊᔪᕐᓇᖅᑎᑦᑎᕙᖕᓃᑦ
• ᑭᖑᓂᑦᑎᓐᓂ ᓯᓚᒋᔭᐅᕙᓚᐅᖅᑐᖅ
• ᐅᓪᓗᒥ ᓯᓚᒋᔭᐅᓕᖅᑐᖅ
• ᐊᔾᔨᙳᐊᑦ
• 
• ᑭᖑᓂᕐᒥ ᖃᓄᐃᓕᐅᖅᑕᐅᕙᓚᐅᖅᑐᑦ
• ᐃᓕᖅᑯᓯᓕᕆᓂᕐᒧᑦ ᑭᐱᙳᐃᔭᖅᑎᑦᑎᓂᕐᒧᓪᓗ
• ᓄᓇᓖᑦ ᖃᓄᐃᓕᖓᓂᖏᑦ
• ᓇᓗᓇᐃᒃᑯᑕᓕᕆᓂᕐᒧᑦ ᓄᓇᕗᒻᒧᑦ
• ᐋᖅᑭᒃᓱᐃᕙᓪᓕᐊᓂᖅ ᓴᙱᓂᕆᔭᑦᑎᓐᓂᒃ: ᓄᓇᓕᖕᓂ ᐃᓕᐅᖅᑲᖅᑕᐅᓯᒪᔪᓄᑦ
• ᓄᓇᕗᑦ
• ᐊᑕᐅᓯᑦᑕᐃᓐᓇᒃᑰᖅᖢᑎᒃ ᒐᕙᒪᐃᑦ
• ᑮᓇᐅᔾᔭᒃᓴᕐᓂᐅᕙᒃᑐᖅ
• ᓄᑖᑦ ᐊᑐᖅᑕᐅᔪᓐᓇᖅᑐᑦ ᓄᑖᒧᑦ ᓄᓇᒋᔭᐅᓕᖅᑐᒧᑦ
• ᐃᖅᑲᓇᐃᔭᖅᑐᓕᕆᔨᒃᑯᑦ
• ᓄᓇᕗᒻᒥᒃ ᓄᓇᑖᕐᓂᕐᒧᑦ ᐊᖏᖃᑎᒌᒍᑎ
• ᑲᑎᒪᔨᐅᓂᕐᒧᑦ ᐋᖅᑭᒃᓱᖅᓯᒪᓂᖓ
• ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᔭᖏᑦ
• ᐱᓇᓱᐊᖅᑕᕗᑦ ᖃᓄᐃᓕᐅᕆᐊᖃᖅᑎᑕᐅᓯᒪᓂᖏᑦ