 |
|
English | Inuinnaqtun | Français
ᑲᒥᓯᓇᒋᔭᐅᓚᐅᖅᓯᒪᔪᑦ ᓄᓇᕗᒻᒥᐅᓄᑦ
ᕼᐊᓚᓐ ᒪᒪᔭᐅᖅ ᒪᒃᕼᐋᒐᖅᑲᒥᓯᓇᒋᔭᐅᓚᐅᖅᓯᒪᔪᑦ ᓄᓇᕗᒻᒥᐅᓄᑦ1999-ᒥᑦ 2000-ᒧᑦ ᕼᐊᓚᓐ ᒪᒃᕼᐋᒐᖅ ᓯᕗᓪᓕᖅᐹᑦᑎᐊᖑᓪᓗᓂ ᑲᒥᓯᓇᙳᖅᑎᑕᐅᓚᐅᖅᓯᒪᔪᖅ ᓄᓇᕗᒻᒥᐅᓄᑦ ᒫᔾᔨ 31, 1999-ᖑᑎᓪᓗᒍ ᑲᒥᓯᓇᐅᓪᓗᓂᓗ ᒫᔾᔨ 31, 2000-ᖑᕋᓱᖕᓂᖓᓂ. ᓯᕗᓂᐊᒍᓪᓗ, 1992-ᒥᑦ 1999-ᖑᕋᓱᖕᓂᖓᓄᑦ, ᑲᒥᓯᓇᐅᑉ ᑐᒡᓕᕆᓚᐅᖅᓯᒪᔭᖓᑦ ᑲᒥᓯᓇᒋᔭᐅᓚᐅᖅᖢᓂᓗ ᓄᓇᑦᑎᐊᒥᐅᓄᑦ. ᕼᐊᓚᓐ ᓯᕗᓪᓕᖅᐹᖑᓪᓗᓂ ᐊᕐᓇᐅᓪᓗᓂ ᓯᕗᓪᓕᖅᐹᖑᓪᓗᓂ ᐃᓅᓪᓗᓂ ᑖᒃᑯᖕᓂᖓ ᐃᓂᓂᒃ ᐃᓂᖃᓚᐅᖅᓯᒪᔪᖅ. ᐃᓄᑐᐃᓐᓇᐅᓕᕌᖓᒥᓕ ᕼᐊᓚᓐ ᐱᓕᕆᔪᒻᒪᕆᐅᖃᑦᑕᖅᓯᒪᔪᖅ ᓄᓇᓕᖕᓂ. ᐱᓕᕆᐊᕆᔭᖓ ᑕᐅᑐᒐᖃᓪᓗᐊᑕᓚᐅᖅᑐᖅ ᐱᐅᓯᒋᐊᖅᑎᑦᑎᔪᒪᓂᕐᒥᑦ ᐃᑲᔪᖅᑐᐃᕙᖕᓂᕆᔭᐅᔪᓂᒃ ᐃᓚᒌᓄᑦ ᐊᕙᑎᑦᑎᓐᓄᓪᓗ ᐃᓱᒪᒋᔭᒃᓴᐅᕙᒃᑐᓄᑦ ᐅᑭᐅᖅᑕᖅᑐᒥ.
ᐲᑕ ᑕᖅᑐ ᐃᕐᓂᖅᑲᒥᓯᓇᒋᔭᐅᓚᐅᖅᓯᒪᔪᑦ ᓄᓇᕗᒻᒥᐅᓄᑦ2000-ᒥᑦ 2005-ᒧᑦ ᐲᑕ ᑕᖅᑐ ᐃᕐᓂᖅ ᐊᐃᑉᐸᕆᓪᓗᓂᐅᒃ ᑲᒥᓯᓇᐅᓚᐅᖅᓯᒪᔪᖅ ᓄᓇᕗᒻᒥᐅᓄᑦ ᐄᐳᕈ 1, 2000-ᒥᑦ ᒫᔾᔨ 31, 2005-ᖑᕋᓱᖕᓂᖓᓄᑦ. ᑲᒥᓯᓇᙳᓚᐅᖅᑳᕋᓂ, ᐲᑕ ᒥᓂᔅᑕᐅᑉ ᑐᒡᓕᕆᓚᐅᖅᓯᒪᔭᖓ ᓄᓇᕗᒻᒥ ᐃᓕᖅᑯᓯᓕᕆᔨᒃᑯᓐᓄᑦ 1998-ᒥᑦ 1999-ᒧᑦ. ᐃᖅᑲᓇᐃᔭᖃᑦᑕᕐᓂᓕᒫᒥᓂ ᐲᑕ ᑕᐅᑐᒐᖃᓪᓗᐊᑕᖃᖃᑦᑕᖅᓯᒪᕗᖅ ᓯᕗᒻᒧᐊᖅᐸᓪᓕᐊᑎᑦᑎᔪᒪᓪᓗᓂ ᐃᓄᐃᑦ ᐃᓕᖅᑯᓯᑐᖃᖏᓐᓂᒃ, ᐅᖃᐅᓯᖏᓐᓂᒃ, ᑎᓕᐅᖅᐸᒃᖢᒋᓪᓗ ᐃᓄᐃᑦ ᐃᓚᐅᖃᑦᑕᖁᓪᓗᒋᑦ ᖁᑦᑎᒃᑐᒦᓐᓂᖅᓴᓄᑦ ᐃᖅᑲᓇᐃᔭᕐᓂᕐᓄᑦ, ᐃᓕᓐᓂᐊᕐᓂᕐᒧᑦ, ᓇᖕᒥᓂᖃᕐᓂᕐᒧᓪᓗ. ᑲᒥᓯᓇᒋᔭᐅᓂᕐᒥᓂ ᐃᒃᐱᒋᔭᐅᑦᑎᐊᖅᖢᓂ ᐅᖃᖅᑎᐅᖃᑦᑕᓚᐅᖅᐳᖅ ᐱᓕᕆᕙᒃᖢᓂ ᑕᒫᓂ ᓄᓇᑦᑎᓐᓂ, ᑲᓇᑕᓕᒫᒥ ᓄᓇᕐᔪᐊᓕᒫᒥᓗ ᐃᓄᓕᒫᑦ ᓄᓇᕗᒻᒥᐅᑦ ᐊᒃᑐᐊᖃᑦᑕᐅᑎᑦᑎᐊᖁᓪᓗᒋᒃ, ᐃᓕᖅᑯᓯᑐᖃᖏᓐᓄᑦ ᖃᓄᐃᓕᐅᖅᑕᐅᕙᓚᐅᖅᑐᓄᓪᓗ ᑕᒫᓂ.
ᐋᓐ ᒥᑭᔾᔪᑦ ᕼᐋᓐᓴᓐᑲᒥᓯᓇᒋᔭᐅᓚᐅᖅᓯᒪᔪᑦ ᓄᓇᕗᒻᒥᐅᓄᑦ2005-ᒥᑦ - 2010-ᒧᑦ ᐋᓐ ᒥᑭᔾᔪᑦ ᕼᐋᓐᓴᓐ ᐱᖓᔪᒋᔭᐅᓪᓗᓂ ᑲᒥᓯᓇᒋᔭᐅᓚᐅᖅᑐᖅ ᓄᓇᕗᒻᒥᐅᓄᑦ ᐄᐳᕈ 21, 2005-ᒥᑦ ᐄᐳᕈ 20, 2010 ᑎᑭᖦᖢᒍ. ᐋᓐ ᐃᖅᑲᓇᐃᔭᕐᓂᕆᖃᑦᑕᖅᑕᖏᑦ ᐊᔾᔨᒌᙱᕈᓘᔭᖃᑦᑕᖅᓯᒪᕗᑦ. ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᖃᑦᑕᖅᓯᒪᔪᖅ, ᓈᓚᐅᑎᒃᑯᑦ ᐅᖃᖅᑎᐅᖃᑦᑕᖅᓯᒪᔪᖅ, ᐱᕙᓪᓕᐊᔪᓕᕆᔨᐅᖃᑦᑕᖅᓯᒪᔪᖅ ᐅᖃᓕᒫᒐᓕᐅᖅᑎᐅᓪᓗᓂᓗ. ᐊᔪᙱᓐᓂᕆᑦᑎᐊᖅᑕᓂ ᐃᓄᒃᑎᑐᑦ ᐊᑐᖃᑦᑕᖅᓯᒪᕙᐅᒃ ᐃᖅᑲᓇᐃᔭᕐᕕᖃᕐᕕᒋᔭᓕᒫᒥᓂ. ᖄᒃᑲᓐᓂᐊᒍᑦ ᐃᖅᑲᓇᐃᔭᖃᑦᑕᖅᓯᒪᓂᖓᑕ ᐱᕙᓪᓕᐊᔪᓕᕆᓂᕐᒥ, ᐋᓐ ᐃᖅᑲᓇᐃᔭᓚᐅᖅᓯᒪᖕᒥᔪᖅ ᒐᕙᒪᒋᔭᐅᔪᒧᑦ ᓄᓇᑦᑎᐊᒥᐅᓄᑦ ᓄᓇᓕᖕᓂ ᐱᕙᓪᓕᐊᑎᑦᑎᓂᕐᒥᒃ ᐱᓕᕆᔨᐅᓪᓗᓂ, ᐅᖃᐅᔾᔪᐃᔨᐅᓪᓗᓂ ᑲᒥᓯᓇᐅᓪᓗ ᑐᒡᓕᕆᓚᐅᖅᓯᒪᓪᓗᓂᐅᒃ. 1964-ᖑᑎᓪᓗᒍ ᒐᕙᒪᑐᖃᒃᑯᓐᓄᑦ ᐃᓚᓕᐅᑎᓚᐅᖅᓯᒪᔪᖅ, ᐱᔨᑦᑎᖃᖅᐸᓚᐅᖅᑐᖅ ᑎᑎᕋᖅᑎᐅᓪᓗᓂ ᑐᓵᔨᐅᓪᓗᓂ/ᑐᑭᓕᐅᕆᔨᐅᓪᓗᓂ ᑎᑎᕋᕐᕕᖓᓄᑦ ᓄᓇᑦᑎᐊᒧᑦ ᐃᓚᒋᔭᐅᔫᑉ ᒪᓕᒐᓕᐅᕐᕕᒡᔪᐊᒥ ᐆᒪ, ᔩᓐ ᕆᐅᒻ. ᖃᐅᔨᒋᐊᕐᕕᒋᑎᒍᑦ ᑲᒥᓯᓇᐅᑉ ᑎᑎᕋᕐᕕᒋᔭᖓᓂ
ᑲᒥᓯᓇᐅᑉ ᑎᑎᕋᕐᕕᖓ ᑎᑎᖅᑲᒃᑯᕕᐊ 2379 ᐃᖃᓗᐃᑦ, ᓄᓇᕗᑦ X0A 0H0 ᐃᕐᖐᓈᖅᑐᐊᖅ: nunavutcommissioner@gov.nu.ca 
ᐅᐸᓪᓚᑦᑖᕐᓂᐊᕈᕕᐅᒃ: ᑲᒥᓯᓇᐅᑉ ᐊᖏᕐᕋᕆᔭᖓ ᐃᒡᓗᕐᔪᐊᖅ 2554 ᐃᖃᓗᐃᑦ, ᓄᓇᕗᑦ
ᐅᖄᓚᐅᑦ: (867) -975-5120 |
