Employés

You are here

ᕿᓚᐅᑦ

ᕿᓚᐅᑦ2014| ᕿᓚᐅᑦ 2015 | ᕿᓚᐅᑦ 2016 | ᕿᓚᐅᑦ 2017

ᕿᓚᐅᑦ

ᕿᓚᐅᑦ ᓄᓇᕘᑉ ᐊᕐᕌᒍᑕᒫᑦ ᐃᓄᒃᑐᑦ ᐃᖏᐅᓯᐅᕈᑕᐅᔪᓂᒃ ᓵᓚᒃᓴᖅᑎᑦᑎᓇᓱᒃᑎᑦᑎᕙᒃᑐᑦ. ᐱᔾᔪᑎᒋᔭᖓ ᓵᓚᒃᓴᖅᑎᑦᑎᓇᓱᖕᓂᐅᕙᒃᑑᑉ ᖁᕕᐊᓲᑎᖃᕈᒪᓪᓗᑎᒃ ᐃᓄᒃᑐᑦ ᐅᖃᐅᓯᐊᓐᓄᑦᑎᓐᓂᒃ ᓂᔾᔭᐅᓯᔭᕐᓂᒃᑯᑦ ᑕᑯᒃᓴᐅᑎᑦᑎᓪᓗᑎᒃ ᐊᒻᒪᓗ ᐱᔪᒥᒍᓱᓕᖅᑎᑦᑎᕙᓪᓕᐊᓂᕐᒧᑦ ᓴᖅᑭᑦᑎᔪᓐᓇᖅᑐᓂᒃ ᓂᔭᐅᓯᔭᕐᓂᒃᑯᑦ ᐃᓄᒃᑐᑦ. ᑖᓐᓇ ᓄᓇᕘᒥ ᒐᕙᒪᒃᑯᑦ ᐱᓕᕆᐊᖓᑦ ᐊᑐᖅᑕᐅᓇᓱᐊᖅᑐᖅ ᓴᙱᒃᑎᕆᓇᓱᖕᓂᕐᒧᑦ ᐊᑐᖅᑕᐅᓂᖓᓄᑦ ᐃᓄᒃᑑᕐᓂᖅ ᑕᒪᐃᓂ ᐃᓅᓯᑦᑎᓐᓂ (ᑐᑭᒧᐊᒍᑕᐅᓪᓗᓂ ᐃᓄᐃᑦ ᐅᖃᐅᓯᖏᓐᓂᒃ ᓴᐳᔾᔨᓯᒪᔭᕆᐊᖃᕐᓂᕐᒧᑦ ᐱᖁᔭᒃᑯᑦ). ᖃᐅᔨᒪᖃᑎᖃᐅᕈᑎᒋᓗᒋᑦ ᐃᖏᐅᑎᑎᑦ, ᐃᑲᔪᕋᔭᖅᐳᑎᑦ ᐃᓄᐃᑦ ᐅᖃᐅᓯᖏᓐᓄᑦ ᐊᒻᒪᓗ ᐃᓕᖅᑯᓯᕐᓄᑦ! 

ᐊᕐᕌᒍᑕᒫᑦ, ᓄᓇᕗᒻᒥᐅᑦ ᑐᙵᓴᖅᑕᐅᕙᒃᐳᑦ ᑐᓂᓯᖃᑦᑕᕈᓐᓇᖅᑐᑦ ᐃᓄᒃᑐᑦ ᐃᖏᐅᓯᐊᕆᓯᒪᔭᒥᖕᓂᒃ ᓵᓚᒃᓴᐅᑎᒋᓇᓱᒡᓗᒋᑦ. ᖁᓖᑦ ᓵᓚᒃᓴᕋᔭᖅᑐᑦ ᓂᕈᐊᖅᑕᐅᔪᑦ ᑮᓇᐅᔭᓂᒃ ᓵᓚᒃᓴᐅᓯᐊᕐᓗᑎᒃ ᐊᒻᒪᓗ ᐃᖏᐅᓯᐊᖏᑦ ᓂᐱᓕᐅᖅᑕᐅᕕᒃᑯᑦ ᓂᐱᓕᐅᖅᑕᐅᓇᔭᖅᑐᑦ ᓴᖅᑭᑕᐅᓗᑎᒡᓗ. ᕿᓪᓕᖅᑐᒧᐊᖅᑕᐅᓗᑎᒃ ᓵᓚᒃᓴᖅᑐᑦ ᐃᖏᐅᓯᐊᕆᓯᒪᔭᖏᑦ ᓴᖅᑭᑕᐅᓇᔭᖅᑐᑦ ᐊᕐᕌᒍᑕᒫᑦ ᐅᖃᐅᓯᕐᒧᑦ ᖁᕕᐊᓲᑎᖃᕐᓇᐅᑎᓪᓗᒍ.

ᑐᒃᓯᒋᐊᒃᑲᓐᓂᕈᒪᓗᓂ ᕿᓚᐅᑦ ᒥᒃᓵᓄᑦ ᐅᕝᕙᓘᓐᓃᑦ ᐱᔪᒪᓗᓂ ᕿᓪᓕᖅᑕᓂᒃ, ᐅᖃᕐᕕᒋᔪᓐᓇᖅᑐᖅ ᑑᑲᓯ ᐴᒃ ᐅᕙᓂ 867-975-5528 ᐅᕝᕙᓘᓐᓃᑦ tburke@gov.nu.ca.