English |
Inuinnaqtun |
Français
ᐃᐊᑦᓇ ᐃᒃᕼᐃᕙᓚᒃ ᐃᓚᐃᔭᔅ
ᑲᒥᓯᓇ ᓄᓇᕗᒧᑦ
ᓯᑕᒪᖓᑦ ᓄᓇᕗᒻᒥ ᑲᒥᓯᓇ, ᐃᐊᑦᓇ ᐃᓚᐃᐊᔅ ᑎᒃᑯᐊᖅᑕᐅᓚᐅᖅᑐᖅ ᒪᐃ 12, 2010.
ᐃᐊᑦᓇ ᐃᓚᐃᐊᔅ ᐅᐱᒋᔭᐅᑦᓯᐊᖅᑐᓂ ᐃᓕᓴᐃᔨ ᐅᖃᐅᓯᓕᕆᓂᕐᒧᓪᓗ ᑲᒪᔨ ᐊᕐᕌᒍᕋᓴᕐᓂᒃ ᐱᔨᑦᓯᕋᖅᓯᒪᓪᓗᓂ ᓄᓇᒥᓄᑦ.
ᓄᓇᓕᒃ ᖁᕐᓗᖅᑑᖅ, ᓄᓇᕗᒻᒥ, ᑲᑎᒪᔨᐅᓯᒪᓪᓗᓂ ᒪᐃᔭᐅᓯᒪᓪᓗᓂᓗ.
ᒥᔅ ᐃᓚᐃᐊᔅ ᐃᖅᑲᓇᐃᔮᖃᖅᓯᒪᓂᖓ ᐱᒋᐊᓚᐅᖅᓯᒪᔪᖅ ᒥᑭᔫᑕᐅᓂᖅᓴᓄᑦ ᐃᓕᓐᓂᐊᖅᑎᑦᓯᔨᐅᓪᓗᓂ ᖁᕐᓗᖅᑑᒥ ᐃᒃᐱᐊᕐᔪᒻᒥᓗ 1980-ᒥ. 1980-ᖏᓐᓂ, ᐃᒃᓯᕙᐅᑕᐅᖃᑕᐅᓚᐅᖅᑐᖅ ᓄᓇᑦᓯᐊᕐᒥ ᓄᓇᖃᖅᑳᖅᑐᒥᓃᑦ ᐅᖃᐅᓯᓕᕆᓂᕐᒧᑦ ᑎᓕᔭᐅᓯᒪᔪᓄᑦ, ᑐᑭᒧᐊᑦᑎᑦᓯᔨᐅᓪᓗᓂᓗ ᐅᖃᐅᓯᓕᕆᔨᓄᑦ ᐃᓕᖅᑯᓯᓕᕆᔨᒃᑯᓐᓂ ᐃᖅᑲᓇᐃᔭᖅᑐᓕᕆᔨᒃᑯᓐᓂᓗ.
1990-ᖏᓐᓂ, ᐃᓕᓐᓂᐊᕐᕕᒻᒥ ᐊᖏᔪᖅᑳᖑᓚᐅᖅᑐᖅ ᖁᕐᓗᖅᑑᒥ, ᐃᑲᔪᖅᑎᐅᓪᓗᓂᓗ ᓄᓇᕗᑦ ᑐᙵᕕᒃᑯᓐᓂ ᐃᖃᓗᑦᑑᑦᑎᐊᕐᒥ. 2000-ᒥ, ᐊᖏᔪᖅᑳᖑᓚᐅᖅᑐᖅ ᐃᓚᒌᓄᑦ ᓄᓇᓕᓐᓄᓪᓗ ᐱᔨᑦᓯᕋᐅᑎᓄᑦ ᕼᐊᐃ ᓚᕗᓪ, ᐃᐅᓪᐳᑕᒥ, ᑭᖑᓂᐊᒍᓪᓗ ᐃᖅᑲᓇᐃᔮᖃᓚᐅᖅᑐᓂ ᓱᕈᓯᓕᕆᓂᕐᒧᑦ ᓄᓇᓕᓐᓂᓗ ᐱᕙᓪᓕᐊᑎᑦᓯᓂᕐᒧᑦ ᓄᓇᑦᓯᐊᕐᒥ.
ᒥᔅ ᐃᓚᐃᐊᔅ ᐃᖅᑲᓇᐃᔮᖃᖅᓯᒪᔪᖅ ᐃᓄᒃᑎᑐᑦ ᑐᓵᔨᐅᓪᓗᓂ ᑐᑭᓕᐅᕆᔨᐅᓪᓗᓂᓗ. ᑐᓵᔨᐅᓯᒪᔪᖅ ᓄᓇᕗᑦ ᒪᓕᒐᓕᐅᕐᕕᐊᓂ ᐊᒻᒪᓗ ᐊᐱᖅᓱᖅᑕᐅᖃᑦᑕᖅᑎᓪᓗᒋᑦ ᓄᓇᕗᒻᒥᐅᑦ. ᒫᓐᓇᒫᖑᓚᐅᖅᑐᖅ, ᐃᖅᑲᓇᐃᔭᓚᐅᖅᑐᖅ ᓄᓇᕗᒻᒥ ᒐᕙᒪᓕᕆᔨᒃᑯᓐᓂ ᐊᐱᖅᓱᖃᑦᑕᖅᑎᓪᓗᒋᑦ ᐃᓪᓗᑖᕆᐊᖃᕐᓂᕐᒧᑦ ᓄᓇᕗᒻᒥᐅᓄᑦ.
ᐊᑯᓂ ᐃᖅᑲᓇᐃᔭᖅᓯᒪᓕᖅᑐᓂ, ᒥᔅ ᐃᓚᐃᐊᔅ ᐊᑦᓱᕉᑎᖃᖅᓯᒪᔪᖅ ᓴᖅᑭᔮᖅᑎᑦᓯᒐᓱᐊᕐᓂᕐᒧᑦ ᐃᓄᐃᑦ ᐃᓕᖅᑯᓯᖏᓐᓂᒃ. ᑲᒪᔨᐅᓚᐅᖅᑐᖅ ᐊᐅᓚᑕᐅᑎᓪᓗᒋᑦ ᓄᓇᖃᖅᑳᖅᑐᒥᓃᑦ ᐅᖃᐅᓰᓪᓗ ᐃᓕᓴᕆᔭᐅᓯᒪᔪᑦ ᐱᔨᑦᓯᕋᐅᑎᖏᑦ ᒐᕙᒪᒃᑯᓐᓄᑦ ᓄᓇᑦᓯᐊᕐᒥᓗ ᒪᓕᒐᓕᐅᖅᑎᖏᓐᓄᑦ, ᓴᖅᑮᓚᐅᖅᑐᖅ ᐃᐊᑦᒪᓐᑕᓐᒥ ᐃᓄᐃᑦ ᐃᓕᖅᑯᓯᓕᕆᓂᕐᒧᑦ ᑎᒥᖁᑎᖏᓐᓂᒃ ᓇᒻᒥᓂᖃᖅᑎᐅᓚᐅᖅᑐᓂᓗ ᑐᓵᔨᐅᓂᕐᒧᑦ ᑐᑭᓕᐅᖅᑎᐅᓂᕐᒧᓪᓗ ᖃᐅᔨᒪᔨᑕᐅᓂᕐᒧᓪᓗ.
ᒥᔅ ᐃᓚᐃᐊᔅ ᕿᑐᕐᖓᓕᒃ ᐱᖓᓱᓂᒃ ᐅᖃᓕᒪᒍᓐᓇᖅᑐᓂᓗ ᖃᓪᓗᓈᑎᑐᑦ ᐃᓄᒃᑎᑐᓪᓗ.
ᖃᐅᔨᒋᐊᕐᕕᒋᑎᒍᑦ ᑲᒥᓯᓇᐅᑉ ᑎᑎᕋᕐᕕᒋᔭᖓᓂ
