 |
|
English | Inuinnaqtun | Français
ᒥᓂᔅᑕ ᔅᑐᕌᓪ ᓇᓗᓇᐃᖅᓯᔪᖅ ᑎᒃᑯᐊᖅᑕᐅᓂᖓᓂᒃ ᓇᓕ ᑯᓱᒐᖅ ᑲᒥᓯᓇᐅᑉ ᑐᒡᓕᐊᓄᑦ ᓄᓇᕗᒻᒥRef. #2-3308ᐋᑐᕙ, ᐋᓐᑎᐅᕆᐅ (ᔭᓐᓄᐊᓕ 15, 2010) - ᓴᒃ ᔅᑐᕌᓪ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄᑦ ᒐᕙᒪᑐᖃᒃᑯᓄᓪᓗ ᑭᒡᒐᖅᑐᐃᔨ ᐊᓪᓚᖓᔪᓂᒃ ᐃᓕᓴᕆᔭᐅᓯᒪᙱᑦᑐᓂᓪᓗ ᐃᖅᑭᓕᓐᓂᒃ, ᐅᓪᓗᒥ ᓇᓗᓇᐃᖅᓯᖅᑲᐅᔪᖅ ᑎᒃᑯᐊᖅᑕᐅᓂᖓᓂ ᓇᓕ ᑯᓱᒐᖅ ᑲᒥᓯᓇᐅᑉ ᑐᒡᓕᐊᓄᑦ ᓄᓇᕗᒻᒥ. “ᒥᔅ ᑯᓱᒐᐅᑉ ᐊᕐᕌᒍᕋᓴᕐᓂᒃ ᐃᓕᓐᓂᐊᖅᑎᑦᓯᔨᐅᓯᒪᓂᖓ ᓄᓇᕗᒻᒥ ᓇᓗᓇᐃᖅᓯᒍᑕᐅᔪᖅ ᐊᑦᓱᕉᑎᖃᕐᓂᖓᓄᑦ ᓄᓇᕗᒻᒥ ᓯᕗᓂᑦᓴᖓᓄᑦ,” ᐅᖃᖅᓯᒪᔪᖅ ᒥᓂᔅᑕ ᔅᑐᕌᓪ. “ᑲᒥᓯᓇᐅᑉ ᑐᒡᓕᕆᓗᓂᐅᒃ ᐃᓂᖃᑦᓯᐊᕐᓂᐊᖅᑐᖅ ᓯᕗᒧᑎᑦᓯᒋᐊᕈᓐᓇᕐᓗᓂ ᐊᑦᓱᕉᑎᒋᔭᒥᓂᒃ ᓯᕗᓂᑦᓴᖃᑦᓯᐊᕈᓐᓇᖁᓪᓗᒋᓪᓗ ᓄᓇᕗᒻᒥᐅᓕᒫᑦ.” ᒥᔅ ᑯᓱᒐᖅ ᖃᐅᔨᒪᔨᑕᐅᓪᓗᓂ ᐅᖃᐅᓰᓐᓂᒃ ᒪᕐᕉᓐᓂᒃ ᐃᓕᓐᓂᐊᖅᑎᑦᓯᔨᐅᔪᖅ ᐃᖅᑲᓇᐃᔮᖃᓪᓚᕆᑦᓯᒪᓪᓗᓂ ᖃᐅᔨᒪᑦᓯᐊᖅᑐᖅ ᐱᖅᑯᓯᑐᖃᖅᑎᒍᑦ ᐃᓕᖅᑯᓯᖅᑎᒍᓪᓗ ᐃᓕᓐᓂᐊᖅᑐᓕᕆᓂᕐᒥᒃ, ᐃᓕᓐᓂᐊᖅᑎᑦᓯᔨᐅᓂᕐᒧᑦ ᖃᓪᓗᓈᑎᑐᑦ ᑐᒡᓕᐊᓂ ᐅᖃᐅᓯᕆᔭᐅᓪᓗᓂ ᐱᓕᕆᖃᑎᖃᕐᓂᒥᓪᓗ ᓄᓇᓕᓐᓂ ᐃᓐᓇᒻᒪᕆᓐᓂᒃ. ᓄᓇᕗᒻᒥ ᑲᒥᓯᓇ ᐱᓕᕆᐊᑦᓴᖃᖅᐸᑦᑐᖅ ᒪᓕᑦᑐᒋᑦ ᑎᑎᕋᖅᓯᒪᔪᑦ ᑎᓕᓯᔾᔪᑎᐅᔪᓂᒃ ᒐᕙᒪᑐᖃᒃᑯᑦ ᒥᓂᔅᑕᖏᑕ ᑲᑎᒪᔨᖏᓐᓄᑦ ᒥᓂᔅᑕᖓᑕ ᐃᓄᓕᕆᔨᑐᖃᒃᑯᑦ. ᑲᒥᓯᓇᐅᑉ ᑐᒡᓕᐊ ᑎᓕᔭᐅᕙᑦᑐᖅ ᑲᒥᓯᓇ ᐅᐸᒍᓐᓇᙱᒐᐃᒻᒪᑦ ᐱᓕᕆᐊᑦᓴᕆᒋᐊᓕᖏᓐᓄᑦ. ᑖᓐᓇ ᐃᓂᖓ ᐋᖅᑭᑦᑕᐅᓯᒪᔪᖅ ᓄᓇᕗᒻᒥ ᐱᖁᔭᕐᔪᐊᑎᒍᑦ ᑎᒃᑯᐊᖅᑕᐅᓪᓗᓂᓗ ᒐᕙᒪᑐᖃᒃᑯᑦ ᒥᓂᔅᑕᐃᑦ ᑎᓕᐅᕈᑎᖓᒍᑦ.
ᑭᓱᓕᕆᔨᐅᑎᑕᐅᕙᖕᓂᖓ ᑲᒥᓯᓇᐅᑉ ᑐᒡᓕᐊ ᓄᓇᕗᒻᒥᐅᓄᑦ ᐃᕐᖐᓈᖅᑐᐊᖅ: ᓇᓕ ᑯᓱᒐᖅ
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᒍᓐᓇᖅᑕᐃᑦ: ᒥᓂᔅᑕᐅᑉ ᐊᓪᓚᕝᕕᖓ ᒥᓯᐅᓪ ᔭᐅ ᐱᕙᓪᓕᐊᔪᓕᕆᓂᕐᒧᑦ ᐊᓪᓚᑦᑎ ᓴᒃ ᔅᑐᕌᓪ ᐊᓪᓚᕝᕕᖓᓂ 819-997-0002
|
